احم انا كويسه يامروان
هز راسه ، وكان الصمت بينا هو اللغه السائده
كان بيبص عليا بعينيه…يالهوووي انا عمري ماحد بص عليا بالطريقه دي في حياتي…هو دا الحب يولا !!!…حب ايه انتي كمان ،الراجل لسه خارج من علاقه ومحطم الفؤاد
صاحبتي الغبيه قصدي الذكيه اتسحبت من لسانها وهيا بتقوله
هو حضرتك بجد ياكابتن !!
بصلها ب استغراب وهو رافع حاجب ومنزل التاني وقالها
مش فاهم سؤالك معلش ؟!
يعني حضرتك مش ثري دي او انمي مثلا !!
بصلها بصه انتي متخلفه يابنت انتي !! بس ماعلقش عليها
بص ناحيتي وهو بيقولي
طاااب احنا شوفنا بعض …
هزيت راسي زي المعتوها !! ما انا مش عارفه اقوله ايه الصراحه !!
اي خدمات ؟!
اصبر ياكابتن انت مستعجل ليه !! انا جويا كلام كتير بس متلخبطه
حرك ايده قدام عينيا وهو بيقولي
طب انتي معايا طيب !!
ياكابتن استنى وحياه ابوك انا باين اتشليت !!
طب خدي بالك من نفسك…عن اذنك…
بتلقائيه لقتني بزعق فيه
ماتصبر ياعم…
برقلي…وانا قولت في سري
يعني وقت ما اتكلم ازعق في الراجل كدا !!
حاولت ارجع البنوته الكيوت الي جوايا ، رققت طبقه صوتي وقولتله
قصدي يعني انت مستعجل ليه ياحب ، يامروان !!
قالي
انتي طلبتي اننا نتقابل ،وزي ما شوفتي اهو ،شخص عادي جدا
وفي سري بقوله
شخص عادي ايه !! انت لو طلبت مثنى وثلاث ورباع هتتجوزهم عادي ، انت معندكش مرايات في البيت ولا ايه !!
بس حبيت ابين اني تقيله وقولتله
على فكره يامروان الشكل مش كل حاجه و…
عن اذنك منار…
ف سري بقوله
اصبر بس هفهمك ماتبقاش قفوش كدا !!
ولكنه مشي ، بصيت على صاحبتي ابتسام لقيت عينيها دباديب وقلوب وبتقولي
هو مرتبط الجدع دا ؟!
رديت عليها بتلقائيه
اه خاطب…
ايه دا ثانيه واحده ، هو انا كذبت عليها ليه ؟!
هو في ايه مالي…
خرجت بره المدرج ، كنت فرحانه ، مش عارفه ليه ، بس فرحانه
هو دا العوض يولا !! دا العوض طلع حلو ياجدعان ، احم ايه دا انا بقول ايه !! هو انا عبيطه !! اكيد انا مش ف باله اصلا
خرجت بره الجامعه وانا في حاله من التخبط وعماله اكلم نفسي ومستنيه اي تاكسي اركبه عشان اروح للبيت
وانا لسه بجيب في سيرته !!
تلاقيه بيكلم بنت تانيه، وتالته، ورابعه ، وتلاقيه بتاع بنات اصلا ، وبيعت رساله غلط لدي ،ولدي حسبي الله ونعم الوكيل فيك يامروان , يارب يامروان اشوفك كدا وانت…
لقيت عربيه مرسيدس وقفت جنبي ، الازاز نزل ، ببص لقيته مروان
تعالي يامنار اما اوصلك بدل بهدله الموصلات
بصيت بعيد وانا بقوله
روح يا اوستاذ للبنات التانيه الي تعرفهم
نعم !!!
العيون جابت اجلنا ، كله باصص …
انتي كويسه يامنار ؟!
اه معلش اندمجت ، سوري
طب هتيجي اوصلك ولا ايه ؟!
فتح المكان الي ورا ، ف رديت عليه