رواية ذئب في الكواليس الجزء السابع

بعد مرور ثلاثة ايام من وفاة رباب فريد يطرق باب شقة عمه بكل قوة وتفتح ياسمين الباب
فريد غاضب .. اسمه ايه بقي الكلام ده !! يعني ايه بنت عمي تمـoت ومحدش يقلي وتدفنوها كدا مع نفسكم !! ايه ملكمش كبير ؟!!
هند .. كبيرنا في السجن

Thank you for reading this post, don't forget to subscribe!

فريد .. وانا ابن عمكم ومكانه لحد ما يخرج بالسلامة .. برضاكم او غصب عنكم .. فاهمين ؟!!
ياسمين .. والنبي يا فريد سيبنا في حالنا .. احنا مش ناقصينك
فريد .. وبعدين الحاره كلها بتتكلم دلوقتي بكلام وحش .. هي حقيقي رباب انتحرت بعد ما انفضح امرها واتعرف انها حامل من الحرام

هند .. ما تلم نفسك وتخفظ لسانك .. يعني ايه حامل من الحرام ؟!!
فريد .. امال يعني كانت متحوزة عشان اقول حامل من الحلال ؟!! اوبا !! اوعي يا بت انتي وهي تكون اختكم متجوزه عرفي من وراكم ؟!! ولا انتوا عارفين الفوله وعايشين عليا الدور ؟!!

هند .. يا عم ما تسكت بقي .. سيبنا في حالنا .. وبعدين انت جاي تعمل علينا راجل ؟!!
فريد .. ايوا جاي اعمل عليكم راجل لو كان عاجبكم .. كفاية شرف العيلة اللي مرمتوه في الوحل .. اذا كانت مني ولا رباب .. الله يرحمهم بقي
هند .. اخرص .. امشي اطلع بره

فريد .. مش طالع يا هند وبعدين اهل الحته دلوقتي مش عاوزينكم في الحاره
ياسمين .. انت بتقول ايه ؟!!
فريد .. بقول زي ما سمعتي كدا .. الحج فتحي كبير الحته قابلني وانا طالعلكم ولمحلي ان الناس متضايقين من وجودكم معاهم وعايزينكم تمشي من الحته كلها

ياسمين .. هقول ايه ؟!! عندوا حق في كل اللي قالوا
هند .. يعني ايه ؟!! انت مع المتخلف ده في الهطل اللي بيقوله ؟!!
ياسمين .. انا مش مع حد .. بس هي دي الحقيقة .. بنات الراجل الطيب النضيف اللي المفروض بنات محترمه ومتربين احسن تربيه .. اتنين منهم طلعوا شمال وحوامل كمان !! وواحده منهم اتقتلت وابوها دخل السجن .. والتانيه انتـ.ـحرت
هند .. بس انتي عرفة اخلاق اخواتك كويس وانهم لا يمكن يعملوا حاجة غلط ابدا .. بقي مني اللي مكنتش بتسيب فرض ابدا ولا رباب اللي مكنش يعدي يوم غيرا لما تقري جزء واتنين وتلاته من القرآن يعملوا كدا ؟!

ياسمين .. طب فهميني .. ازاي حصل دا ؟!! قوليلي جواب يقنعني ويلغي الشكوك اللي جوايا !! ولا عايزه تقليلي انهم حملوا من الهوا !!
هند .. هو في حاجة غلط ومش فاهمينها ومش عارفين ايه هي
ياسمين .. لا يا هند .. الحقيقة ان اخواتك كانوا بيرسموا انهم كويسين لكن في الاصل هما مجرد بنتين شمال ضيعونا وضيعوا نفسهم ودمروا عيلة بحالها
هند تغضب وتصفع ياسمين بالقلم علي وجهها
ياسمين لا تصدق .. بتضربي اختك الكبيرة بالقلم يا هند !!! شكرا .. انا قلت التفسير اللي اي حد هيقوله .. لحد ما يظهر تفسير تاني .. هههه .. دا اذا كان في تفسير تاني من اصله

ثم تتركها وتدخل الي غرفتها وهند في ذهول شديد ويأتي المساء وتدخل ياسمين الي الحمام لكي تستحم وبعد دقيقتين ينقطع التيار الكهربائي وتحدث كارثـة ؟؟؟؟؟؟؟!!…… يتبع

الجزء الثامن من هنا