بيبص عليا بعينيه…هو عينيه حلوه ولا وحشني ولا…
لا لا مش هضعف قصاده تاني…و…
تحبي اعزمك على حاجه ناكلها ؟!
بسرعه رديت عليه
ماشي….!!
وف سري
” ايه دا هو انا مش قولت هتقل عليه ؟! “
لو مضايقك يامنار بلاش !!
لا خالص بالعكس…
وف سري..
” حلو اوي التقل دا ياهانم “
مشينا جنب بعض ،ريحه البرفيوم الي كان حاططها تحفه
كنت بين كل ثانيه والتانيه ابص عليه
البنات كانت بتبص عليا ، بتحسدني عليه
مش عارفه كنت مبسوطه وانا جنبه ، سرحت ف ملامحه وهو ماشي جنبي ، وف لون عينيه ،خصوصا لما الشمس كانت ضاربه ف عينيه ومبينه لون عينيه اكتر
كانت عربيه هتخبطني , مسك ايدي وقربني لحضنه عشان يبعدني عن العربيه
خدودي احمرت من الكسوف ، حركت شعري لورا
انا اسف ، بس العربيه كانت…
تمام انا فاهماك حصل خير…
انتي كويسه..
بلخبطه مني ،وهرموناتي على اخرها ، حركت شعري لورا تاني وانا برد عليه
انا تمام اه..
مسك ايدي ، نبضات قلبي بتدق جامد
مبرقه ، مش مصدقه نفسي…
بص ليا بعينيه وهو بيقولي
انتي بتترعشي جامد ليه !!
قرب ايديا من بوقه ، وانا مشاعري بتنهار ياجدعان
نفخ في ايديا…هو انا لو بوسته ف شفايفه هيجرى حاجه !!
لا لا ايه الهبل الي بفكر فيه
منار انتي كويسه ؟!
لا يا اوستاذ مروان مش هبوسك الا بعد الجواز
تبوسيني ايه ؟!
احم قصدي انك ماينفعش تبوسني الا بعد الجواز
ابوسك ايه انتي كمان !! انا كنت بنفخ ف ايدك !!
عموما الكافيه اهو هناك ، تعالي اعزمك
مشيت جنبه وانا محرجه وبقول لنفسي
انا هبله ولا في ايه مالي !!!
دخلنا الكافيه ، وقعدنا في مكان على جنب
لكن الغريبه اني لاقيته عارف انا بحب ايه !!
وطلبه ليا من غير ما اتكلم !! انت ايه مخاوي ولا ايه حكايتك
بل وبعد ملاعق السكر الي بحبها !!
بصلته ب استغراب ، ابتسملي ورد عليا
انا دخلت على البروفيل عندك على الفيس وكنتي منزله صوره وكاتبه عليها كوبي المفضل مع ثلاث ملاعق سكـr…وحاطه صوره قلب…
قولتله وانا بصراحه كنت مبهوره بيه
تمام ياحب..يامروان
انا جبتك هنا عشان اعتذرلك عن الفتره الي بعدت فيها عنك
بصلته بحزن ورديت عليه
لا انت مش مطالب انك تفضل معايا
انا بس خايف انجرح تاني
وفي سري
يابني والله ما هجرحك بالعكس هحطك جوه قلبي واحافظ عليك..
بس رديت عليه
اكيد عندك حق…
بس ما انكرش يعني ان الكلام ورخامتك وحشتني
بطبقه حنينيه مني وشكل كيوت رديت عليه
انا رخمه ؟!
ضحك وهو بيرد عليا
بس زي القمر…
مش عارفه ليه اتبسطت لما قالي زي القمر !!
انا بسمع الكلمه دي كتير ،اشمعنى حبيت اسمعها منه…
شربنا مع بعض وفضلنا نهزر …
انا لازم امشي دلوقت عشان عندي محاضره تانيه
ماشي ، بس اوعى تخلي البنات تعاكسك
نعم !!
قصدي تمام تروح بالسلامه
ف سري
ايه الهبل الي قولتله من شويه دا !!
قبل ما يمشي قالي انه عامل حفله في الليله في فيلته
قولتله ب استغراب