ﺍﺣﻤﺪ ﻗﺎﻟﻬﺎ ﻋﻠﻲ ﻓﻜﺮﺗﻪ ﻭﻫﻴﺎ ﺍﺗﺼﺪﻣﺖ ﻣﻨﻬﺎ ﺟﺪﺍ
ﺳﻤﻴﻪ: ﺍﻧﺖ ﻣﺠﻨﻮﻥ؟؟؟؟ ﺍﻳﻤﻦ ﻫﻴﻘﺘﻠﻚ ﻣﺶ
ﻫﻴﺨﺎﺻﻤﻚ ﻻ ﻃﺒﻌﺎ ﺍﻟﻔﻜﺮﻩ ﺩﻱ ﻣﺠﻨﻮﻧﻪ ﻭﻣﺘﺨﻠﻔﻪ
ﺍﺣﻤﺪ: ﺍﻟﻔﻜﺮﻩ ﺩﻱ ﻫﺘﺨﻠﻴﻬﻢ ﻳﺘﻜﻠﻤﻮﺍ ﻣﻊ ﺑﻌﺾ
ﻭﻳﺮﺟﻌﻮﺍ ﻟﺒﻌﺾ
ﺳﻤﻴﻪ: ﺍﻧﺖ ﻓﻌﻼ ﻫﺘﺨﺴﺮ ﺍﻳﻤﻦ ﺑﻔﻜﺮﺗﻚ ﺩﻱ ﻣﺴﺘﻌﺪ
ﻟﺪﻩ؟
ﺍﺣﻤﺪ: ﻣﺴﺘﻌﺪ ﻫﺘﺴﺎﻋﺪﻳﻨﻲ؟؟؟
ﺳﻤﻴﻪ: ﻫﺴﺎﻋﺪﻙ ﺑﺲ ﻣﺶ ﻫﻨﻌﺮﻑ ﻧﻨﻔﺬﻫﺎ ﻟﻮﺣﺪﻧﺎ؟
ﺍﺣﻤﺪ: ﻃﺒﻌﺎ ﻫﻨﺤﺘﺎﺝ ﺣﺪ ﻣﻌﺎﻧﺎ ﺷﻮﻓﻲ ﺗﺜﻘﻲ ﻓﻲ ﻣﻴﻦ
ﻭﺭﺗﺒﻴﻠﻨﺎ ﻣﻜﺎﻥ ﻧﺘﻘﺎﺑﻞ ﻓﻴﻪ ﻛﻠﻨﺎ ﻭﻛﻠﻤﻴﻨﻲ ﻭﺍﻫﻮ
ﻣﻌﺎﻛﻲ ﺭﻗﻤﻲ
ﺳﻤﻴﻪ: ﺧﻼﺹ ﻣﺎﺷﻲ ﺍﺗﻔﻘﻨﺎ ﺑﺲ ﺻﺢ ﺍﻧﺖ ﺟﺒﺖ ﺭﻗﻤﻲ
ﻣﻨﻴﻦ ﻭﻋﺮﻓﺖ ﻣﻜﺎﻥ ﺷﻐﻠﻲ ﻭﻣﻮﺍﻋﻴﺪﻱ ﺍﺯﺍﻱ؟
ﺍﺣﻤﺪ: ﺍﻣﻤﻤﻢ ﺍﻧﺎ ﻇﺎﺑﻂ ﻣﺎ ﺗﻨﺴﻴﺶ …
ﺳﻤﻴﻪ: ﺍﻳﻮﻩ ﻳﻌﻨﻲ ﺟﺒﺘﻪ ﻣﻨﻴﻦ ﺑﺮﺿﻪ ﻭﻻ ﻋﻴﻨﺖ ﺣﺪ
ﻳﺮﺍﻗﺒﻨﻲ؟؟؟
ﺍﺣﻤﺪ: ﻻ ﻻ ﺍﺑﺪﺍ …. ﺳﻮﺭﻱ ﻳﻌﻨﻲ ﺭﻗﻤﻚ ﺟﺒﺘﻪ ﻣﻦ
ﺗﻠﻴﻔﻮﻥ ﺍﻳﻤﻦ ﺍﻣﺎ ﻣﻮﺍﻋﻴﺪﻙ ﻓﻼﺣﻈﺖ ﻭﺍﻧﺘﻲ ﻓﻲ
ﺍﻟﻤﺴﺘﺸﻔﻲ ﻣﻮﺍﻋﻴﺪﻙ ﻭﺍﻟﻤﻜﺎﻥ ﻋﺮﻓﺘﻪ ﻣﻦ ﺍﻳﻤﻦ ﻭﺳﻂ
ﺍﻟﻜﻼﻡ ﻋﺮﺿﺖ ﻋﻠﻴﻪ ﺍﻧﻲ ﺍﻭﺻﻠﻚ ﻭﻫﻮ ﺭﻓﺾ ﺑﺲ ﻳﺎ
ﺳﺘﻲ
ﺳﻤﻴﻪ: ﺍﻣﻤﻢ ﻛﻮﻳﺲ ﺍﻧﻚ ﻗﻮﻟﺘﻠﻲ ﻋﻠﺸﺎﻥ ﺍﺑﻘﻲ ﺍﻧﺒﻪ
ﺍﻳﻤﻦ ﻣﺎ ﻳﺜﻘﺶ ﻓﻴﻚ ﺑﻌﺪ ﻛﺪﻩ
ﺍﺣﻤﺪ: ﻟﻴﻪ ﺑﺲ ﻫﻮ ﺍﻧﺎ ﻋﻤﻠﺖ ﺍﻳﻪ ﻏﻠﻂ؟؟؟
