رواية ” زياد الخير ” ? الجزء الثاني????
فرح بصوت مخنوق: الحمدلله يا قلبى انا تمام
عدى: على بابا برضه …. سحبها قعدها ع رجله ورفع وشها عشان عينها تبقى فى عيونه
وقال: الجميل مخبى عليا ايه ها؟!
فرح بدموع: انا عايزة ابقى ام يا عدى من حقى يبقى ليا طفل واحس بشعور بالامومة
عدى: طيب هو مش احنا متفقين من قبل الجواز اننا هنأجل الموضوع ده فترة!
فرح: الفترة دى المفروض تبقى سنة او اثنين مش خمس سنين محرومة من الامومة
بتعاير من اللى يسوى واللى ميسواش والناس بتبصلى ع انى عقيم
عدى: واحنا من امتى وكلام الناس بيشغلنا هو مش احنا مبسوطين مع بعض؟!
فرح بعياط: انت مبسوط انا لا يا عدى ارجوك افهم انا عندى 30 سنة
فاهم يعنى ايه كل ما سنى بيكبر جسمى بيضعف وبيبقى صعب عليا الحمل والولادة
عايزة الحق افرح بولادى وانا فى صحتى ارجوك متعملش فيا كده
عدى بجدية: وانا مش عايز اخلف يا فرح ايوة مش عايز اجيب عيال اجيبهم ليه ها؟!
عشان يتعذبوا فى الدنيا اجيبهم للشقى والتعب اجيبهم فى بلد كلها فقر وجهل ومرض
اجيبهم لعيشة الحرام فيها مباح والحلال هين والعقول فيها مغيبة
اجيبهم عشان يتبهدلوا وميلاقونيش سايب ليهم حاجة تسندهم ولما اموت
بدل ما يقولوا الله يرحمك يا ابا يقولوا الله يجحمك مكان ما روحت انا مش عايز اخلف يارتنى كنت مبخلفش بجد
فرح بهدوء: وانت مش عارف ان خوفك ده فيه نوع من اليأس وعدم الثقة بالله سبحانه وتعالى
لما ربنا بيأذن لطفل بحياة بيبعته برزقه قال تعالى فى كتابه العزيز
بسم الله الرحمن الرحيم “ولا تقتلوا اولادكم خشية املاق نحن نرزقهم واياكم ” صدق الله العظيم
بل بالعكس ساعات كتير بتكون ضيقة اوى والرزق الواسع بيجى مع المولود ده بيجيلك برزقكم
انتم الاثنين استغفر ربنا واستعيذ بالله وارجع لعقلك انت وحكمه يا عدى
انا هنزل انام عند ماما تحت النهاردة عن اذنك
تركته فرح ونزلت عند حماتها تنام عندها وكانت طبعا حجتها انها تعبانة وعايزة تكون جنبها
اما عدى فضل طول الليل بيفكر فى كلام فرح ومن جهة مقتنع برأيه
انه مش عايز يجيب اولاد يتعذبوا زيه ومن جهة تانية شايف ان فرح عندها حق
وان ربنا كريم وانما امره اذا اراد شئ ان يقول له كن فيكون فجأة سمع صوت الاذان …
يتبع
لمتابعة الجزء الثالث والاخير ????
