شافوا ثريا مديرة الحضانة بتقرب منهم…ابتسموا لها بحب
قعدت معاهم
“صباح الخير يابنات”
ردوا هدير وعالية
“صباح النور”
هدير”ابلة ثريا عندى ليكى خبر حلو”
ثريا”ايه ياهدير فرحينى”
هدير”عصام لقى شقتين ايجارهم معقول وهنروح العصر نشوفهم”
ثريا”الف مبروك”
ردت عالية بسرعة
“العصر؟؟ النهاردة الاثنين ياهدير عندى درس تحفيظ”
هدير”اااه صحيح… طيب لما تيجى نبقى نروح”
عالية”ابلة…عايزة اقولك حاجة”
ثريا”خير؟”
عالية”عايزة ادور على شغل”
ثريا”شغل ايه يا بنتى …انتى مش ماسكة فصل البنات الصغيرين هنا ف الدار وبتروحى دروس التحفيظ…كفاية عليكى”
عالية”المدارس قربت يا ابلة ومش هيبقى فيه غير الصغيرين يعنى ممكن يقعدوا مع سعاد ولا وجيدة”