فيلا ؟!
رد عليا كأنها اوضه في السطوح مثلا واي حد المفروض يكون عنده فيلا
اه فيلا عادي يعني , انا عندي اربعه غيرها كمان اتنين في التجمع وواحده في كندا والاخيره في استراليا
ايه دا ، هو انا الي سمعته دا بجد ولا بيهجص عليا !!
بس ما علينا قولتله لأ مش هقدر
هز راسه بحزن وهو بيقوم وقالي
عموما انا هبعتلك اللوكيشن على الواتس ، لو غيرتي رأيك وحبيتي تيجي…
انا طبعا ، طبعا مش رايحه…هو اي حد يقولي ماتيجي ، اجي !!!
الساعه سته المغرب كنت بختار الفستان الي هروح بيه الحفله !!
لا لا انا في الثبات على المبدأ معنديش ياما ارحميني !!
على ما جهزت كدا اخدت ساعتين ، وعلى ما روحت العنوان بعربيتي ، اخدت كمان ساعتين
الفيلا كانت فخمه ، وحرس يمين وشمال ، لما وقفوني عشان يعرفو انا مين ، وريتهم الرساله الي بعتها ليا
شاورو على مكان هناك وقالولي انه عند حمام السباحه…
روحت الدنيا هناك كامت ظروطه يامعلم !!
بنات على شباب ، على اكل ، على ناس بترقص ديسكو…
زي الافلام والمسلسلات…
وهناك في ركن بعيد كان مروان واقف لوحده…
ابتسمت تلقائي ، فكرته هيكون مع بنت من البنات الي جاين من غير هدوم دول !!
ماشي ماشي كل دا هيتغير يامروان ، i can fix him
مروان كان لابس قميص مفتوح ، عضلات صدره وبطنه باينه ، والبنات طبعا مركزه مع عضلاته
انا دمي اتحرق…كنت لسه هروح ناحيته ، لكن حصلت حاجه خلتني عاوزه اعيط وانا واقفه مكاني…
انا عاوزه اروح دلوقت….
لكن حصلت حاجه خلتني عاوزه اعيط وانا واقفه مكاني…
انا قررت اني همشي خلاص ، يشبع بيها المقرف دا…
كنت لسه همشي ، لاقيت ايد بتمسكني…ببص ورايا لاقيته مروان
ببص عليه بعصبية…
قالي
ايه يامنار رايحه فين ؟!
هزيت رجلي على الارض وانا عاوزه ابوسه من شفايفه قصدي اضربه على وشه…
اكتفيت اني ابصله بعصبية واهز رجلي
منار انتي كويسه ؟!
البت الملزقه ام شعر اصفر دي وقفت جنبي ، لا ومن بجاحتها بتحط ايدها على كتفي ، انا بصلتها من فوق لتحت بقرف
مراون اتكلم
منار اعرفك ب دودي
وفي سري
بتدلعها كمان يافاجر
ولكنه بص على الي ماتتسمى وقالها
دودي دي منار
بصت عليا وقالت
انتي بقى منار الي بيتكلم عليها مروان ، دا انا خلاص غيرت منك بسبب رغه عليكي
انا اتبسطت جوايا ، دا طلع بيبحني ، ماشي سوف اسامحك لوسامتك ، قصدي عشان بتبحني
كلمت المدعوقه دي كلامها
ماشي ياعم مروان هسبكم سوا ، عشان مبقاش الشريره الي في حكايه احدهم
بتلقائية ردت عليها
قصدك الحربايه
بتبرق ناحيتي هيا ومراون فحاولت اصلح كلامي
قصدي الي محدش طايقها
برقت اكتر
بصي توكلي على الله انتي دلوقت
مشيت ، مروان قرب مني وهو بيقولي
بس مش لايق عليكي دور الي بتغير ؟!
بصلته وانا برد عليه
مين دي الي بتغير ؟! ” نبضات قلبي بتدق “
بص في عينيا , بصه كلها مشاعر ، الي هو انت نفسك حد يبصلك كدا ، وكان جوايا سؤال
هو انا لو حضنته دلوقت هيبقى عيب ؟!
قرب مني اكتر ، امسكي نفسك يامنار ، مش هتضعفي مين دا اساسا
همس ف ودني
وحشتيني على فكره….
انا بدوب ياجدعاااان ، حد يوديني الانعاش…
وسابني وكمل طريقه…
لفيت ناحيته وزعقت فيه
انت سايبني ورايح فين ؟!
رد عليا ب استغراب
اصلك مش بتتكلمي ، ف قولت بلاش ازهقك مني
تعال اقف قدامي في الحته دي ” شاورت على مكان ب ايدي “
هو ابتسم وقرب مني زي التلميذ الشاطر ، وبص ف عينيا وقالي
اديني قربت ، اؤمريني يامولاتي ؟!