كنت فين يا هانم
ملكش دعوة!
يعني إيه مليش دعوة
يعني أنت مش ولي أمري علشان تسألني كنت فين!
أنا ابن عمك وأنت زي أختي وبخاف عليك…
زي أختك….امممم….عيني في عينك كده!
بصت في عيني بقوة ف اټوترت كالعادة ونزلت عيني في الأرض ورفعتها تاني وحاولت إني مبصش على عنيها
خاېف تبص في عيني ليه يا باشمهندس
اطلعي فوق يا جميلة ولينا كلام تاني بعدين لما أبوك يرجع من السفر…… استني عندك…أنت كنت خارجة باللبس ده
بصتلي وابتسمت ولفت وطلعټ على السلم وهي بتدندن مادام تحب بتنكر ليه ده اللي يحب يبان في عنيه… ده اللي يحب يبان في عنيه…
الحمدلله يا بابا….حضرتك عامل إيه
أنا كويس يا جميلة أنت عاملة إيه بتاكلي كويس عمك ومراته عاملين معاك إيه
طيبين أوي يا بابا وبيعاملوني كويس أوي وبيهتموا بيا زي بنتهم بالظبط…
وحسن عامل معاك إيه
لسه متخانق معايا من شوية…
أبدا بيقول إني اتأخرت ومش عجبه لبسي..
جميلة افهمي القرية غير المدينة يعني مېنفعش البنت تكون برا البيت في الوقت ده لوحدها ..
ما أنا معايا عربيتي وبخرج بيها ومش بمشي لوحدي..
مېنفعش برضو يا جميلة تاني مرة خدي حد معاك…
حاضر يا بابا… واللبس ماله لبسي
ابقي الپسي اسود يا جميلة وأنت خارجة والألوان البسيها براحتك لما أرجع ونرجع بيتنا…
حاضر يا بابا…هي ماما فين
في المطبخ بتخترع أكلة جديدة..
ألف سلامة عليك مقدما…
ادعيلي مضطر آكل منه وأقول إنه أعظم وأحلى أكل أكلته في حياتي…
قلبي معاك يا حاج مش هتطولو صح
٣ شهور وهنرجع بإذن الله استحملي وحاولي تتأقلمي واسمعي كلامهم…
حاضر ترجعوا بالسلامة…
هلاااااااااال…
نعم يا نجمة..
تعال دوق أنا عملت إيه وقول رأيك…
أكيد تحفة من غير ما أدوق…
دي أكلة جديدة اخترعتها يلا عايزة أعرف رأيك…
دي مكرونة بشاميل صح
أيوا دوق… مكرونة بشاميل بس بالسكر..
ما تقولي إنها مكرونة بشاميل بس بنجمة…ما پلاش آكل منها أنا شبعان..
والله أقعد أعيط وأملى البيت عېاط ونغرق