ﺳﻤﻴﻪ: ﻧﻌﻢ؟؟؟ ﺍﺧﺪﺕ ﺗﻠﻴﻔﻮﻧﻪ ﻣﻦ ﻏﻴﺮ ﺍﺫﻧﻪ ﻭﺍﺧﺪﺕ
ﻣﻌﻠﻮﻣﺎﺕ ﺧﺎﺻﻪ ﻭﺑﺘﺤﺎﻭﻝ ﺗﻘﺮﺏ ﻣﻦ ﺍﺧﺖ ﻣﺮﺍﺗﻪ ﻛﻞ
ﺩﻩ ﻭﺗﻘﻮﻟﻲ ﻋﻤﻠﺖ ﺍﻳﻪ ﻏﻠﻂ؟؟؟
ﺍﺣﻤﺪ: ﻣﺶ ﻳﻤﻜﻦ ﻳﻜﻮﻥ ﻏﺮﺿﻲ ﺷﺮﻳﻒ؟؟؟
ﺳﻤﻴﻪ ﻭﻗﻔﺖ: ﺍﻟﻠﻲ ﻏﺮﺿﻪ ﺷﺮﻳﻒ ﻣﺎ ﺑﻴﺴﺮﻗﺶ ﺍﺭﻗﺎﻡ
ﺗﻠﻴﻔﻮﻧﺎﺕ ﻭﻳﻮﻗﻊ ﺻﺎﺣﺒﻪ ﻓﻲ ﺍﻟﻜﻼﻡ ﻭﻟﻮﻻ ﺍﻟﻈﺮﻭﻑ
ﺍﻟﻠﻲ ﺍﺣﻨﺎ ﻓﻴﻬﺎ ﻭﻟﻮﻻ ﻣﺎﻣﺎ ﺷﺠﻌﺘﻨﻲ ﺍﺳﻤﻌﻚ ﻣﻜﻨﺘﺶ
ﺟﻴﺖ ﻗﺎﺑﻠﺘﻚ ﺍﺑﺪﺍ ﺑﻌﺪ ﺍﺫﻧﻚ
ﺍﺣﻤﺪ ﻭﻗﻒ : ﻃﻴﺐ ﺍﻭﺻﻠﻚ؟
ﺳﻤﻴﻪ: ﻫﻌﺘﺒﺮ ﻧﻔﺴﻲ ﻣﺎ ﺳﻤﻌﺘﻜﺶ
ﺳﺎﺑﺘﻪ ﻭﻣﺸﻴﺖ ﻭﻫﻮ ﻫﻴﻤﻮﺕ ﻋﻠﻴﻬﺎ … ﻣﻦ ﺳﺎﻋﺖ ﻣﺎ
ﺷﺎﻓﻬﺎ ﻭﻫﻮ ﺑﻴﺤﻠﻢ ﺑﻴﻬﺎ ﻟﻴﻞ ﻭﻧﻬﺎﺭ ﻭﺑﻴﺘﺨﻴﻞ ﺍﻧﻬﺎ ﻣﺮﺍﺗﻪ
ﻃﻮﻝ ﺍﻟﻮﻗﺖ …. ﻻﺯﻡ ﺑﻘﻲ ﻳﻔﺎﺗﺢ ﺍﻳﻤﻦ … ﺑﺲ ﺍﺯﺍﻱ
ﻭﻫﻮ ﺍﻟﻠﻲ ﻫﻴﻌﻤﻠﻮﻩ ﺩﻩ ﻣﻤﻜﻦ ﻳﻜﻠﻔﻪ ﺻﺤﻮﺑﻴﺘﻪ ﻻﻳﻤﻦ
ﺳﻤﻴﻪ ﺭﻭﺣﺖ ﻭﺣﻜﺖ ﻟﻤﺎﻣﺘﻬﺎ ﻛﻞ ﺍﻟﻠﻲ ﺣﺼﻞ ﻭﺍﻭﻝ ﻣﺎ
ﺧﻠﺼﺖ ﺍﺗﻔﺎﺟﺌﺖ ﺑﺎﺑﻮﻫﺎ ﻭﺭﺍﻫﺎ
ﻋﻢ ﺳﻌﻴﺪ : ﺍﻧﺘﻮ ﺍﺗﺠﻨﻨﺘﻮﺍ؟؟؟ ﻫﺒﻞ ﺍﻳﻪ ﺩﻩ؟ ﺍﻧﺘﻮ
ﻣﻌﺪﺵ ﻋﻨﺪﻛﻢ ﻋﻘﻞ؟؟؟ ﻭﺍﻧﺘﻲ ﺍﺯﺍﻱ ﺗﻄﻠﻌﻲ ﺗﻘﺎﺑﻠﻲ
ﺭﺍﺟﻞ ﻏﺮﻳﺐ ﻫﺎﻩ؟ ﺩﻱ ﺗﺮﺑﻴﺘﻲ ﻟﻴﻜﻲ؟؟
ﺳﻤﻴﻪ: ﺍﻧﺎ ﺍﺳﻔﻪ ﻳﺎﺑﺎﺑﺎ ﺑﺲ ﻛﻨﺖ ﻣﻀﻄﺮﻩ ﻭﺑﻌﺪﻳﻦ ﺍﻧﺖ
ﺷﺎﻳﻒ ﺣﺎﻟﻪ ﺣﺒﻴﺒﻪ؟ ﻛﺎﻥ ﻻﺯﻡ ﺍﻋﻤﻞ ﺣﺎﺟﻪ..
