علام بره سامع هبد ورزع مش عارف فيه ايه وصباح اتاخرت جوة قال اما اشوف فيه ايه خبط علي الباب محدش رد استغرب وقال هو فيه ايه😳😳 نده عليها وقال انتي يا اللي جوة انتي اطلعي عاوز ادخل الحمام كل ده بتعملي ايه ؟!
برضه مفيش رد الفار لعب في عبه قال لا كده في حاجه غلط خبط جامد و مفيش رد وقال افتحي احسنلك هكسر الباب
يعني مش هتفتحي طووويب راح ضارب الباب بكتفه كذا مرة راح مفتوح دور بعينه في الحمام ملقاش حد عينه جات علي الشباك
وشاف منظر عمرة متخيل يشوفه 😂😮 لو في وضع عادي كان المفروض يقع علي الارض من الضحك😂 بس دي مصيبه مراته محشورة في شباك الحمام ومش عارفه تعدي منه والجردل اللي طلعت عليه وقع ومش لقيه حاجه تسند عليها علشان تنزل 😑 راح
جمبها وبمنتهي الهدوء قالها مبترديش عليا ليه ياهانم عجبك الباب اللي اتكسر ده
صباح قالتله نزلني ونبي وبعد كده نتكلم قالها و ايه اللي مطلعك كده ياهانم ؟