يوم سبعة وعشرين رمضان اللي فات وقبل الفطار بعشر دقايق تقريبا لقيت مراتي عمالة تبصلي بنظرات غريبة وغير مفهومة بالمرة، تجاهلت شعوري مرة واتنين بس في التالتة بصتلها بابتسامة تعجب وقولتلها:
“مالك يا هبلة”
ابتسمت كعادتها ابتسامتها الجميلة وقالت
“هتوحشني أوي”ضحكت ضحكة عالية ورديت عليها وانا بغمز وقولت:
“هتروحي محكمة الأسرة ولا ايه يا مكارة”
لقيت ملامحها اتحولت مرة واحدة وقالتلي بهزار حاد شوية
“اعوذ بالله، احنا ناس تعرف ربنا يا عم”