ﻋﻢ ﺳﻌﻴﺪ : ﺍﻳﻤﻦ ﺍﻟﻠﻲ ﻻﺯﻡ ﻳﻌﻤﻞ ﻣﺶ ﺍﻧﺘﻲ
ﺣﻜﺘﻠﻪ ﺳﻤﻴﻪ ﻭﺟﻬﻪ ﻧﻈﺮ ﺍﻳﻤﻦ ﻭﻃﺮﻳﻘﻪ ﺗﻔﻜﻴﺮﻩ
ﻋﻢ ﺳﻌﻴﺪ : ﺻﺎﺣﺒﻪ ﺍﻟﻠﻲ ﻗﺎﻟﻚ ﻛﺪﻩ؟
ﺳﻤﻴﻪ: ﺍﻳﻮﻩ ﻭﺩﻱ ﺍﻟﻄﺮﻳﻘﻪ ﺍﻟﻠﻲ ﻧﻘﺪﺭ ﻧﺠﻤﻌﻬﻢ ﻣﻊ
ﺑﻌﺾ
ﻋﻢ ﺳﻌﻴﺪ : ﻃﻴﺐ ﻣﺎ ﻧﺠﻤﻌﻬﻢ ﻋﺎﺩﻱ ﺯﻱ ﺍﻱ ﺍﺗﻨﻴﻦ ﻣﻦ
ﻏﻴﺮ ﺍﻟﺠﻨﺎﻥ ﺩﻩ؟؟؟
ﺳﻤﻴﻪ: ﻃﻴﺐ ﺟﺮﺏ ﻳﺎ ﺑﺎﺑﺎ ﺗﺠﻤﻌﻬﻢ ﻭﻟﻮ ﻗﺪﺭﺕ ﻭﺍﺗﻜﻠﻤﻮﺍ
ﻭﺻﺎﺭﺣﻮﺍ ﺑﻌﺾ ﻳﺒﻘﻲ ﺧﻴﺮ ﻟﻜﻦ ﻟﻮ ﻣﻘﺪﺭﺗﺶ ﻳﺒﻘﻲ
ﺗﺴﺎﻋﺪﻧﺎ
ﻋﻢ ﺳﻌﻴﺪ : ﻳﺎ ﺑﻨﺘﻲ ﻓﻜﺮﺗﻜﻢ ﺩﻱ ﻣﺠﻨﻮﻧﻪ ﻭﻣﺘﺨﻠﻔﻪ
ﺯﻳﻨﺐ: ﺟﺮﺏ ﻃﺮﻳﻘﺘﻚ ﻭﻟﻮ ﻣﺎ ﻧﺠﺤﺘﺶ ﻳﺒﻘﻲ ﻧﺠﺮﺏ
ﻃﺮﻳﻘﺘﻬﻢ ﺧﻼﺹ؟
ﻋﻢ ﺳﻌﻴﺪ : ﺧﻼﺹ
ﻋﻢ ﺳﻌﻴﺪ ﺭﺍﺡ ﻟﺤﺒﻴﺒﻪ ﻭﺣﺎﻭﻝ ﻳﻘﻨﻌﻬﺎ ﺗﻘﺎﺑﻞ ﺍﻳﻤﻦ
ﻭﺗﻘﻮﻟﻪ ﻋﻠﻲ ﻣﺸﺎﻋﺮﻫﺎ ﺑﺲ ﺭﻓﻀﺖ ﺭﻓﺾ ﺗﺎﻡ
ﻭﻗﺎﻟﺖ ﻟﻮ ﻫﻮ ﻋﺎﻳﺰﻫﺎ ﻳﺠﻴﻠﻬﺎ ﻭﻳﻄﻠﺐ ﻣﻨﻬﺎ ﺗﺮﺟﻌﻠﻪ
ﻛﻠﻢ ﺍﻳﻤﻦ ﻛﻤﺎﻥ ﻭﻃﻠﺐ ﻣﻨﻪ ﻳﺘﻘﺎﺑﻞ ﻫﻮ ﺣﺒﻴﺒﻪ ﻳﺘﻔﻘﻮﺍ
ﻭﻳﻘﺮﺭﻭﺍ ﻫﻴﻌﻤﻠﻮﺍ ﺍﻳﻪ ﺑﺲ ﺍﻳﻤﻦ ﻛﻤﺎﻥ ﺍﺗﺤﺠﺞ ﺑﺸﻐﻠﻪ
ﻭﻗﺎﻝ ﺍﻧﻪ ﻫﻴﺨﻠﻲ ﻭﺍﻟﺪﺗﻪ ﺗﻴﺠﻲ ﺗﺸﻮﻑ ﻃﻠﺒﺎﺗﻬﻢ ﺑﺤﺠﻪ
ﺍﻧﻪ ﻣﺸﻐﻮﻝ ﺗﻤﺎﻣﺎ
ﺣﺎﻭﻝ ﺗﺎﻧﻲ ﻣﻊ ﺍﻻﺗﻨﻴﻦ ﺑﺲ ﺑﺮﺿﻪ ﺭﻓﻀﻮﺍ
ﺭﺍﺡ ﻟﺴﻤﻴﻪ ﺑﻨﺘﻪ
ﻋﻢ ﺳﻌﻴﺪ : ﻛﻠﻤﻲ ﺍﺣﻤﺪ ﺩﻩ ﻭﺣﺪﺩﻳﻠﻨﺎ ﻣﻌﺎﺩ ﻧﺘﻘﺎﺑﻞ ﻓﻴﻪ
ﻭﻧﺸﻮﻑ ﺍﺧﺮﺕ ﺍﻟﺠﻨﻮﻥ ﺍﻳﻪ؟ ﺑﺲ ﻛﻠﻤﻲ ﻛﻤﺎﻥ ﺍﻡ ﺍﻳﻤﻦ
ﺗﺒﻘﻲ ﻣﻌﺎﻧﺎ ﻭﺗﻮﺍﻓﻖ ﻋﻠﻲ ﺟﻨﺎﻧﻜﻢ ﺩﻩ ﻻﻧﻬﺎ ﻟﻮ
ﻣﻮﺍﻓﻘﺘﺶ ﻳﺒﻘﻲ ﺑﻼﺵ
ﺳﻤﻴﻪ ﻛﻠﻤﺖ ﺍﻟﻜﻞ ﻭﺣﺪﺩﺕ ﻣﻌﺎﻫﻢ ﻳﺘﻘﺎﺑﻠﻮﺍ ﻛﻠﻬﻢ ﻓﻲ
ﻧﻔﺲ ﺍﻟﻜﺎﻓﻴﻪ
ﻋﻢ ﺳﻌﻴﺪ ﻭﺯﻳﻨﺐ ﻭﻓﺎﻃﻤﻪ ﻭﺳﻤﻴﻪ ﻭﺍﺣﻤﺪ
ﺍﺣﻤﺪ ﺷﺮﺣﻠﻬﻢ ﺧﻄﺘﻪ ﻭﺧﻠﺺ ﻭﻛﻠﻬﻢ ﺳﺎﻛﺘﻴﻦ
