لطف حامل ف ولدين..!
لطف : ولدين يا رب حمدالله يا رب هيقوني يا رب وهيبقوا سندي حمدالله يا رب حمدالله يا رب وبدأت دموعها تنزل من فرحتها ربنا رزقها ب بنتين وولدين ( ربنا يرزق كل مشتاق يا رب )
والد لطف : بس يا دكتور دا تاني توأم
الدكتور : واضح في تحاليل الحمل اللي فاتت أن مدام لطف عندها جينات نادرة وهي أن كل خلفتها هتكون توأم
لطف ابتسمت بفرحة وقامت جهزت نفسها عشان تروح مع باباها
في التاكسي
والد لطف : الو أيوة يا ام لطف البت طلعت حامل ف ولدين
مامت لطف : لولولوولولوولييييي لولولولوللسيي أيوة كدا تجيبلنا الرجالة اللي يرفعوا راسنا لولولوولولوولييييي
لطف ابتسمت لأنها سامعة زغرطة مامتها من سماعة التليفون لأن صوتها كأن عالي اوي
عند محمد
كان في شغله ولقى مامت لطف بتتصل نفخ بضيق وقال : عايزين اي بقى
مامت لطف : الو يا ابني لطف طلعت حامل في ولدين مش بنتين والدكتور كان غلطان محمد عينه لمعت وضحك ببلاهة وقال
محمد : انا جايلكوا حالا
محمد راح خد إذن من الشغل وجاب ورد وغير هدومه وراح للطف اللي كانت غيرت هدومها وبترتاح وهي حاجة ايديها على بطنها وبتبتسم صحيح هي ١٣ سنة ونص بس خلاص الأمومة جواها الباب كان بيخبط ولطف سامعة صوت زمامير وطبل لطف استغربت وحطت طرحة على راسها وشالت البنات كل بنت على ايد وخرجت البلكونة تفرج البنات على الحاجت الجميلة دي
لطف : بصوا يا بنات دي اسمها طبل بلدي
سارة ( بنت من بنات لطف ) : ببب
لطف : قولي ماما
لطف ضحكت ولسا بتلف وشها تتفرج على الفرقة البلدي شافت محمد واقف عينيها وسعت من خضتها وصدمتها ودخلت الاوضة بسرعة وقعدت البنات ع الأرض وفضت ليهم شوية العاب وقعدت على السرير وحطت ايديها على راسها وبدأت تفكر خايفة خايفة اوي قلبها مقبوض هي عارفة هو جه لي لطف خرجت من الاوضة وراحت المطبخ ل مامتها وقالت
لطف : انتي كلمتي محمد قولتيله
مامت لطف : أيوة طبعا يا بت مش جوزك وأبو ولادك
لطف : هو مش جووزي ومش هتجوزه خلاص ومش هرجع له مش هرجعع قالتها لطف وهي بتشد شعرها
وخرجت من المطبخ ماما لطف بزعيق : مش بمزاجك انا بقولك اهو مش بمزااااجك
لطف بدأت تصوت وتلطم على وشها من قه*رتها
لطف : والله مش هيحصل على جثتييي
ف الوقت دا جرس الباب رن لطف كانت حاسة أنها اتجننت قامت فتحت لمحمد وهي مش لابسة حجابها
محمد ابتسم وكان رايح ياخدها في حضنه
لطف زقته بكل قوتها وقعته على ضهره محمد اتوجع بس قام وحضن لطف غصب عنها وقال
محمد : انا رديتك يا لطف وهنعيش سوا بحب انا وانتي واولادنا لطف صرخت بصوت عالي وقالت
لطف : يا حيوااانن يا واطي سيبنييي يا باباااا
محمد سابها بسرعة
والد لطف : مالك يا بنتي في اي وانت جيت امتى اغفل وأقوم الاقي كل دا
مامت لطف : أهدى يا اخويا دا واحد بيصالح مراته وهي زعلانة منه شوية بس
والد لطف راح نحية لطف وطبطب عليها وقال
والد لطف : هسيبك تهدي شوية وتروقي واتكلمي معاه وقولي كل اللي ف قلبك
لطف عيونها كانت مدمعة ومش شايفة حاجة وبدأت دموعها تنزل وسمعت واحدة من البنات بتعيط راحتلها جري خدتها قبل ما تصحي اختها من صوتها وخدتها في حضنها ومامت لطف وباباها دخلوا وسابوهم لطف قاعدة بتبص بعيد عن محمد
محمد : البت وحشتني هاتيها شوية
لطف : بقالك شهر مشوفتهمش وجاي تفتكر دلوقتي
محمد : انتي ازاي تتكلمي معايا كدا يا عيلة انتي دا انتي لسا مطلعتيش من البيضة يا بت
لطف : اتكلم بأدب
