روحت ناحيه سريري ، وحطيت الموبيل جنبي , ولكن كان جوايا صوت بيقولي كلميه. كلميه
حاضر ياسيدي ما انا لاقيه كرامتي في كيس شبسي !!
اتصلت بيه كان موبيله مغلق !!
بعتله رساله على الواتس
على فكره انت شخص اناني ومش بتفكر الا ف نفسك ، حسبي الله ونعم الوكيل فيك ،وبعتها
لسه هنام لاقيت موبيلي بيرن ، ببص على الرقم لاقيته من الشخص الغريب دا !!
قلبي فضل يدق ، ويدق
ايه هيشتمني ولا ايه ، انا متوتر اكتر من العادي ، انا بكون هاديه !!
في ايه مالي !!
رديت عليه بطبقه رقيقه ” بحاول اعمل فيها كيوت وكدا “
الو
بنبره هاديه رد عليا
خير انا شخص اناني ليه ؟!
” ضحكت جوه نفسي بس رديت عليه “
احم يعني عشان ماااا ، مابتردش عليا
معلش ارد عليكي ليه ؟!
مش انت بعت المسدج الغريب دي !!
ورديت عليكي انها بالغلط
انا عندي فضول صغير بس
ها ارغي ؟!
انت ايه الي حصل عشان تبعت مسدج زي كدا
حاجه ماتخصكيش
على فكره بص انت اول حد يتكلم معايا بالطريقه دي
واول حد هيقفل السكه في وشك
” تيت ، تيت ، تيت “
ايه دا هو مجنون ولا ايه ، هو فاكر نفسه مين ، ايه دا ايه دا ايه دا
الغريبه ان نبره صوته مافرقتش خيالي !!
هو في ايه !! مغامره مثلا جديده ولا ف ايه
عدى يوم ، لاقيته في اليوم التاني بيتصل يعتذرلي عن اسلوبه
وبدء يحكيلي انه اتعرف على بنت ، وحبها ، وراح اتقدملها ، وبعد كدا عرف انها بتخونه
سالته وبعد ما عرفت انها بتخونك ، انت لسه عاوز ترجعلها
اكتفى انه يقولي انا مش هقدر اجاوب على السؤال دا
الغريب اننا بقينا بنتكلم شبه يومي ، هو يحكيلي عن يومه ، انا احكيله عن يومي
بقيت عارفه مواعيد نومه ، وبيحب ايه وبيكره ايه !!
وهو كمان بقى عارف بحب اسمع لمين وبيبعت اغانيهم الجديده لما بتنزل !!
طلبت اننا نتقابل
رفض !!
سالته ليه قالي انه مش وسيم وشخص عادي جدا ، وانه حابب اننا نفضل اصحاب كدا
طبعا انتو عارفين الست المصريه شاطره في الزن
تلات اسابيع ازن عليه عشان نتقابل
لحد ما وافق اخيرا اننا نتقابل في مدرج المحاضره بتاعتي من بعيد
انا مردتش ارخم اكتر من كدا ووافقت
وفي اليوم الموعود ، وانا قاعده مع الجيرل فريندز بتوعي في اخر بنچ في المدرج ، كان اي حد بيدخل نخمن هو دا ولا لأ ونهزر
عدى اليوم وكنا خلاص هنروح
كنت زعلانه اني ماشوفتهوش ، وخلاص قبل ما اخرج من المدرج لاقيت مسدج على موبيلي
انا هناك على اليمين
قلبي كان بيدق ، لفيت راسي ببطئ لحد ما شوفته
ولما شوفته ، قلبي دق اكتر….
قلبي كان بيدق ، لفيت راسي ببطئ لحد ما شوفته
ولما شوفته قلبي دق اكتر…
كان شاب وسيم ، شعره ناعم ، ملامحه تجذب الانظار ناحيته ، باين عليه الهدوء ، ريحه البرفيوم بتاعته وصله لحد عندي ، عضلات ، كان لابس قميص ازرق متفصل على جسمه على بنطلون كحلي
قام من مكانه وبدء يتحرك ناحيتي…قلبي بيدق اكتر ، كل مابيتحرك ناحيتي…
مد ايده ناحيتي وسلم عليا وبنفس النبره الي تأسر القلب قالي
ازيك يا منار …
انا كنت متلخبطه ، تقريبا نسيت الكلام ، اصل بصراحه كان غير الي متخيلاه خالص !!
صاحبتي خبطتني ف كتفي
رديت عليه