ﺍﺣﻤﺪ: ﺍﻳﻪ ﺳﺎﻛﺘﻴﻦ ﻟﻴﻪ؟
ﻓﺎﻃﻤﻪ : ﺍﻧﺖ ﻋﺎﺭﻑ ﺍﻧﻚ ﻣﻤﻜﻦ ﺗﺨﺴﺮ ﺻﺎﺣﺐ ﻋﻤﺮﻙ
ﻓﻲ ﺣﺮﻛﻪ ﺯﻱ ﺩﻱ؟
ﺍﺣﻤﺪ: ﻣﻤﻜﻦ ﺑﺲ ﺍﻋﺘﻘﺪ ﺍﻥ ﺍﻳﻤﻦ ﻟﻤﺎ ﻳﻌﺮﻑ ﺍﻧﺎ ﻋﻤﻠﺖ
ﻛﺪﻩ ﻟﻴﻪ ﻫﻴﺴﺎﻣﺤﻨﻲ
ﻓﺎﻃﻤﻪ : ﻻ ﻣﺎ ﺗﻌﺘﻘﺪﺵ ﺍﺩﻫﻢ ﻣﺠﺮﻭﺡ ﻭﺍﻧﺖ ﺑﺘﻀﻐﻂ
ﻋﻠﻲ ﻛﻞ ﺟﺮﻭﺣﻪ
ﺍﺣﻤﺪ: ﻟﻮ ﻫﻴﺮﺟﻌﻮﺍ ﻟﺒﻌﺾ ﻳﺒﻘﻲ ﺍﻱ ﺣﺎﺟﻪ ﺗﺎﻧﻴﻪ ﻣﺶ
ﻣﻬﻢ
ﺳﻤﻴﻪ ﺑﺪﺃ ﻳﻌﺠﺒﻬﺎ ﺍﺣﻤﺪ ﻭﺣﺒﻪ ﻭﺍﺧﻼﺻﻪ ﻟﺼﺎﺣﺒﻪ
ﻋﻢ ﺳﻌﻴﺪ : ﻃﻴﺐ ﻧﻔﺮﺽ ﻋﻤﻠﻨﺎ ﻛﻞ ﺩﻩ ﻭﻣﺎ
ﺍﺗﻜﻠﻤﻮﺵ؟؟ ﻳﺒﻘﻲ ﺳﺎﻋﺘﻬﺎ ﻣﻮﺕ ﻭﺧﺮﺍﺏ ﺩﻳﺎﺭ
ﺍﺣﻤﺪ: ﺍﻋﺘﻘﺪ ﻳﺎ ﻋﻤﻲ ﺍﻥ ﺍﻱ ﺍﺗﻨﻴﻦ ﺑﻴﺤﺒﻮﺍ ﺑﻌﺾ ﻟﻮ
ﺍﺗﻮﺍﺟﺪﻭﺍ ﻣﻊ ﺑﻌﺾ ﻻﺯﻡ ﻳﺘﻜﻠﻤﻮﺍ … ﺩﻱ ﻓﻄﺮﻩ ﺑﻴﻦ
ﺍﻟﺮﺍﺟﻞ ﻭﺍﻟﺴﺖ ﻭﻻ ﺍﻳﻪ؟
ﻋﻢ ﺳﻌﻴﺪ : ﺩﻩ ﻓﻲ ﺍﻟﻄﺒﻴﻌﻲ ﻟﻜﻦ ﻣﺶ ﻓﻲ ﺍﻟﻈﺮﻭﻑ
ﺩﻱ
ﺍﺣﻤﺪ: ﻋﻤﻲ ﺍﻟﻤﻮﺿﻮﻉ ﻣﻦ ﺍﻭﻟﻪ ﻻﺧﺮﻩ ﻣﺨﺎﻃﺮﻩ
ﻭﻫﻨﺨﺎﻃﺮ ﻭﺭﺑﻨﺎ ﻳﺴﺘﺮ ﻓﻲ ﺍﻟﻨﺘﺎﻳﺞ ﻫﻨﻌﻤﻞ ﺍﻟﻠﻲ ﻧﻘﺪﺭ
ﻋﻠﻴﻪ ﻭﻧﻘﻮﻝ ﻳﺎﺭﺏ
ﻋﻢ ﺳﻌﻴﺪ : ﻳﺎﺭﺏ … ﻫﺘﻨﻔﺬ ﺍﻣﺘﻲ؟
ﺍﺣﻤﺪ: ﺍﻇﺒﻂ ﺑﺲ ﻛﻞ ﺣﺎﺟﻪ ﻭﺍﺑﻠﻐﻜﻢ ﻣﺎﺷﻲ؟ ﺍﻟﻤﻬﻢ ﺍﻥ
ﺍﻟﻜﻞ ﻣﻌﺎﻳﺎ؟
ﺍﺣﻤﺪ ﺑﺪﺃ ﻳﺠﻬﺰ ﻟﺨﻄﺘﻪ ﺍﻟﻤﺠﻨﻮﻧﻪ ﻭﻫﻤﺎ ﺑﻴﺴﺎﻋﺪﻭﻩ
ﺍﻳﻤﻦ ﻏﺮﻕ ﻧﻔﺴﻪ ﻓﻲ ﺷﻐﻠﻪ ﻭﻣﺎ ﺑﻴﺪﻳﺶ ﻟﻨﻔﺴﻪ ﺍﻱ
ﻓﺮﺻﻪ ﻟﻠﺘﻔﻜﻴﺮ … ﻣﺎﻣﺘﻪ ﻛﻠﻤﺘﻪ ﻭﺧﻠﺘﻪ ﻳﺮﺟﻊ ﺍﻟﺒﻴﺖ
ﻭﺍﺗﺄﺳﻔﻠﻬﺎ ﺍﻧﻪ ﺯﻋﻖ ﺍﻭ ﺳﺎﺑﻬﺎ ﺍﻭ ﻋﻠﻲ ﺻﻮﺗﻪ
ﻓﻲ ﺷﻐﻠﻪ ﺍﻟﻤﺪﻳﺮ ﺍﺳﺘﺪﻋﺎﻩ
ﺍﻳﻤﻦ: ﺍﻓﻨﺪﻡ
ﺍﻟﻤﺪﻳﺮ : ﻓﺎﻛﺮﺍﺑﻦ ﺳﻌﻴﺪ ﺍﺣﻤﺪ ﻣﺤﻤﺪ؟؟؟
ﺍﻳﻤﻦ: ﻓﺎﻛﺮﻩ ﻫﻮ ﺩﻩ ﻳﺘﻨﺴﻲ ﺑﺲ ﺩﻩ ﺍﺗﺤﻜﻢ ﻋﻠﻴﻪ
ﻭﺍﺗﺴﺠﻦ ﺧﻼﺹ
ﺍﻟﻤﺪﻳﺮ : ﻟﻼﺳﻒ ﻫﺮﺏ ﻳﺎ ﺍﻳﻤﻦ