محمد شدها من شعرها وقال : واحيات امك يا لطف انا رديتك خلاص واوعي تفتكري أنه عشانك لا دا عشان الرجالة اللي ف بطنك ومجرد ماييجوا هرميكي زيي الك*لبة واخد ولادي بس والبنات خليهم ليكي هسيبك وبليل هاجي اخدك
لطف زقت أيده وقالت : دا بعينك
ودخلت اوضتها قعدت تعيط
مامت لطف دخلت عليها ونزلت شنطة كبيرة من فوق الدولاب
لطف : بتعملي اي يا ماما
مامت لطف : بلم هدومك عشان شوية وجوزك جاي ياخدك
لطف : مش هرجع لههه
مامت لطف : دا ع جثتي يا لطف عايزة تعيشي مطلقة وكلام الناس يكتر عليكي يخربيتك
لطف : ياما ونبي ارحميني ابوس ايدك بقى…
مامت لطف : بلم هدومك عشان شوية وجوزك جاي ياخدك
لطف : مش هرجع لههه
مامت لطف : دا ع جثتي يا لطف عايزة تعيشي مطلقة وكلام الناس يكتر عليكي يخربيتك
لطف : ياما ونبي ارحميني ابوس ايدك بقى…
مامت لطف : انا مش هكرر كلامي انا بقول مرة واحدة بس
لطف سابتها وقامت من الاوضة خالص
لطف : يارب صبرنييي يا رب
عدا اليوم وجه الليل ولطف راحت قعدت جمب باباها وقالتله
لطف بدموع : بابا انا مش عايزة ارجع عند محمد
والد لطف : لي يبنتي دا جوزك واللي حصل انتهى خلاص وارجعيله عشان ولادك
لطف : انا مش عايزة ارجع يا بابا مش بيعاملني كويس ومبعرفش اطبخ ولا اخد بالي من البنات والحمل وتعبانة اوي يا بابا مش عايزة ارجع
والد لطف قلبه وج*عه على بنته اللي بتتقهر دي
والد لطف : اللي يريحك يا بنتي
لطف : يعني مش هرجع معاه
والد لطف : لا خلصت
لطف قامت تتنط وكانت فرحانة اوي وحضنت باباها ولسا هتدخل الاوضة لقت امها خارجة بتشد شنطة هدوم تقيلة جدا
مامت لطف : يلا يبت البسي عشان جوزك زمانه على وصول
لطف بقوة : مش هروح معاه عشان انا مش عايزة
مامت لطف بشهقة: تبقي اتجننتي اسمعي يا لطف هترجعي معاه يعني هترجعي معاه
والد لطف : البت مش عايزة ترجع ودي حاجة تخصها هي هي اللي عايشة معاه يختي
مامت لطف : يخويا دا كلام الناس هياكلك أكل
والد لطف : بنتي معملتش حاجة غلط ولا انا غلطت
مامت لطف : واللي في بطنك هتصرفي عليهم منين هتدوري على حل شعرك
لطف : يا ماما
مامت لطف : متقوليش ليا ماما تاني قلب وربي غضبانين عليكي
لطف لسا هنتكلم مامت لطف سابتها ودخلت الاوضة ولطف لحقت دموعها وجريت على البلكونة ووقفت تفضفض لنفسها كل اللي جواها كل اللي حاسة بيه
لطف بقى عندها ١٤ سنة خلاص وعقلها بدأ ينضج ولسالها ٣ شهور وتولد في يوم لطف نزلت السوق تفك عن نفسها وتجيب طلبات للبيت
الناس : مش دي البت لطف
أيوة يختي بيقولوا أطلقت عشان كل خلفتها بنات توأم يختي البت بتجيب العار لأهلها
يعيني عليها دي لسا عيلة واطلقت هتعيش بقى مطلقة
لا يختي اكيد اول عريس امها هتجوزها ليه
لطف كانت خلاص هتعيط ورجعت البيت تاني ودخلت على أوضتها بدون ولا كلمة وفضلت طول اليوم مبتاكلش ولا بتشرب وكانت زعلانة اوي من الكلام اللي اتقال وان الناس فعلا وحشين اوي
لطف قعدت طول اليوم من غير اكل او شرب وحزينة وحيدة واقفة في البلكونة حتى البنات امها اللي كانت واخدة بالها منهم بليل مامت لطف وباباها قاعدين بيتفرجوا على فيلم اول ما لطف راحت الصالة مامتها لسا لتقوم لطف مسكت ايديها وقالت
لطف : اقعدي يا ماما انا هروح مع محمد النهاردة
مامت لطف اتبسطت جدا وقامت وقفت في الشباك وتزغرط وتقول أن بنتها هترجع ل جوزها وأنها حامل ف توأم ولاد
ابو لطف بصلها بحزن وخذلان وسكت..