بصت سارة لابوها بصة بريئة، وفهمت انه بعد البصة دي مستحيل يرفض طلبها، طلب منها تاخد الدمية وتدخل اوضتها، ولقيته قرب مني وحاول يحتويني، وطبعا معتز مقدرش اقوله لا، اشترطت عليه متخرجش الدمية برة اوضة البنت ووافق وقالي انه هينبه على سارة..
Thank you for reading this post, don't forget to subscribe!تاني يوم واقفة في المطبخ لقيت البنت وقفت قدامي، وبكل برود الدنيا مسكت كوباية وراحت رمياها في الأرض..
حسيت وقتها بثورة، غضب شديد، مسكتها من شعرها بعنف وقولتلها:
واضح انك عايزة تتربي من جديد
الغريب انها مكانتش بتقاوم خالص، سحبتها علي الحمام وقبل ما ادخلها جوة لقيتها شدت ايديها بقوة وجريت على اوضتها، وقفت وانا بغلي، مسكت عصاية وقبل ما ادخل اوضتها لقيتها خارجة وفي ايديها الدمية، ودخلت الحمام بكل برود..