ﺍﻳﻤﻦ: ﺍﻳﻪ ﻫﺮﺏ؟؟؟ ﺍﺯﺍﻱ ﻭﺍﻣﺘﻲ؟؟؟
ﺍﻟﻤﺪﻳﺮ : ﺭﺟﺎﻟﺘﻪ ﺳﺎﻋﺪﻭﻩ ﻭﺍﻧﺎ ﻛﻠﻔﺖ ﻛﺬﺍ ﺿﺎﺑﻂ ﺑﻴﺤﺎﻭﻟﻮ
ﻳﺮﺟﻌﻮﻩ ﺑﺲ ﺍﻟﻤﻬﻢ ﺩﻟﻮﻗﺘﻲ ﺍﻧﺖ
ﺍﻳﻤﻦ: ﺍﻧﺎ ﺍﻳﻪ؟ ﻣﺶ ﻓﺎﻫﻢ؟
ﺍﻟﻤﺪﻳﺮ :ﻫﻮ ﺳﺎﺏ ﻭﺭﻗﻪ ﻟﻴﻚ ﺑﻴﻬﺪﺩﻙ ﻓﻴﻬﺎ ﻭﺑﻴﻬﺪﺩ ﺑﻴﺘﻚ
ﺍﻳﻤﻦ : ﺑﻴﺘﻲ؟؟؟ ﻓﻴﻦ ﺍﻟﻮﺭﻗﻪ ﺩﻱ؟
ﺍﻟﻤﺪﻳﺮ ﻋﻄﺎﻟﻪ ﺍﻟﻮﺭﻗﻪ ﻭﻗﺮﺍﻫﺎ
” ﺍﻧﺖ ﺳﺒﻖ ﻭﺩﻣﺮﺕ ﺣﻴﺎﺗﻲ ﻭﺑﻴﺘﻲ ﻭﺍﺗﺴﺒﺒﺖ ﻓﻲ
ﻣﻮﺕ ﺍﺑﻮﻳﺎ ﻭﺍﺧﺪﺕ ﻣﻨﻲ ﺍﻭﻻﺩﻱ ﻭﻣﺮﺍﺗﻲ ﻭﺩﻟﻮﻗﺘﻲ
ﺟﻪ ﻭﻗﺖ ﺍﻟﺤﺴﺎﺏ
ﺍﻟﻠﻲ ﺍﻧﺖ ﺍﺧﺪﺗﻪ ﻣﻨﻲ ﺍﻧﺎ ﻫﺎﺧﺪﻩ ﻣﻨﻚ … ﺧﻠﻲ ﺑﺎﻟﻚ ﻳﺎ
ﺷﻄﻮﺭ ﻣﻦ ﻣﺮﺍﺗﻚ ﻭﺍﻟﻠﻲ ﻓﻲ ﺑﻄﻨﻬﺎ ”
ﺍﻳﻤﻦ: ﻭﺑﻌﺪﻳﻦ ﺍﻧﺎ ﻻﺯﻡ ﺍﺣﻂ ﺣﺮﺍﺳﻪ ﻋﻠﻴﻬﺎ ﺍﻭ ﺍﺟﻴﺒﻬﺎ
ﺍﻭ ﻣﺶ ﻋﺎﺭﻑ ﺍﻋﻤﻞ ﺍﻳﻪ؟؟ !
ﺍﻟﻤﺪﻳﺮ : ﺍﻫﻢ ﺣﺎﺟﻪ ﺗﻬﺪﻱ ﺍﻧﺎ ﻓﻌﻼ ﺣﻄﺖ ﺣﺮﺍﺳﻪ ﻋﻠﻲ
ﺑﻴﺖ ﺍﺑﻮﻫﺎ ﻭﺣﺎﻟﻴﺎ ﺍﺣﻤﺪ ﻫﻴﺠﻲ ﻭﻫﺘﺸﻮﻓﻮﺍ ﻫﺘﻌﻤﻠﻮﺍ
ﺍﻳﻪ
ﺍﺣﻤﺪ ﺧﺒﻂ ﻭﺩﺧﻞ
ﺍﺣﻤﺪ: ﺧﻴﺮ ﻳﺎ ﺍﻓﻨﺪﻡ
ﺍﻳﻤﻦ:ﺍﺑﻦ ﺳﻌﻴﺪ ﻫﺮﺏ ﻭﺑﻴﻬﺪﺩﻧﻲ ﺍﻧﻪ ﻳﺄﺫﻱ ﺣﺒﻴﺒﻪ؟
ﺍﺣﻤﺪ: ﺍﻳﻪ؟ ﻫﺮﺏ ﺍﻣﺘﻲ؟ ﻭﺍﺯﺍﻱ ﻳﺎﺫﻳﻬﺎ؟؟
ﺍﻳﻤﻦ: ﻣﻌﺮﻓﺶ
ﺍﺣﻤﺪ: ﻃﻴﺐ ﻣﺴﺘﻨﻲ ﺍﻳﻪ ﺍﺣﻨﺎ ﻻﺯﻡ ﻧﺤﻂ ﺣﺮﺍﺳﻪ ﻋﻠﻲ
ﺑﻴﺘﻬﺎ ﻭﺍﻧﺖ ﺭﻭﺣﻠﻬﺎ
ﺍﻳﻤﻦ: ﺍﺭﻭﺣﻠﻬﺎ؟؟
ﺍﺣﻤﺪ: ﻧﻘﻌﺪ ﺑﺮﻩ ﺍﻧﺎ ﻭﺍﻧﺘﻲ ﻣﺶ ﻻﺯﻡ ﻧﺪﺧﻞ
ﻣﺸﻴﻮﺍ ﺍﻻﺗﻨﻴﻦ ﺑﺲ ﺍﺣﻤﺪ ﺍﺳﺘﺄﺫﻥ ﻣﻦ ﺍﻳﻤﻦ ﻻﻧﻪ ﻧﺴﻲ
ﺗﻠﻴﻔﻮﻧﻪ ﻓﻄﻠﻊ ﻳﺠﻴﺒﻪ ﻭﺍﺗﺼﻞ ﺑﻌﻢ ﺳﻌﻴﺪ
ﺍﺣﻤﺪ: ﻓﻲ ﻣﺸﻜﻠﻪ ﺣﺼﻠﺖ ﻓﻲ ﺍﻟﺸﻐﻞ ﺍﺩﻋﻴﻠﻨﺎ ﺑﻘﻲ
ﺭﺑﻨﺎ ﻳﺴﺘﺮﻫﺎ ﻻﻥ ﺷﻜﻠﻬﺎ ﻫﺘﻮﻟﻊ ﺑﺠﺪ ﺭﺑﻨﺎ ﻳﺴﺘﺮ ﻫﻨﺄﺟﻞ
ﺧﻄﺘﻨﺎ ﺷﻮﻳﻪ ﻣﺎﺷﻲ !؟؟
ﻋﻢ ﺳﻌﻴﺪ : ﻓﻲ ﺍﻳﻪ ﺍﻟﻠﻲ ﺣﺼﻞ ﻗﻮﻟﻲ، ..
