الجزء الثالث ?????
اول ما شوفت يوسف بيقولى بتعملى ايه هنا ي هاجر غمضت عينى ومعرفتش انطق ولا اتكلم وبعدها فتحتها لاقيته مش قدامى ..
قلبي وقف من الخضه خدت الورقه ورجعت الجثه مكانها وطلعت بسرعه من الاوضه ..
وانا عماله اقنع نفسى ان ده مش يوسف وانى عشان خايقه يطلعلي عقلي خلانى اتخيل وجوده ..
وطلعت بسرعه ع الاوضه ومسكت الورقه فتحتها لاقيتها مكتوب فيها ..” موتك ” بعدها لاقيت يوسف دخل الاوضه ..
اول ما شوفته دخل الاوضه قولتله ايه ف ايه ي يوسف انت جيت هنا امتى هو مش انت روحت الشغل ؟؟
لاقيته حضنى وقالي مفيش رجعت ع طول عشان وحشتينى وعايز اقعد معاكى وفضل معايا اليوم كله منزلش اوضه المكتب ولا راح اى مكان ولا حتى ورا الفيلا …
وكان بيهزر ويتكلم معايا ويضحك وده غير عادته.. بعدها قالي هقوم اعمل اكل
وقفته وقولتله انت فيك ايه متغير انهارده ي يوسف .. قالي مفيش .. انا بس بحبك
قولتله انت لسه لحد قبل ما تمشى تروح الشغل كنت ع عادتك ..
شدنى من دراعي وقربنى منه وقالى هو انا مش كده احسن ولا ايه وبعدين مانا فكرت ولاقيت انى اقرب منك احسن ما ابعد
قولتله طب خلاص انزل اعمل الاكل ..
بعدها وقفته وقولتله يوسف هو انت ليه اللي دايما بتعملى الاكل ؟
وحتى لما عملته انا ماكلتوش ؟
قالي انا بحب اعمل الاكل انا عشان متعبكيش واخليكى مرتاحه ع طول
ومشى وبعدها لفلى وقالي عارفه مااكلتش اكلك ليه ؟؟
عشان كنت عايزك تكليه كله عشان عايزك تكونى بتاكلى كويس
ومشى وسبنى .. كنت خايفه منه اووى .. كنت خايفه يبان عليه الخوف اصلا .. كنت خايفه اعمل حاجه او انطق حاجه غلط .. كنت خايفه يفهمنى انى عارفه
حاجه .. بس قدرت مخليهوش يعرف يفهم اى حاجه
حسيته بيقولى اى كلام .. او كنت متاكده كنت لازم لازم اعرف سره حاسه ان وراه حاجه كبيره
حاسه انه عارف اللى عملته .. بس لازم اتاكد
ده غير ان موضوع الجثث والورقه ده لسه عايزه ادور فيه
حسيت انه بوجوده كده بيمنعنى من انى اعرف او ادور وراه ف اى اى حاجه
لحد ما قررت انزل ورراه واشوف ايه موضوع الاكل ده
اول ما نزلت اتخضيت من اللى شوفته والله
لاقيته بيعور نفسه بسكينه وبينزل نقط من الدمه ف الاكل وبعدها ……….
