زين : انا آسف بس مليش انا ف شغل الجواسيس ده
هند : جواسيس ……..انت حد قالك إن احنا عصابة
زين : ي بنتي اسكتي انتي ماحدش عارف يلمك
واتخانقوا تاني
فيروز بعـ،صبية : بس ……احنا لازم نشوف حد يتنيل يراقبها
وفضلوا يفكروا لحد ما هند : بس لقيته
فيروز وزين : مين
هند : حازم اخويا
فيروز : مين ….ده اهطل
هند : ايه يا ست فيروز ما كان طيب ود.مه خفيف
فيروز: بس ……
زين : خلاص بقا يا فيروز مفيش قدامنا حل تاني ……..بس دلوقتي في مشكلة تانية
هند : هو انت علطول ما بتنطقش غير المشاكل وكلام زي ال……
زين : زي ال ايه
هند : زي الزفت انا مش بجاملك
زين : يا بنتي انتي مابتعرفيش تقولي كلمة عدلة ابدا
هند : ليك فيه
فيروز : بس ……. ايه المشكلة
زين : اخو الهانم هيراقبها برا البيت مين اللي هيراقبها جوا البيت
فيروز : انا طبعا
زين : ماينفعش
فيروز : ليه
زين : انتي بتعامليها وحش واكيد عارفة أن انتي شاكة فيها ف اكيد واخدة حذرها منك ف لازم يكون حد تاني اللي بيراقبها
هند : سيبوها علي
فيروز وزين : يعني هتعملي ايه
هند : مالكمش دعوة بقي استنوا لبليل وشوفوا هيحصل ايه
زين : ربنا يستر
هند : ربنا يستر عليك انت
زين : شششششششش اسكتي يا بت
هند وقفت علي التربيزة وقالتله : بت انت بتقولي انا يابت
زين :اشك انك بنت اصلا بالتصرفات دي
هند : أيوة انا بنت وست البنات كمان
فيروز قاعدة تضحك وهما بيتخانقوا راحت سيباهم وماشية وهما لسة مكملين الخناقة
في بيت الحاج سعيد
علي العشاء
الباب خب.ط
زين : هطانا هروح افتح
زين فتح الباب ولقي …
رواية أميرة الصعيد الفصل الحادي عشر
زين فتح الباب ولقي هند
زين : هند
الكل ماكنش عارف مين هند حتي ابو فيروز
الحاج سعيد : مين هند دي
فيروز : دي صاحبتي يا بابا ……مالك يا هند
هند كانت بتعي.ط
هند : انا اتخانقت مع اهلي ومش عارفة اروح فين
فيروز : اي اللي حصل
هند راحت لفيروز وحضنتها وقالتلها في أذنها : شوفي انا هعمل ايه
هند : اهلي كانوا عايزين يجوزوني واحد غني وانا مش حباه ومش طيقاه حبسوني في الاوضة وانا هربت وملقتش مكان اروح فيه فجيت علي هنا
فيروز : متقلقيش …… انا هقف ج.نبك
هند : انا آسفة انا هتقل عليكم
الحاج سعيد : لا ي بنتي ولا هتقلي ولا حاجة ….. فيروز
فيروز : نعم يا بابا
الحاج سعيد : طلعي صحبتك اوضتك تقعد معاكي وخليها تهدي
فيروز : حاضر يا بابا ….. تعالي يا هند
هند راحت مع فيروز اوضتها
في اوضة فيروز
هند : ايه رايك
فيروز : ايه اللي انتي عملتيه ده انا مش فاهمة حاجة
هند : اقعدي وانا هقولك علي كل حاجة
فيروز قعدت : اتفضلي قولي
هند : بصي يا ستي انا قعدت افكر مين اللي هيراقبها جوا البيت ملقيتش حد مناسب غير مين
فيروز : مين
هند : انا طبعا…….ف اخترعت الحكاية دي عشان آجي اقعد معاكم شوية لحد ما نمسك عليها حاجة
فيروز : مغلطش لما قولت عليكي مجـ،نـ،ونة
هند : بس ذكية
فيروز : طب يلا يا ذكية تعالي نامي عشان رايحة الجامعة بكرا الصبح
هند : هاخد شاور وهاجي انام
فيروز : يعني انتي سايبة بيتك وجاية تستحمي عندي يا معفنة
هند : اصل الشامبو بتاعي خلص اعملك ايه
وضحكوا هما الاتنين
هند : بقولك ايه كفاية ضحك وقومي هاتيلي هدوم من عندك
فيروز : مش بقولك معفنة
هند : ولا اقولك هقوم انا اختار
هند خرجت من الحمام
هند : ايه اسم الشامبو اللي انتي جيباه ده
فيروز : ليه مالو
هند : عايزة اجيب منه
فيروز : حلو علي شعرك