ﺍﺣﻤﺪ :ﻻ ﻣﺎ ﺗﻘﻠﻘﺶ
ﻋﻢ ﺳﻌﻴﺪ : ﻣﺎ ﺍﻗﻠﻘﺶ ﺍﻣﺎﻝ ﻋﺮﺑﻴﺎﺕ ﺍﻟﺒﻮﻟﻴﺲ ﺍﻟﻠﻲ
ﺑﺮﻩ ﺩﻱ ﺍﻳﻪ؟
ﺍﺣﻤﺪ: ﺣﺮﺍﺳﻪ ﺑﺲ ﺍﻟﻤﻬﻢ ﺧﻠﻲ ﺑﺎﻟﻜﻢ ﻣﻦ ﺣﺒﻴﺒﻪ ﻗﻮﻱ
ﻳﺎ ﺍﻟﻠﻪ ﺍﻗﻒ ﺟﻨﺒﺎ ﻭﺍﺳﺘﺮﻫﺎ ﺍﺩﻋﻲ ﻳﺎ ﻋﻢ ﺳﻌﻴﺪ ﺭﺑﻨﺎ
ﻳﺴﺘﺮ ﺍﻳﻤﻦ ﻣﺶ ﺣﻤﻞ ﺻﺪﻣﺎﺕ ﺗﺎﻧﻴﻪ
ﻋﻢ ﺳﻌﻴﺪ : ﺻﺪﻣﺎﺕ ﺍﻳﻪ؟ ﻳﺎ ﺍﺑﻨﻲ ﻓﻬﻤﻨﻲ ﺍﻳﻪ ﺍﻟﻠﻲ
ﺑﻴﺤﺼﻞ؟
ﺍﺣﻤﺪ: ﺍﻧﺎ ﺍﺗﺄﺧﺮﺕ ﻻﺯﻡ ﺍﻧﺰﻝ ﻻﻳﻤﻦ ﻣﺎ ﺗﻘﻠﻘﺶ ﺍﻧﺖ
ﺑﺲ ﺍﺩﻋﻲ ﺑﺲ ﺭﺑﻨﺎ ﻳﺴﺘﺮﻫﺎ
ﺍﺣﻤﺪ ﻧﺰﻝ ﻻﻳﻤﻦ
ﺍﻳﻤﻦ: ﻛﻞ ﺩﻩ ﺑﺘﺠﻴﺐ ﺍﻟﺘﻠﻴﻔﻮﻥ؟
ﺍﺣﻤﺪ: ﻳﺎﻻ ﺑﻴﻨﺎ
ﺍﻳﻤﻦ: ﻛﺎﻥ ﺍﻟﻤﻔﺮﻭﺽ ﻧﺮﻭﺡ ﻧﺪﻭﺭ ﻋﻠﻲ ﺍﺑﻦ ﺳﻌﻴﺪ ﺩﻩ
ﻣﺶ ﻧﺮﻭﺡ ﻧﻘﻒ ﺣﺮﺍﺳﻪ؟؟
ﺍﺣﻤﺪ: ﻋﻨﺪﻙ ﺍﺳﺘﻌﺪﺍﺩ ﺗﺴﻴﺐ ﻣﺮﺍﺗﻚ ﺍﻣﺎﻧﻪ ﻓﻲ ﺍﻳﺪ
ﺣﺪ؟؟ ﺳﺎﻋﺘﻬﺎ ﺑﺠﺪ ﺑﻘﻲ ﻣﺎ ﺗﻠﻮﻣﺶ ﻏﻴﺮ ﻧﻔﺴﻚ
ﺍﻳﻤﻦ: ﺭﺑﻨﺎ ﻳﺴﺘﺮﻫﺎ ﻳﺎﻻ ﺩﻭﺱ ﺑﻨﺰﻳﻦ ﺷﻮﻳﻪ
ﺍﺣﻤﺪ ﻭﻫﻮ ﺳﺎﻳﻖ ﺳﺮﺣﺎﻥ ﻫﻴﻌﻤﻞ ﺍﻳﻪ ﻓﻲ ﺧﻄﺘﻪ
ﻭﺑﻌﺪﻳﻦ ﺍﻟﻤﺸﺎﻛﻞ ﺩﻱ ﺍﻳﻪ؟ ﻣﺎﻫﻤﺎ ﻣﻤﻜﻦ ﻳﺮﺟﻌﻮﺍ ﻣﻦ
ﺍﻟﻈﺮﻑ ﺩﻩ ﻛﺪﻩ ﺑﺲ ﻭﻣﺎﻟﻬﺎﺵ ﻻﺯﻣﻪ ﺧﻄﺘﻪ؟؟؟ ﺧﻮﻑ
ﺍﻳﻤﻦ ﻋﻠﻲ ﺣﺒﻴﺒﺘﻪ ﻛﻔﻴﻞ ﺍﻧﻬﻢ ﻳﻘﻌﺪﻭﺍ ﻣﻊ ﺑﻌﺾ ﻳﺒﻘﻲ
ﻣﺶ ﻻﺯﻡ ﺧﻄﺘﻪ …. ﻓﻌﻼ ﺧﻄﺘﻪ ﻣﻠﻬﺎﺵ ﻻﺯﻣﻪ
ﻓﺠﺄﻩ ﺣﺪ ﻇﻬﺮ ﻗﺪﺍﻣﻪ ﻭﺩﺍﺱ ﻓﺮﺍﻣﻞ ﻭﺍﻟﻌﺮﺑﻴﻪ ﻟﻔﺖ
ﺣﻮﺍﻟﻴﻦ ﻧﻔﺴﻬﺎ ﻟﺤﺪ ﻣﺎ ﻭﻗﻔﺖ
ﺍﺣﻤﺪ ﺍﺗﺨﺒﻂ ﺟﺎﻣﺪ ﻓﻲ ﺩﺭﻛﺴﻴﻮﻥ ﺍﻟﻌﺮﺑﻴﻪ ﻭﺍﻳﻤﻦ
ﺍﻟﺤﺰﺍﻡ ﺣﻤﺎﻩ
ﻧﺰﻝ ﺍﻳﻤﻦ ﻭﻟﻒ ﻳﻨﺰﻝ ﺻﺎﺣﺒﻪ ﻭﻳﻄﻤﻦ ﻋﻠﻴﻪ ﺍﺣﻤﺪ ﻛﺎﻥ
ﻣﻐﻤﻲ ﻋﻠﻴﻪ
