في يوم كُنت بفطر مع واحد صاحبي بره البيت
Thank you for reading this post, don't forget to subscribe!
وكان بيشتكي من الخطوبة وإنه عاوز يفركش الموضوع!
حطيت الأكل من ايدي وحاولت معاه عشان يكمِّل
بس هو كان مقفول ومصمم ينهي،
فطرنا وبعدين كل واحد رجع بيته وهو مقرر إنه هيروَّح يكلم أبوها..
وبعد يومين بالظبط لاقيته بيتصل!
رديت عليه واتكلمت معاه عادي، وبعدين قولتله:
” نهيت معاهم ولا عملت إيه؟ ”
رد وقالي بنبرة كلها فرحة: ” أنا كنت هخسر نفسي لو كنت نهيت! ”
وقفت قدام الكلمة شوية وقعدت أفكر إيه اللي حصل
عشان يغير قراره بالدرحة دي!
لاقيته كمِّل كلامه وقال:
رنيت على أبوها عشان أنهي معاه لاقيته بيقولي
تعالى بس ونتفاهم واللي ليه حق ياخده ي..
وبيتكلم بكل أدب وهدوء، قعدت قدامه مكنتش عارف أقوله إيه؟
عاوز أسيبها عشان مبتكلش كتير؟
مش مهتمة بيا؟ كل تفكيرها في الكرتون والتفاهة!
لاقيت نفسي قاعد قدامه ساكت،
شوية ولاقيت أمها بتسقف وهي بتصلي!
ضحكت على تصرفها وحمدت ربنا على خطوة الفركشة،
وبقيت حاسس إني لو فضلت مكمل هقع في عيلة هبلة.
أبوها سابني وقام ينادي عليها عشان ننهي بكل هدوء،
شوية ولاقيت اخوها الصغير بيشدني من ي وبيقولي:
” أنت بتضحك على ماما عشان بتسقف ليه؟ ”
رديت وقولتله: ” عشان بتصلي والمفروض إن ده تصرف غلط! ”
لاقيت الولد قعد قدامي وبعدين مسك كشكوله وشاورلي
على صفحة
عشان اقراها وكان مكتوب فيها حديث للنبي بيقول فيه: