انا زوجة تانية وارجوكم محدش يقولى مش هنعاطف معاكى وانتى خطافة رجالة وكلام من هذا القبيل
انا ضرتى تعتبر ملكة جمال من الستات للى بيقولو عليهم مفيش فيهم غلطة جمال وشياكة وتعليم عالى وبتكلم لغات وفوق كل ده بتعرف تدلع واساليب البنات تضرب وتلاقى وانا معرفش الطبع ده انا دوغرى شوية الحمد لله
الكل بيقول عليا جميلة وهادية بس محلفنيش الحظ انى اكمل دراستى امور بقا انى البس واتشيك معرفش فيها جامد بحكم انى اتربيت فى بيت فقير جدا من الناس للى بيكملو نومهم عشا ويدوب كان بيبقى عندى طقمين البس واحد واغسل واحد
.جوازتى الاولى تمت عرفى على يد محامى بحكم سنى الصغير مكنش ينفع بمأذون كانت جوازة بالغصب رمانى ابن خال والدى لراجل بلطجى وشمام دوقت
معاه العذاب الوان وامى ست مريضة لوكميا الدم وبتغسل دم وبلتعالج بالكمياوى بعد ماطلقت بعد عذاب وضرب واهانات وذل وعاهة فى الرحم
لانى سقطت وحصل فيها ضمور بسبب كان بيضربنى كتير فى بطنى ربنا نجانى منه بااعجوبة واطلقت بشهادة الجيران على الضرب وصوت صريخى ليل نهار واشتغلت كانت ينطلى فى كل شغلانة يقول عليا اصعب الكلام ويسوأ سمعتى
اتطردت مرة من مصنع ومرة من محل ومرة من مطعم بسبب الشوشرة والفضايح مكنتش قادرة عليه ولا أمى بمرضها واخوايا صغير فى ابتدائي ومفبش لنا حد غير ربنا
وقابلت زوجي التاني اتعرفنا كان فى الوقت ده منفصل عنها سألت ليه قال حصل بينا مشاكل كتير ونصيبنا خلص لحد كده كنت دايما بحس انه حزين بس قربنا اوى حسيت اننا محتاجين بعض هو اكتر واحد وقف جنبى انا وامى واخوايا وكان حنين وكريم معانا ووقف لطليقى وقفة جمدة
لانه ظابط فى الجيش وله وضعه واهله مشاء الله كلهم مبسوطين وهو له ورثه
من ابوه كبير مشاء الله محرمنيش
من دهب ولا فرش ولا لبس ونقل اخوايا مدرسة خاصة وامى بقت تتبع علاجها فى مستشفيات خاصة ودى اكتر حاجة كانت مفرحه ماما لحد مبدأت طليقته تكلمه وتقوله تعبانة تعالى ودينى للدكتور الحمل وحجج حجج وبعد ماجبتله ولدين توأم عرفت تخليه يردها وبعد ماامه واخواته كانو زعلانين منها رضيو عنها بسبب الاولاد وانا معدتش متحملة طلبت الطلاق كنت هموت من الحسرة
كنت بشوف فرحته بولاده وحنلها تانى بس كان حنين عليا لكن متحملتش صممت طلقنى وخدت قايمة ومؤخر ودهب بس كل حاجة اتباعت وصرفتها على علاج ماما وشفت شغل تانى ورجع طليقى يقرفنى والدنيا اتقفلت فى وشى
بقيت استلف حق العلاج والاكل ومش لاقية شغل لحد ماشوفته تانى وقولتله
محتجاله ومتبهدلة كان زعلان منى فى الاول بس ماما كلمته وصالحتنا ووصته عليا وردنى
ومراته عرفت.?…… يتبع…..????
وقلبت الدنيا وداخلة فى اكتئاب ورافضة الوضع ومخيراه وهو متمسك بينا احنا الاتنين بس رجعت امه تقولى
مش طلبتى الطلاق رجعتى ليه علشان تخربى بيته وتحرمينى من ولاده مراته هتاخدهم وتمشى
وماما تعبت اوى ودخلت غيبوبة سكر واخوايا معايا واتخطف من عند مدرسته جوزى الحمد لله رجعه بس اخدنى من شقتنا على بيت عيلته وهناك فى البيت شقة ضرتى
بس هو خلانى وسطهم بحكم ان امى فى غيبوبة وهو مسافر مهمة وهبقى لوحدى وقلقان عليا وهى لما شافتنى حسيت انه ارتبك وطلع وراها يراضيها ويحايلها
وامه تقول حقها ام ولاده واول بخته ونار والعة جوايا وسلفتى تقولى هى كمان جواها نار اكتر منك لازم تقدرى ظروفها
بفكر امشى تانى بس مفيش حد واقف جنبى وساندنى غيره هو واخواتى وحريمهم
ومش عارفة اعمل ايه واسفة انى طولت عليكم
الي اللقاء في روايه جديده ???
