تجرد إمام وخطيب مسجد قرية منشية البدوي، التابعة لمركز طلخا الدقهلية، من الإنسانية وهتك عرض طفلة عمرها 11 سنة أثناء ترددها على منزله، داخل إحدى الحضانات مع أقرانها لحفظ القرآن
حبس إمام وخطيب مسجد بالدقهلية: هتكك عرض طفلة داخل منزله بعد درس القرآن»
الأم اتهمت إمام وخطيب المسجد.. الطب الشرعي فى واقعة هتك عرض طفلة الدقهلية : «يوجد اعتداء حديث»
سيدة تقتل زوجها بمساعدة عشيقها وصديقه في الدقهلية: «هددني بالطرد من الشقة»
«احنا استأمناه على بنتنا علشان شيخ الجامع وحافظ لكتاب الله وكانت بتروح له كل يوم تحفظ القرآن بالتجويد وهي ما شاء الله عليها ختمت القرآن ومؤدبة وبريئة لكن للأسف خان الأمانة واغتال براءتها وطفولتها»، هكذا لخصت أم
الطفلة مأساة ابنتها مع الشيخ سليمان فايد إمام وخطيب مسجد الصفوة بقرية منشأة البدوى التابعة لمركز طلخا بمحافظة الدقهلية .
وقالت الأم: «أنا زوجى متوفى من 4 سنين وبشتغل علشان أصرف على أولادى وكنت حريصة انى أحفظهم القرآن علشان يحميهم وبنتى جنة متفوقة وبتحفظ القرآن بانتظام لكن فجأة بقت ترفض تروح تحفظ القرآن سواء عند الشيخ
سليمان في البيت أو في الحضانة إللى بيحفظ فيها وكنت أجبرها تروح وكنت فاكرة ان ده بسبب الدلع وانها عايزة تلعب وتترك حفظ القرآن لكن نفسيتها بدأت تتعب وشعرها يقع وأنا مش فاهمة في ايه وروحت بها عند دكتور وقال ان نفسيتها وحشة ومحتاجة اهتمام وطلب عمل تحاليل لها».
وأضافت الأم باكية «مكنتش فاهمة وكنت بأضغط عليها تروح تحفظ القرآن عند الشيخ حتى فوجئت في يوم بنت عمها قالت لى احنا عايزين نقولك
حاجة بس متضربيش»جنة«فخفت وقلت له مش هأضر، بك طبعا بس قولوا لى ايه اللى حصل فقالت بنت عمها»ان الشيخ سليمان واحنا في الحضانة كان عايز يدخل جنة غصب عنها حجرة وكتم نفسها وشدها من ايديها وهى كانت بتعيط ولما أنا شفته سابها وقلت لجنة تقولك قالت لأ ماما هتضــــ، ــــــربنى والشيخ هيـــــ، ـــــقتـــــ، ــــلنى».
وبكت الأم وهى تقول «لم اصدق ما حكته بنت عمها وسألت»جنة«أكدت اللى حصل وكانت مرعوبة فطمنتها وقلت لها مش هأضربك بس هو عمل كده من قبل فالبنت اتشجعت وقالت لى آه في البيت عنده وأخدنى وقفل على بعد العيال مامشيت وكتفنى وكتم نفسى وأنا كنت بأصرخ وأعيط وبعدين قلعنى البنطلون ونيمنى على السرير على بطنى وقعد يعمل حاجات وجعتنى أوى بس مش عارفة كان بيعمل ايه».
وتابعت الأم «جريت على الشيخ أسأله ازاى يعمل كده وأنا نفسى يقولى محصلش وان بنتك بتتخيل لكن فوجئت انه بيقولى كل ده علشان بوسة أنا بوستها بس ومعملتش حاجة فاتصد، مـــــــ، ــت وأخدتها وروحت كشفت عليها والدكتور قالى ان غشاء البكارة سليم لكن في آثار اعتداء من الخلف فقلت لأعمامها وعملنا محضر والطب الشرعى أكد أن في استخدام من الخلف أكثر من مــــــــ، ــرة يعنى الواقعة ثابته عليه والبنت نفسيتها متد،، مرة».
وانهارت وهى تقول «أنا حاسة بالمسئولية لأنى مفهمتش من البداية لكن أنا بأشتغل وأشقى طول النهار وكنت بأتابعها مع الشيخ بالتليفون يققولى شاطرة وممتازة وبتحفظ العيال حسبى الله ونعم الوكيل فيه ربنا ينت، قم منه ويحـــــ، ــــــــرق قلبه زى ما ح، رق قلوبنا».
وأضاف عم الطفلة «جنة» قائلا «إذا كنا مش هنقدر نآمن على أطفالنا مع الشيخ حافظ القرآن هنآمن مع مين هو ترك ايه للشمامين ومتعاطى المخ ….رات».
وانفعل قائلا «الشيخ ده بيوقف في الجامع على المنبر كل جمعة لأنه معين من الأوقاف وبيخطب في الناس بالقرآن والأحاديث ولما عملنا المحضر ه، رب بعد، ما لبس نقاب لكن الحمد لله الناس بلغت عن مكانه وهو الآن محبـــ، ــــوس على ذمة التحقيقات لكن احنا عايزين القص، اص العادل والسريع».
وأضاف «للأسف الناس كانت بتلومنا علشان عملنا المحضر وبيقولا لنا انتم كده فضحتم بنتكم لكن الحقيقة ان الشيخ ده لازم يتعد،، م علشان يبقى عبرة خاصة وأننا عرفنا من الأطفال انه بيعمل كده مع أطفال ثانية وفى أهالى عرفت ومنعت بناتها من عنده لكنهم لم يقولوا لأحد فكرر فعلته».