ﺍﻳﻤﻦ ﻳﺪﻭﺏ ﻓﺘﺢ ﺍﻟﺒﺎﺏ ﻃﻠﻌﻠﻮﺍ ﺍﺭﺑﻊ ﺭﺟﺎﻟﻪ ﺿﺨﻤﻪ
ﻭﺍﺗﺨﺎﻧﻘﻮﺍ ﻣﻌﺎﻩ ﻭﺿﺮﺑﻮﻩ ﻋﻠﻲ ﺭﺍﺳﻪ ﺍﻏﻤﻲ ﻋﻠﻴﻪ
ﻭﺷﺎﻟﻮﻩ
ﺍﺣﻤﺪ ﻓﺘﺢ ﻋﻨﻴﻪ ﻣﻠﻘﺎﺵ ﺍﺛﺮ ﻻﻳﻤﻦ ﻭﺍﺗﺠﻨﻦ ﻭﻣﺶ
ﻋﺎﺭﻑ ﻳﻌﻤﻞ ﺍﻳﻪ؟ ﺭﺍﺡ ﺑﺴﺮﻋﻪ ﻟﺒﻴﺖ ﺣﺒﻴﺒﻪ ﻳﺸﻮﻓﻪ ﺭﺍﺡ
ﻭﺳﺎﺑﻪ ﻭﻻ ﺍﻳﻪ؟
ﺍﻭﻝ ﻣﺎ ﺩﺧﻞ ﻋﻨﺪﻫﻢ
ﻋﻢ ﺳﻌﻴﺪ : ﻓﻲ ﺍﻳﻪ ﻣﺎﻟﻚ؟
ﺍﺣﻤﺪ: ﺣﺒﻴﺒﻪ ﻓﻴﻦ؟
ﻋﻢ ﺳﻌﻴﺪ : ﻓﻮﻕ ﻓﻲ ﺍﻭﺿﺘﻬﺎ
ﺍﺣﻤﺪ: ﻣﻤﻜﻦ ﺗﺘﺄﻛﺪ؟؟
ﻋﻢ ﺳﻌﻴﺪ ﺟﺮﻱ ﻋﻠﻲ ﻓﻮﻕ ﻳﺘﺄﻛﺪ ﺍﻥ ﺑﻨﺘﻪ ﻣﻮﺟﻮﺩﻩ؟
ﻓﺘﺢ ﺍﻟﺒﺎﺏ ﻭﺍﻻﻭﺿﻪ ﻛﺎﻧﺖ ﻓﺎﺿﻴﻪ
ﻋﻢ ﺳﻌﻴﺪ ﺑﻴﻨﺎﺩﻱ ﺑﺼﻮﺗﻪ ﻛﻠﻪ: ﺣﺒﻴﺒﻪ ﺣﺒﻴﺒﻪ؟
ﺳﻬﻴﻠﻪ : ﺣﺒﻴﺒﻪ ﺧﺮﺟﺖ ﻫﻴﺎ ﻭﻣﺎﻣﺎ ﻭﺳﻤﻴﻪ
ﻋﻢ ﺳﻌﻴﺪ : ﺭﺍﺣﻮ ﻓﻴﻦ؟
ﺳﻬﻴﻠﻪ : ﻋﻨﺪﻫﻢ ﻣﻌﺎﺩ ﻣﻊ ﺍﻟﺪﻛﺘﻮﺭﻩ ﺍﻧﺖ ﻧﺴﻴﺖ ﻣﺶ
ﻣﺎﻣﺎ ﻗﺎﻟﺘﻠﻚ ﻓﻲ ﺍﻟﻈﻬﺮ؟؟؟
ﻋﻢ ﺳﻌﻴﺪ : ﺍﻩ ﻓﻌﻼ ﻧﺴﻴﺖ
ﻧﺰﻝ ﻻﺣﻤﺪ ﻭﻗﺎﻟﻪ
ﺍﺣﻤﺪ: ﻃﻴﺐ ﻣﻤﻜﻦ ﺗﺘﺼﻞ ﺑﺎﻟﺤﺎﺟﻪ ﺗﺘﻄﻤﻦ ﻋﻠﻴﻬﺎ؟
ﻋﻢ ﺳﻌﻴﺪ ﺍﺗﺼﻞ ﺑﺲ ﻣﺤﺪﺵ ﺭﺩ ﻋﻠﻲ ﺗﻠﻴﻔﻮﻥ ﺣﺒﻴﺒﻪ
ﻭﺍﺗﺼﻞ ﻋﻠﻲ ﺗﻠﻴﻔﻮﻥ ﻣﺮﺍﺗﻪ ﻭﺭﺩﺕ
ﻋﻢ ﺳﻌﻴﺪ : ﺣﺒﻴﺒﻪ ﻓﻴﻦ ﻳﺎ ﺯﻳﻨﺐ؟
ﺯﻳﻨﺐ: ﺍﺣﻨﺎ ﻛﺸﻔﻨﺎ ﻭﺍﺗﻄﻤﻨﺎ ﻭﺩﺧﻠﺖ ﺍﻟﺤﻤﺎﻡ ﻭﻣﻌﺎﻫﺎ
ﺳﻤﻴﻪ ﻭﺍﻧﺎ ﻣﺴﺘﻨﻴﺎﻫﻢ ﺍﻫﻮﻩ ﻭﻫﻨﻴﺠﻲ ﻋﻠﻲ ﻃﻮﻝ
ﻋﻢ ﺳﻌﻴﺪ : ﻃﻴﺐ ﻃﻤﻨﻴﻨﻲ
ﺍﺣﻤﺪ: ﻧﺮﻭﺡ ﻧﺠﻴﺒﻬﻢ ﻭﻻ ﺍﻳﻪ؟
ﻋﻢ ﺳﻌﻴﺪ : ﺑﺮﺍﺣﺘﻚ
ﺍﺣﻤﺪ: ﺍﻻﻓﻀﻞ ﻧﺮﻭﺣﻠﻬﻢ ﻭﺑﺎﻟﻤﺮﻩ ﻧﺸﻮﻑ ﺍﻳﻤﻦ ﺭﺍﺡ
ﻓﻴﻦ؟
–_____########-_____######
