لوسين بصتله: ده حسن اخو عيسي الصغير
سراج: شكرا يابني
لوسين بابتسامة مرحة : وفيه عم ابراهيم وولاده
سراج: هما فين عشان اشكرهم
سماح: بابا يظهر نسي حاجه في المركب ورجع يجبها
علاء بترحاب: اهلا ياسراج بيه
عمار: انا عمار وده اخويا علاء
شفيق: عيسي مجاش هروح اجيبه
سراج وقفه بأشاره: مفيش داعي لوسين تعبانه ومحتاجه ترتاح غير كدا امها في البيت هتموت وتشوفها وانا بشكركم كلكم وكمان ليكم مكافأه بشكل كبير
حسن: ملوش لزوم كلنا عندنا استعداد نساعد انسه لوسين
لوسين: الف شكر ليكم كلكم وهشوفكم تاني انتم خلاص من اللحظه اصدقائي
حسن مبتسملها وهي لفت ودخلت ما بينهم بتدور ع عيسي محتاجه تشوفه قبل ما تمشي
عيسي اتفاجئ بيه سأله: ليه رجعت ياخالي يله هقدمك لسراج بيه
ابراهيم: استني استني وابعد عنه نهائي
عيسي عقد حواجبه: ايه الحكايه ليه ابعد عنه انت تعرفه
ابراهيم بندفاع: سراج هو همام عوف