مشكلتي مع اهلي

مشكلتي عايزه بس شويه تركيز مامتي لما ولدتني سابتني عند جدتي في محافظه تانيه بدون اسباب معرفش ليه ممكن شغلها ممكن كانت علاقتها متوتره مع ابي يمكن مبتحبش خلفت البنات لاننا 3بنات

Thank you for reading this post, don't forget to subscribe!

وانا الوسطانيه كانوا يجوا كل 3شهور يشوفوني يومين واحنا فالاجازةنزورهم زي الاقارب مكنتش بحس نحيتهم بحاجه ولا هما كمان نسوني وحياتي كلها كانت جدتي وبس لغايه ما تميت 21كنت مميزة عن اخواتي

جدتي كانت مهتميه بيه وموفرالي كل حاجه تعليم جامعي راحه واستقرار الي ان توفا،ها الله وانا في 3كليه انتقلت للعيش مع ابي وامي واخواتي وبدات مشاكلي انهم رافضيني تماما اخدوا علي العيشه من غيري وبدات صدامات وانا مكنتش مصدقه اللي بيحصلي نزلت اشتغلت لان كان فضلي سنه كليه بعد ما خلصتها

تعبت من كتر الظلـ.م اللي بشوفه ومش عايزه اكتبه ولا افتكره المهم كان قدامي طريقين اما اني اسيب البيت ومعرفش حيحصلي ايه او اني اقرب من ربنا واستحمل ظلـ.م لم اعهده من قبل واذ ى نفسي وجسدي المهم الحمد لله صبرت واحتسبت والتزمت وقربت من ربنا وابتدي الخطاب يجولي جالي خطيب وسابني بعد 3شهور رغم انه كان كتب كتاب بسبب انهم كانوابيضيقوه

بالذات والدتي كانت متقبلوش ومتكلموش وتعاملوه وحش ساعتها قالي انا عايز اناسب عيله مش واحده لوحدها اترجيته رفض وتركني وبعده بشهر اتقدملي زوجي وقعدت ست شهور مخبيه الوضع عليه وامدح في تعامل امي وابي ادامه واتحايل عليهم يقابلوه كويس لدرجه يوم الرؤيه كنت واخده علقه محترمه

ههههه قبل مايشوفني ولقي وشي احمر وكان متخيل انه كسوف وكده بعد ست شهور قعدت معاه وصرحته بكل شيء وجزاه الله خيرا تمسك بيه لما عرف وضعي وقالي ملكيش ذنب من الاول انك تعيشي بعيد ولا ليكي ذنب الان واتحمل منهم مالا يتحمله احد مجبوليش شوار كل شواري كان اما صدقات او سلف من اصحابي وحرجعه تاني

علشان بس الدولاب يبقي فيه شويه هدوم رغم ان في قدرة ماديه هائله واخواتي البنات كانوا يروحوا يشتروا الحاجه ويجوا يقولولي جبنا كذا عجبك عجبك مش عجبك بلاش وكنت اشتكي لزوجي يقولي