ابتسمت وانا بقول ف سري
بلاش كدا عشان ما اضعفش
احم اول حاجه مين البنت دي
عمل نفسه عبيط وقالي
بنت !! بنت مين ؟!
والله !! بلاش استهبال يامروان ، مين البنت دي
تعرفي نظريه البطيخ ؟!
ب استغراب
ايه نظريه البطيخ دي ؟!
بيقولك زمان البطيخ دا ماكنش موجود ، عارفه عملو ايه عشان يزرعو
اشجيني عملو ايه ؟!
جابو اجمل بنت في الدنيا وخلوها تعيط ، وبدموعها طلع البطيخ
ياسلام ،والمفروض اصدق بقى!!
رد عليا وهو بيهمس ف ودني
اوعي تعيطي بقى لحسن يطلع بطيخ هنا
وشي احمر من الكسوف” يالهووووووي “
كمل همس ف ودني
انا هطلع اخد شاور عشان اشيل ميه حمام السباحه الي مليان كلور دي
بصلته وانا حطه ايدي ف وسطي
لتكون فاكرني نسيت انك ماجاوبتش السؤال ؟!
مين ال…
استنيني عشان عاوز اقولك حاجه بحسها ناحيتك
ماشي ماتتاخرش بقى !!
بعد ما ماشي بصيت على نفسي ف مرايه الموبيل
مش عارفه ليه شوفت كلاون لما هو مردش عن اجابه السؤال ودخلني ف حورات تانيه !!
بعد نص ساعه وانا قاعده مستنياه ومشغله اغاني ام كلثوم
وقابلتك انت ياروحي ، اتغير كل حياااااتي…
وغنيت معاها كوبليه
معرفش ازاااااي انا حبيتك…معرفش ازااااي…
من اول كمله لاقتني بحب ترارارا
احم يامنار الاندماج دا ف ايه ؟!
ياه على الزمن ،بقى انا عميده السناجل البائسه وصاحبه مقوله
الارتباط احباط
يجي عليا الزمن واقعد على جنب واسمع ام كلثوم ؟!
بصيت يمين وشمال على المدعوقه الحربايه الي ماتتسمى دي…مش شايفها !!
احيه لحسن يكونو مع بعض ؟!
انا ياض تنيمني نيانا هو وتروح تسرح معاها ، انا ياض !!
ولا عشان شعري مش اصفر ولا مونوكيري الاحمر قشر ، ماتقولي ياهشام!!
قومت زي المجنونه ادور عليهم ولاد ال…مافيش اي اثر…
اذا مافيش غير حل واحد اقبض عليهم متلبسين…
فتحت جوجل وانا طالعه لحد غرفته ،وكتبت رقم بوليس الاداب
طلع الرقم عملتله save جايلك ياسارق قلوب العذارى…
قدام باب غرفته ، اتصلت برقم بالاداب…
وانا بفتح باب غرفته..
الرقم بيرن…لسه محدش رد عليا…
فتحته ، سمعت صوت دش ، يعني حمام ف غرفته ، عشان لما يخلص عملتله السودا يدخل على الحمام على طول ، اه يوااااطي ياحيوان..
انا قدام الحمام وفي دماغي اغنيه ويجظ
وياعيني مع غيري ومش مبسوط
مش مبسوط ايه بس انت كمان ، دا تلاقيه مصهلل من الفرحه..
لسه هفتح باب الحمام ، لاقيته خارج وهو بينشف شعره بالفوطه ، ولافف الروب حواليه…
اتخض لما شافني…
ماكنش متوقع طبعا اني اقبض عليه متلبس
منار ؟! بتعملي ايه هنا ؟!
بصلته بغضب وبنظرة استحقار وانا بقوله
طبعا مش متوقعني هنا يا اوستاذ
اكيد مش متوقعك هنا في اوضه نومي !!!
لكن متوقعها هيا , صح !!
هيا مين ؟!