الويتر: تحت امرك
معاذ: الامر لله، شكرًا
وبعد ما الويتر مشي بص زياد لمعاذ وسأله: مش ناوي تفوق بقا؟؟
معاذ بغضب: انت مستوعب اللي بتقوله؟!
زياد بتعجب: اه في ايه؟
معاذ بصوت عالي: الخساير اللي حصلت في الشركة كبيرة اوي
زياد بهدوء: عارف، بس انت بقالك شهر في الحالة دي وخسرت ناس كتير حواليك
معاذ بعصبية: مش مهم المهم ان الشركة متقعش وبقولك ايه انا جاي اكل وامشي ارجع الشركة، ومتفتحش الموضوع ده تاني
زياد بقلة حيله: براحتك
في الوقت ده كان بدأ الويتر يرص الاطباق قدامهم ومشي، وبدأوا ياكلوا وفي وسط الاكل قال زياد وهو بيقطع الاكل: على فكرة قمر سألت عليك