رواية هل يشفع الحب
الفصل الاول والثاني
عالية قاعدة ف فصل دراسى ..قدام بنات اعمارهم مختلفة من 3 ل 6 سنين
“وماتت ستنا آمنة ام الرسول عليه الصلاة والسلام”
تقف عالية ف الكلام…تبص للبنات
“ها قلنا نقول ايه”
يردوا البنات
“عليه الصلاة والسلام”
تكمل عالية”كان عنده وقتها 6 سنين لما بقى يتيم من غير ام او اب… اخده جده عبد المطلب يربيه”
تسأل بنت من اللى قاعدين
“يعنى الرسول مكنش عنده ام واب زينا”
ابتسمت لها عالية
“ايوه يا جيجى كان يتيم زينا… بس ربنا كان بيحبه وقال ان كل الناس لازم تحب الايتام… بسم الله الرحمن الرحيم واما اليتيم فلا تقهر”
سألت بنت تانية
“يعنى ايه”
عالية”يعنى ربنا قال ان اللى يزعلنا هيزعل منه والرسول عليه الصلاة والسلام”
ردوا البنات
“عليه الصلاة والسلام”
كملت عالية”قال ان اللى بيحبنا وبيخلى باله مننا بيدخل الجنة معاه”