الجزء الثاني والأخير ????
لسه هنزل أشتريلها اكل لاقيت ابني قام وطبطب عليها وقالها:-
” أنا عامل حسابك معايا، وكل يوم هجيبلك أكل ”
فدخلت من باب الفصل وناديت لابني بعيد وقولتله:
” مش كنت قولتلي يا رحيم إنك عاوز الأكل لصاحبتك وكنت عملتلك كتير؟ ”
بصلي وحط إيده في إيدي وقال:
” أقولك إزاي ياماما وربنا أمرنا نعمل الخير في السر ”
بس مينفعش تخبي على ماما؟
– بس العبادة بتتحسد؟
وهو أنا هحسدك!
لا بس ممكن تقولي لحد ويحسدني
وأنسى أجيب أكل والبنت تفضل جعانة، يرضيكي ياماما يعني كدا؟
ضحكت وشكرت الأستاذة ومشيت..
من اليوم ده وأنا بقيت بحطله اكل بزيادة،
ووصيته إنه لو شاف حد جعان في الشارع يديله،
ولو حس إن حد من صحابه معاه أكل قليل يديله،
وبعد ما مشى فتحت التليفزيون فسمعت شيخ بيقول:
” الأم ليها أجر على التربية، وليها أجر على الكلمة الإيجايبة،
وليها أجر على الأكل اللي بتعمله،
والغسيل اللي بتنشره، يابخت الأم بتؤجر على مشيتها
في البيت عشان تخلي بيتها هادي ”
وبعد أيام لاقيت ابني داخل البيت في إيده وسام مكتوب عليه:
” الأم شمس بتهدي لولادها الطريق ” ♥?
الي اللقاء في روايه جديده ???
