جوزي اتحول
انا عندى ٢٤ سنة اتجوزت وانا عندى ١٨ وكنا بنحب بعض اووى قعدت معاه سنتين هو كان مريض قلب اول سنة جواز كنا مبسوطين مع بعض خالص
بس محصلش خلفة وهو صعيدى وانتو عارفين الصعايدة يعنى بيبقا مهم عندهم الخلفة وكدة بس انا مش صعدية المهم كشفنا واكتشفنا انة عندة عقم هو زعل جدا بس الموضوع مكنش فارق معايا لانى كنت بحبة جدا بس بعد ما عرف
انة مش بيخلف وحياتى اتحولت جحيم و واهانة
المهم كانو بيتصلو بية ومكنش بيرد عليهم وبعد فترة رجع بلدى تانى واجة واهلى خلوة يطلقنى عندة والحمد لله حسيت ان ربنا كتبلى عمر جديد نزلت اشتغلت وقولت اشوف حياتى فضل يجيلى عند الشغل ويتحايل عليا نرجع ويعيط بس انا كنت خلاص كرهتة وبقيت بخاف منة بعد ماكان هو مصدر الامان بالنسبالى بس بعدها بفترة اتقدملى شخص محترم جدا وابن ناس ومتجوزش قبل كدة اهلى وافقة وانا كمان وافقت علية وكان
ونعمة الاختيار بجد واتجوزته ومبسوطة معاه جدا والحمد لله تممت اول شهر
فى جوازى طليقى مكنش يعرف لما اجة لباباى البيت علشان يكلمة انة يرجعلى والدى قالة انى اتجوزت و وعايشة مبسوطة مع جوزى وانا بالفعل مبسوطة معاه جدا لما طليقى عرف رجع بلدة تانى وبعدها بأسبوع جالى خبر وفاتة كان صدمة بالنسبالي وحسيت انى السبب لانى عارفة انة كان بيحبنى جدا وكان ديما يقولى انتى بنتى لان بحبة من وانا عندى ١٤ سنة بس انا بحلم بية على طول وبيجيلى فى الحلم يعيط ديما ومش بعرف انام والله انا عايزة اعرف هو انا كدة السبب فى م.وتة زى ما اخواتة قالولى اسفة على الاطالة?
