طبعا مش عاوزني اركب جنبك عشان الهانم الي انت معلقها التانيه ماتخدش بالها , صح
مش عارفه ليه اغنيه المحقق كونان كانت في بالي وبالذات مقطع
يكتشف الغامض والمثير
بصلي ولا كأني واحده عندها تخلف علقي وفتح الباب الي جنبه وقالي
المكان الي يريحك اتفضلي فيه
احم هو بيحرجني ولا ايه !!
ركبت جنبه ، وبدء يتحرك ، ماتكلمش ولا كلمه ، لكن كانت فيه حاجه شداني ناحيته ، هدؤه ، رزانته ، تقله ، مش عارفه
هو ممكن تشغل الكاسيت ؟! وفي سري قولت
بدل الصمت الرهيب الي احنا فيه دا !!
اه اوي ، حرك ايده عشان يشغل الكاسيت ف نفس الوقت الي حركت فيه ايده
ايدينا لمست بعض ، حست برعشه جوايا ،
اتأسف ووسع ايده ، انا كنت مكسوفه شويه ،حركت شعري لورا وانا بقوله
لا على ايه عادي…
شغلت الراديو ، الغريب ان كل الاغاني الي كانت شغلاه ، كانت رومانسيه وقتها
اممم دي علامه يامااارد…..
وصلني لحد البيت ، قبل ما انزل قالي استني…
حرك ايده ناحيه الكرسي الي ورا ، وطلع هديه ملفوفه ، لفه خطفت قلبي وقالي
انا جبتها كهديه اول لقاء بينا ، يارب تعجبك…
معرفش ليه قلبي فضل يدق ، ابتسمتله وانا بقوله شكرا يامروان
العفو على ايه…
طلعت البيت وانا فرحانه ، هموت من الفرح ، دخلت اوضتي ، غيرت هدومي ولبست فستان بينك قصير لحد الركبه وقعدت على السرير وانا مبتسمه وماسكه الهديه
ياترى فيها ايه ، جابلي ايه !!
بعد تردد كتير ، فتحت الهديه اخيرا وانا قلبي بيدق جامد
كانت الهديه عباره عن سلسله دهب فيها نص قلب…
دا طلع العوض بجد يولا !! كنت مبتسمه زي الهبله ، فرحانه ، عاوزه اغني ، عاوزه اتنطط على المرتبه زي العيال الصغيره ، عاوزه اجري على اي حد اعرفه واخده بالحضن…جوايا مشاعر كتير اوي
اكلمه اشكره طيب !! لا لا هو هيكلمني دلوقت !!
منار انا عاوزك تتقلي شويه , بعد نص ساعه وانا باصه ناحيه الموبيل مستنيه منه اي رنه، قولت انا هكلمه خلاص ولكن كانت المفاجأة
الهاتف الذي تحاول الاتصال به غير متاح حاليا !!
نعم !! يعني ايه…لا لا اكيد موبيله فصل شحن وهيكلمني لما يروح ، دا جابلي هديه سلسله دهب ، عدت ساعه واتنين وتلاته وست ساعات !! ، وموبيله مغلق ، قلبي بدء ينبض بالخوف ، فتحت الواتس وانا خايفه من الي ممكن يكون جرى ، ببص على صورته مالقتهاش موجوده !! اخدت نفس عميق وانا بقول في سري اكيد شالها معمليش بلوك , بعتله انت فين ولكن للاسف كان بلوك ، انا اتصدمت ، طب حصل مني ايه عشان استحق كدا ، ايه الغلط الي انا عملته !! هل انا شكلي وحش ، وقفت قدام المرايه ودموعي على خدي ، طب تخينه شويه مثلا ، شعري مش عاجبه…حصل ايه طيب !!!
عدى يوم واتنين واسبوع واتنين وشهر واتنين ، وانا في بالي حاجه واحده ، ايه الغلط الي عملته عشان يبعد ، طب اداني هديه ليه !! الحياه بالنسبالي توقفت , انا هبله ، انا عارفه اني هبله
روحت على السيكشن والمعيد المفروض يشرحلنا حاجات للامتحان بكره ، ولكنه غايب ، وهيجي حد مكانه السيكشن دا…
انا كنت قاعده ودموعي على خدي ومش مركزه لحد ما دخل حد ، انا عارفه الحد دا كويس ، جايز من الدموع مش شايفه كويس ، بدءت امسح الدموع الي ف عيني عشان اتأكد من الي انا شيفاه…
ولما مسحت الدموع واتأكدت…اتعصبت……..
ولما مسحت الدموع واتأكدت …اتعصبت
…..
…..