وبسرعه ركب توكتك واخد ابوه ووصله لقدام البيت
الروايا لمنه محمد كاتب حصري
حسن شافه راح عليه وشد الفلوس منه وبنفعال: دي فلوسي هاتها ( رفعها في وشه) عارف ان دي هي مستقبلي ليه سرقتها
مساعد وشه في الارض كأنه طفل معاقب: انا مسرقتهاش لاني عارف انك عايز تدفع المصاريف انا بس اخدتها اشغلها كل الحكايه اني مقولتلكش يله خدها اهي
صباح زعقتله: قولي بتفكر ازاي بقي يا راجل تاخد فلوس تعليم ابننا تلعب بيهم قمار مش حـrام عليك
مساعد: اخرسي يا وليه ومدام ملعبتيش ابدا تبقي متتكلميش انا كنت هكسب الضعف لولا الغبي ده لو مجاش كنت كسبت الضعف
عيسي بطريقه كلها سخريه: خسرت اد ايه زمان انا ع طول شايفك بتخسر هناك وعمري ما شوفت حد بيسكب من لعب القمار غير
اصحاب المكان
مساعد صرخ: عيسي( ضربه قلم ع وشه بقسوه) انت هتديني محاضره انا فلست بسببك عمر البوليس ماراح هناك ابدا لكن بوجودك حضر لان انت نحس _برق بعيونه_ ولا اتصلت بيهم ايوه صح عشان يقبضوا عليا