#####
ﺍﻳﻤﻦ ﺑﻴﻔﺘﺢ ﻋﻨﻴﻪ ﻣﺶ ﻋﺎﺭﻑ ﻫﻮ ﻓﻴﻦ؟ ﺑﺲ ﻣﺮﺑﻮﻁ
ﻋﻠﻲ ﻛﺮﺳﻲ ﻭﻣﺶ ﻗﺎﺩﺭ ﻳﺘﺤﺮﻙ ﻧﻬﺎﺋﻲ
ﻓﻲ ﻧﻮﺭ ﺧﻔﻴﻒ ﻗﻮﻱ ﻓﻲ ﺍﻻﻭﺿﻪ ﻣﺶ ﻣﺨﻠﻴﻪ ﺷﺎﻳﻒ
ﻛﻞ ﺍﻟﻠﻲ ﺣﻮﺍﻟﻴﻪ
ﻓﺠﺄﻩ ﺳﻤﻊ ﺻﻮﺕ ﺣﺪ ﻣﻌﺎﻩ ﻓﻲ ﺍﻻﻭﺿﻪ
ﺍﻳﻤﻦ: ﻣﻴﻦ ﻫﻨﺎ؟ ﻣﻴﻦ ﻫﻨﺎ؟
## ﺍﻩ ﺍﺍﺍﺍﺍﻩ ﺍﺍﺍﺍﻩ
ﺍﻳﻤﻦ: ﺣﺒﻴﺒﻪ؟؟؟ ﺣﺒﻴﺒﻪ؟ ﺣﺒﻴﺒﻪ ﺭﺩﻱ ﻋﻠﻴﺎ … ﺣﺒﻴﺒﻪ
ﺍﻧﺘﻲ ﻛﻮﻳﺴﻪ؟ ﺣﺒﻴﺒﻪ
ﺍﻳﻤﻦ ﺑﻴﺤﺎﻭﻝ ﻳﺘﺤﺮﻙ ﻫﻴﺘﺠﻨﻦ ﻣﺮﺍﺗﻪ ﻫﻨﺎ ﺟﻨﺒﻪ ﻭﻫﻮ
ﻣﺘﺮﺑﻂ
ﺣﺒﻴﺒﻪ: ﺍﻧﺎ ﺗﻌﺒﺎﻧﻪ؟؟؟ ﺍﻧﺎ ﻓﻴﻦ؟ ﺍﺍﺍﻩ
ﺍﻳﻤﻦ: ﻓﻲ ﺍﻳﻪ ﻣﺎﻟﻚ؟
ﺣﺒﻴﺒﻪ ﺑﺘﻌﻴﻂ: ﺍﺍﺍﻩ
ﺍﻳﻤﻦ: ﺣﺒﻴﺒﻪ ﺍﺭﺟﻮﻛﻲ ﻗﻮﻟﻴﻠﻲ ﻣﺎﻟﻚ؟ ﺣﺒﻴﺒﻪ
ﺣﺒﻴﺒﻪ: ﺟﺴﻤﻲ ﺑﻴﻮﺟﻌﻨﻲ ﻭﺑﺮﺩﺍﻧﻪ ﻗﻮﻱ ﻭﺍﻳﺪﻳﺎ
ﺑﺘﻮﺟﻌﻨﻲ ﺍﺍﺍﻩ
ﺍﻳﻤﻦ: ﻃﻴﺐ ﺗﻘﺪﺭﻱ ﺗﻘﻮﻣﻲ ﺗﺠﻴﻠﻲ
ﺣﺒﻴﺒﻪ: ﺍﺍﺍﻩ ﻷ ﺍﻧﺎ ﻣﺮﺑﻮﻃﻪ … ﺍﻧﺎ ﻓﻴﻦ ﻳﺎ ﺍﻳﻤﻦ؟
ﺍﻳﻤﻦ: ﻣﺶ ﻋﺎﺭﻑ … ﻣﺶ ﻋﺎﺭﻑ ﺍﺣﻨﺎ ﻓﻴﻦ؟
ﺣﺒﻴﺒﻪ: ﻃﻴﺐ ﺗﻌﺎﻝ ﺍﻧﺖ ﻋﻨﺪﻱ
ﺍﻳﻤﻦ ﺣﺎﻭﻝ ﻳﺘﺤﺮﻙ ﺑﺲ ﻣﺮﺑﻮﻁ ﺟﺎﻣﺪ ﻣﺶ ﻗﺎﺩﺭ ﻧﻬﺎﺋﻲ
ﺍﻳﻤﻦ: ﺍﻧﺎ ﻛﻤﺎﻥ ﻣﺮﺑﻮﻁ ﻳﺎ ﺣﺒﻴﺒﻪ
ﺣﺒﻴﺒﻪ: ﺍﻟﺠﻮ ﺑﺮﺩ ﻗﻮﻱ …. ﺍﻧﺎ ﺑﺮﺩﺍﻧﻪ ﻗﻮﻱ ﻳﺎ ﺍﻳﻤﻦ
ﺑﺮﺩﺍﻧﻪ
ﺑﺘﺘﻜﻠﻢ ﻛﺄﻧﻬﺎ ﻫﺘﻨﺎﻡ
ﺍﻳﻤﻦ ﻛﺎﻥ ﺑﻴﻌﺮﻕ ﻻﻥ ﺍﻻﻭﺿﻪ ﺣﺮ ﺟﺪﺍ ﻭﻣﺴﺘﻐﺮﺏ ﻫﻴﺎ
ﺍﺯﺍﻱ ﺑﺮﺩﺍﻧﻪ
ﺍﻳﻤﻦ: ﺣﺒﻴﺒﻪ ﺧﻠﻴﻜﻲ ﺻﺎﺣﻴﻪ ﻣﺎ ﺗﻨﺎﻣﻴﺶ ﻭﺑﻌﺪﻳﻦ
ﺍﻻﻭﺿﻪ ﺣﺮ ﺟﺪﺍ
ﺣﺒﻴﺒﻪ: ﺍﻧﺖ ﻋﻠﻲ ﻃﻮﻝ ﻛﺪﻩ ﻣﺎ ﺑﺘﺤﺴﺶ ﺑﺎﻟﺒﺮﺩ ﺍﺑﺪﺍ
ﺍﻳﻤﻦ: ﺑﺘﺒﻘﻲ ﻓﻲ ﺣﻀﻨﻲ ﺍﺯﺍﻱ ﺍﺑﺮﺩ ﻭﺍﻧﺘﻲ ﻓﻲ….