موقف رعب احمد رزق

الفنان أحمد رزق حصل معاه موقف مرعب جدا لما سكن في شقة واتضح ان الشقة دي فيها حاجة غلط!! بيحكي أحمد رزق اللي حصل له وبيقول انا حصل لي موقف عمري ما هقدر انساه في حياتي..

Thank you for reading this post, don't forget to subscribe!

وانا اصلا عمري ماكنت بصدق بمواضيع الجن لكن اللي حصلي خلاني اتاكد ان هما موجودين بينا!..

الموقف ده مابحبش احكي لاقرب الناس ليا عشان مايخافوش..

بداية الموقف لما كنت في اسكندريه وخصلت الثانوية العامة وقررت اني هدخل معهد فنون مسرحية.. وكان مصاريف السكن والشقق فيها مشكله في البداية..

فجيت انا وصديق ليا من الاسكندريه اسمه ( خالد) كان معايا في ثانوية عامة ودخل هندسة جامعة القاهرة.. وحاول خالد انه ينقل معايا الاسكندرية لكنه ماعرفش ف استقر في النهاية في جامعة القاهرة..

اتقفنا اننا هناخد شقة سوا لكن تكون قريبة من المعهد بتاعي و اخدنا الشقة وكانت قريبة ليا اكتر منه وهو لاخر لحظة كان عايز ينقل جامعة اسكندريه وعشان كده كان سايبلي فكرة التدوير على شقة..

الشقة دي مقعدتش فيها اكتر من 15 يوم.. الشقة كانت كبيرة 4 اوض لكن كان مسموح لينا نعيش في اوضتين بس؟! صاحب الشقة لما اجرنا الشقة قالنا يا جماعة الاوضتين دول يستحسن ماتقعدوش فيها عشان انا شايل فيهم حاجات مهمة.. واكد عليا كتير مانقربش من الاوضتين دول خالص!..