في قصر فتحي الزناتي نزل عليه خبر خيانة صديقه له وافلاسه كصاعقه محملةٍ بالحزن تخبره بنفاذ طاقتة علي المواجه
عبد العزيزبغضب :واحنا هنروح فين يا بابا ديلوقتي احنا مبقاش عندنا حته نروحها
فتحي بحزن :مش عارف يا بني سبني افكر
عبد العزيز بتسرع :تفكر مش حضرتك اللي روحت عملت توكيل لواحد زباله زي دا
فتحي بإرهاق :والنبي اخرس يا عبد العزيز انا مش ناقصك
عبد العزيز :حاضر يا بابا انا هروح اشوف الشغالين وامشيهم عقبال ما حضرتك ما تفكر براحتك وتلاقينا حل للمصيبه دي
اكتفي فتحي بالصمت
✨في غرفه نيره ✨
كانت غرفه علي كبيره علي التراث العصري يوجد بها غرفه للملابس تتكون من عده ارفف كل رف يحتوي علي العديد من الأشياء فمثلاً هناك عده ارفف للأحذيه واحد تلو لأخر وعدة ارفف اخري للشنط وهكذا
نيره بحزن وهي تحزم اغراضها:ماما سابت بابا لأنه شركتة فلست وانفصلوا عن بعض وانا اخترت اعيش مع ماما عشان الفلوس وديلوقتي ماما فلست بعد ما بابا بقي مش اشهر رجال الأعمال في مصر اتمني اما اروح اقوله اني عايزه اعيش معاه يوافق ومراته
متدخلش في الكلام
دق باب الغرفه فصاحت نيره بزعر قائله :ادخل
دلفت مرزوقه وبيدها بعض الأغراض الخاصه بنيره
مرزوقه :دول حاجاتك اللي كانوا تحت يا ست هانم
نيره بقله زوق :حطيهم عندك وتعالي حضريلي باقي الشنط
مرزوقه بتردد :بس استاذ لؤي عاوزني
نيره بوقاحه :انتي هتناقشيني انتي مجرد خدامه هنا لو نسيتي يعني يعني تنفذي اللي اقولك عليه انا الأول وبعد كيدا تبقي تشوفي الباقي فاهمه