بلاش الحمام يا ماما انا بخاف
Thank you for reading this post, don't forget to subscribe!قالتها وهي بتبكي، بتبكي جامد، بس انا مكنش عندي اي شفقة ناحيتها، وده ببساطة لأنها مش بنتي، حتى كلمة ماما مكنتش بحبها منها..
كنت بتلكك على أي غلطة عشان اعاقبها، كانت عقبة كبيرة في البيت، خاصة اني خلاص بقيت حامل ووجودها بقا مستفز ليا جدا، حتى اني حاولت اقنع والدها انها تروح تعيش عند خالتها بس هو رفض، رفض رفض قاطع، وده خلاني اكرها اكتر واكتر..
وبما ان ابوها اغلب وقته في الشغل فكانت تحت ايدي ليل نهار، كنت اعرف امها الله يرحمها، ومكنتش بحبها من الأساس، وده لأن امها خدت معتز مني، معتز اللي كنت بعشقه عشق، وحقدت علي امها حـqد الدنيا والاخرة..