كنا بنخرج مع بعض ، نروح ونرجع من الشغل مع بعض ، ناكل .. نشرب .. نفرح .. نزعل مع بعض ..حصلت بينا علاقة حب بجد.. .!
اتفقنا علي الجواز ، لان فعلا في الوقت ده مكنش حد فينا يقدر يستغني عن التاني ..
وفي يوم طلب مني اني اروح معاه شقته ..!!
بحجه انه يوريني الشقه اللي هيتجوزني فيها..
طبعا رفضت وبشدة ، قولتله انت ازاي تطلب مني حاجه زي كده ، أتأسفلي وقالي انه مكنش يقصد حاجه غلط ..!!
كنت عارفه فعلا انه قصده سليم لانه كان إنسان كويس جدا وعمره مبفكر يأذيني !!
بس طلب مني تاني اروح معاه ، رفضت ، ألح عليا كتير لحد مفعلا وافقت في يوم اني اروح وروحت فعلا لاني كنت بثق فيه بجد ..!!
هناك بدأ يقرب مني ويحاول يلمس جسمي وقالي كلام حلو كتير كنت اول مرة اسمعه في حياتي لانه فعلا كان اول راجل في حياتي .!!
صديته في البدايه بس ضعفت وسلمتله نفسي بعد موعدني انه هيتقدملي ويتجوزني في اقرب وقت ، وكنت عارفه ومتأكدة انه مش بيكدب عليا…!!!!
وكانت اول واخر مره يلمسني ومتكررتش تاني وفضلت بعدها تعبانة ومنهاره فترة لآني عمري متخيلت اني ممكن اعمل كده ابدا ….!!