موقف رعب احمد رزق

قعدنا مع بعض نحكي ونذاكر مع بعض لحد الفجر.. ف هو قالي هامشي بس قلت له ما تبات معايا.. وانا مكنش في دماغي انه هيبات في اوضه من المقفولين كان في دماغي انه هيبات في اوضتي.. وحتى محمود قالي ما ابتات في الاوضة دي ليه ابات ف اوضتك واضايقك..
و خالد بصي كده و كانت بصته بتوحي ليا ان عادي بقى ماتقعدوا في الاوضة ما احنا معانا مفتاحها!..

Thank you for reading this post, don't forget to subscribe!

فتحنا الباب ومحمود دخل ينام في الاوضة وهنا كانت الكارثة؟!

دخل محمود للاوضة وفجاة سمعت صوت محمود بيصرخ وخرج بره وكان مفزوع اوي ووشه مخضوض! قلت له مالك فيك ايه؟ قالي انا سمعت صوت خطوات رجلين حد كأنه لابس قبقاب و صوت خطواته كأنه ماشي في طرقة طويله جدا! و الطرقة اصلا اللي فيها الاوضه مش طويلة كدا! كمل محمود وقال الباب اتفتح ودخلت ست شعرها ابيض منكوش ووشها مكنش شـrير بالعكس وشها كان فيه طيبه.. وكانت لابسه فستان اسود!..

فضل محمود يحكي لي وصفها وكنت مرعوب اوي وهو بيحكي لي!..

الست دي كانت ماسكه مقص.. دخلت الاوضة وجابت قميص محمود عبد المغني وقطعته نفس التقطيعه شرايط بالطول زي ما حصل مع الدخيل!.. اصل محمود كان قلع قمصيه وعلقه ف الست دي دخلت للاوضة وقصته عشان اكيد رافضه حد يدخل للاوضة!..

ولما محمود حكالي قلت له تعالي يا محمود معايا.. هو رفض يدخل الاوضة بس قلت له ماتخفش احنا هندخل مع بعض و هنقرا قران… فعلا دخلنا وفضلنا نقرا قران بس الصدمة اننا لقينا القميص سليم! ف قلت له ايه يا محمود القميص مفهوش حاجة! هو انهار وفضل يحلف ان القميص كان مقصوص! ف هديته قولت له تعالى بس واهدى.. خرجنا للصالة وقعدنا وقلت له ادخل انت نام في اوضتي وانا هنام في الاوضة دي! انا مكنتش هنام اصلا الليلة دي لاني قررت هسيب الشقة بس قبل ما اسيبها لازم افهم اللي بيحصل وليه مابيحصلش حاجة والاوضة مقفوله.. اشمعنى لما تتفتح وحد ينام فيها!..

انا دخلت وشفت الست دي!..

انا شوفتها دخله الاوضه وماسكه مقص وانا بقى اول ما شوفتها صرخت!.. وجريت وخرجت لمحمود.. وقتها محمود كان فاكرنيعني بهزر واني بعمل كده يعني عشان الطف الجو وكده.. وقالي طب لو شفتها احلف انا حلفت اني شوفتها ف صدقني.. و وصفت له شكلها.. شعرها ابيض ومنكوش ولابسه فستان أسود.. بس ده حكهولي عنها.. لكن اللي محكوش تفصيله صغيره ف الست انها كانت لابسه عقد بيل او خرز ابيض.. ف هنا محمود صدقني ان فعلا شوفتها!..

بعدها نزلنا وخدنا الشنط ورحنا نقعد في قهوة اسمها قهوة سيد درويش.. فضلنا قاعدين فيها للصبح والشنط كانت معانا عشان خلاص مقررين مش هنقعد ليلة تاني في الشقة.. بس قبل ما نمشي رحنا للسمسار و حكيناله كل حاجة عن الشقة و الاوضة والست الغريبة اللي بتقص القمصان بالمقص..

السمسار قالي حاجة مقلهاش قبل كده لما اخدنا الشقة والحاجة دي هي سر الشقة كلها؟!..

الست دي اخت صاحب البيت وكان عندها مرd التاخر العقلي.. يعني هي ست كبيرة بس بعقل طفلة.. صاحب البيت بقى كان حابس اخته في الاوضه دي لانها كانت بتعمله مشاكل.. والست دي مكانتش بتعمل حاجة في الاوضة دي إلا الخياطة.. يعني ف الاوضه اللي من غير شباك واللي قعد فيها الدخيل و محمود عبد المغني.. كانت محبوسه فيها من اخوها وكان عندها مكنة خياطة بتسلي نفسها بيها!.. ومكنش بيفتح لها الباب الا لما تقعد تصرخ وتحلف انها عايزه تدخل الحمام! ولما تدخل للحمام يرجعها للاوضة تاني!..

بس في النهاية الست ولعت في نفسها .

لو وصلتوا لهنا ماتبخلوش عليا بلايك والكومنت والشير دعما لاستمرار نشر القصص.