سميه: بقولك مكوش علي كل شركات ابوه ومش عارفه اتصرف اخري بخليه يخسر كام صفقه
شريف: يعنى اي يا سميه لازم نتصرف مش قادرين علي حت العيل دا
سميه: طول ما هو والزفت اللي اسمه فهد مع بعض محدش هيقدر عليهم
شريف: هتعملي اي يعنى
سميه بخپث: نفرقهم
فهد قاعد علي المكتب وشروق قاعده قدامه كل تركيزها منصب علي الورق
فهد رجع لورا علي الكرسي وهو بيفك الكرفاته وفتح اول زرارين من القميص وبينفخ بضيق
: اووووف عامل التصيلح قالك هييجي امتا علشان المكيف
شروق من غير مlترفع وشها عن الورق
: اخر النهار.
فهد هز راسه وشروق كملت : فهد بيه في بنود في القعد دا مش موجوده في العقود اللي بعتتها الشركه التانيه
فهد: اه ما هما غيرو شويه حاجات وانا وافقت عليها
شروق: طب انهي بالظبط علشان اكتب العقد الجديد
فهد قام من مكانه ولف وقف جنب شروق حط ايده علي الكرسي بتاعها ونزل بوشه شويه وهو بيشرحلها
شروق رفعت وشها بتوتر من قربه و ملامحه الرجوليه عينيه الحاده ودقنه الخفيف هدومه اللي كلها اسود و شيك وجامده اوي عليه شروق فاقت من سرحانها علي صوت فهد
: شروق ركزي هنا
قالها كدا ونظره لسه مثبت علي الورق قدامه.
شروق وشها احمر من الكسوف انقذها من الموقف دخول ياسين
فهد رفع وشه وبعد
: ياسين تعالي
روحي يا شروق اعمليلنا اتنين قهوه شروق طلعت جري علي بره وياسين بص علي اثرها وابتسم.
قعد قدام فهد
فهد: بلغت علي الشحنه و وقفت في المينا بس انا بعت لواحد صحبي هناك ومشاها
