شيماء اصابها الاكتئاب الشديد واصبحت في عزلة عن الناس حبيسة في غرفتها بمنزل والديها حيث قاطعها الجميع بعد ما اصابهم من فضيحة وخذلان واصبحوا حديث العامة بسبب شيماء الا واحدة لم تتخلي عنها ابدا انها صديقتها ريم التي زارتها في منزلها لتشد من ازرها وتواسيها في محنتها ريم .. يابنتي اطلعي من الحالة دي بقي انتي مش شايفة شكلك بقي شكلة ايه ؟!
شيماء .. انا في كابوس فظيع يا ريم !!
انا مش قادرة اصدق اللي حصلي ده
ريم .. حاسة بيكي صدقيني وزيك بردوا مش قادرة اصدق اللي حصل ده وهاتجنن من كتر التفكير
شيماء .. ازاي مدحت يعمل فيا كده ؟!انا محبتش حد في الكون اده
ريم .. والعجيب ان تقرير الطب الشرعي اكد كلامه !!
شيماء .. انتي بتبصيلي كده ليه ؟!اوعي تكوني مصدقة الكلام العبيط اللي بيتقال ده ؟!
ريم انتي صحبتي الانتيم وتقريبا معايا في كل تفاصيل حياتي وعارفة اني عمري مل عملت حاجة غلط وعمري ما افكر اسلم نفسي غير لشخص انا اكون حلاله وهو حلالي
ريم .. عارفة ومتأكدة طبعا يا شيماء .. بس ازاي ده حصل.. طيب بصي انتي مش صحبتي وبس انتي اختي كمان وهاكلمك وتجاوبيني من غير كسوف ..هو لما حصل فض لغشاء البكارة ليلة الدخلة مش فيه ااااا….. مش فيه اااا .. كده يعني يا شيماء !!
شيماء .. اه فهمتك .. تقصدي …..
ريم .. ايوه بالظبط كده .. فين بقي ؟!!
شيماء .. هو كان علي فرشة السرير بس انا تقريبا غبت عن الوعي لحظات لأني لما فوقت لقيت الفرشة اتغيرت !!
ريم .. يعني ايه ؟! تقصدي مدحت غير الفرشة ؟!!
شيماء تتذكر شئ ما .. ايه ؟!! .. انا افتكرت حاجة .. الزبال
ريم .. زبال مين ؟!
شيماء .. الزبال والزبالة !!
ثم تنهض وتجري مسرعة
ريم .. شيماء انتي رايحه فين ؟!!
شيماء وصحبتها ريم يذهبان الي منطقة لتجميع القمامة
ريم مندهشة .. ايه المكان اللي انتي جايباني فيه ده ؟!!
الريحه وحشة اوي هنا !!
شيماء .. ده المكان الوحيد اللي ممكن الاقي فيه حجازي
ريم .. مين حجازي ده ؟!
شيماء .. حجازي ده الزبال اللي بيجي عندنا في البرج
ريم .. وانتي عاوزة من حجازي ده ؟!
شيماء .. الاقيه بس وهتعرفي كل حاجة
ريم .. اعرف ايه بس انا حاسة اني هرجع من الريحه الفظيعة دي !!
شيماء تستوقف احد الزبالين شيماء .. لو سمحت حجازي فين الاقيه ؟
الزبال .. حجازي مين عدم لا مؤاخذة ؟! هنا فيه تلاتين حجازي .. حجازي محمود .. حجازي عبد السلام .. حجازي ابو نوره .. حجازي متقال .. ههههههههه وغيرهم كتير
شيماء .. انا عايزة حجازي بتاع برج الاندلس اللي في الهرم
الزبال .. اه .. يبقي انتي عاوزة حجازي ابو لوزة
شيماء .. ايوه هو ده ابو لوزة فينه بقي ؟
الزبال .. وعايزاه في ايه عدم لا مؤاخذة ؟!
شيماء .. وانت مالك بقي !! عاوزاه في حاجة وخلاص
الزبال يفرك في رأسه .. اها .. هو لطش منك حاجة ولا ايه ؟!
شيماء .. ياعمي مالطش مني حاجة انا عاوزاه في موضوع كده الزبال .. ايه هو الموضوع ده بالظبط ؟! هوانم شيك زيكم كده هيعوزوا زبال معفن زي ده في ايه ؟! اكيد سرق منكم حاجة
ريم .. هو انت رزل كده ليه يا اخ انت ؟!قولنا هو فين وخلاص
الزبال .. علي مهلك طيب متزقيش!! ..
هو عامل حادثة ومتجبس وقاعد في البيت مبيخرجش
ريم .. طيب ما تقول كده من الصبح وساكن فين ابو لوزة ده ؟
الزبال .. تعالوا معايا
وعندما يصلون الي المنزل
شيماء بتعجب .. هو ساكن هنا ؟!
الزبال ..اه .. عدم لا مؤاخذة المنطقة مش اد المقام .. معفنه زيه .. ما هو زبال بقي .. هههههههه .. يا بت يا لوزة .. انتي يا بت يا لوزة
لوزة فتاه صغيرها عمرها ٥ سنوات تنظر من شباك صغير
لوزة .. ايوه يا عم سيد
الزبال .. ابوكي متلقح فوق؟
لوزة .. ايوة
الزبال .. طيب الهوانم دول عاوزينه .. اتفضلوا يا هوانم .. انستوا وشرفتوا
شيماء .. انت رايح فين ؟!
الزبال .. هطلع معاكم
شيماء .. لا شكرا اتفضل حضرتك
الزبال .. ليه ما اطلع معاكم .. لاحسن الواد حجازي ده رزل اوي ممكن يرزل عليكم ولا حاجة شيماء .. لا متقلقش .. اتفضل