رواية الجواز بسبب الميراث

الام _ايه ده يا بنت يا سماح عقبال ما تديكي فلوس اداكي اكل ولا ايه يخرب بيت عقلك

سماح _ لا يا ماما ده اداني فلوس واداني اكل كمان مش عايزه اقولك حسين ده باين عليه طيب جدا

الام _ انا يا بنت لما يشوفك كده ما يرضاش يتجوزك ده انا مش عايزه اقولك هيعيشك عيشه ايه هنا 

سماح _ يتجوز مين يا ماما هو انت مش شايفه هو عيشته عامله ازاي وانا عشته عامله ازاي لا طبعا ده عمره ما هيفكر فيا بس اسكتي يا ماما على اللي حصل 

الام _ ايه يا بنت اللي حصل اوعى يكون ضايقك بالكلام ولا حاجه

سماح _ يا وليه حـrام عليكي انتي لسه بتقولي الراجل باين عليه محترم تعرفي مين قاعده عنده في الفيلا البنت سعاد يا عيني امها مشيتها من البيت وجوزها كمان 

الام _ معقوله يا نهار ابيض وايه اللي مقعدها عند راجل غريب زي ده يبقى الكلام اللي حماتها قالته عليها صحيح بقى 

سماح _ حـrام عليكي يا ماما احنا كلنا عارفين سعاد وعارفين قد ايه ان هي محترمه ولا استاذ حسين ما يعملش كده هو كمان محترم

الام _هو لو كان محترم يا اختي كان قالك بقيتي في الفيلا معاها انما هو وهي يباتوا بدله لوحدهم

سماح _ ماما شيلي الخرافات دي من دماغك انتي عارفه ان سعاد عمرها ما تعمل حاجه غلط الكلام اللي حماتها قالته عليها ده كلام كذب وهو كمان انسان محترم ده انتي لسه اهو عايزه تاكلي واخده فلوسه يبقى اتكلمي عنه كويس 

الام _ طيب اسمعي يا بنت انا عايزه اي كلمه هما بيقولوها تيجي تقوليها على طول لاحسن يتجوزها يا منيله 

سماح _ يتجوز مين يا ماما احنا عارفين ان سعيد لسه ما طلقهاش وبعدين انا مش هطلع اسرار البيت اللي انا بشتغل فيه حتى لو كانت لامي انا غلطت اصلا قولتلك على الموضوع ده 

انا قايمه انام ورايا شغل كتير بكره،. بعدها دخلت الاوضه وامها قالت 

الام _ لا وانا ممكن اعدي الحوار ده كده والله ما يعدي ابدا البنت دي انا عارفاها كل اللي يشوفها بيعجب بيها وانا حاطه عيني على حسين ليكي يا سماح انا لازم اتصرف في الحوار ده

وتاني يوم راحت  سهير ام سماح بيت حماتي   وقالت 

سهير _ ازيك يا ام سعيد والله وحشاني قولتي لازم اجي اشوفك واطمن عليكي اخبارك ايه

الحما _ مين معقوله سهير جايه لحد هنا ايه اللي جابك يا حبيبتي 

سهير _ ايه يا وليه المقابله الناشفه دي ده المثل بيقول لاقيي ولا تغديني بقول ده انتي وحشاني وجايه اطمن عليك حقك عليا يا اختي اني ما صدقتكيش في الحوار اللي كنتي قايللاه على بنت اختك

الحما _ مش فاهمه كلامك انتي عايزه ايه بالظبط يا سهير انا عارفاكي 

سهير _ جاي اقولك يا حبيبتي ان احنا كنا ظالمينك وقلنا عليك يا كدابه بس كلامك طلعت صحيح البنت دي كانت ماشيه بطال

—

الحما _ وايه اللي جد جديد علشان خاطر جايه تقوليلي الكلام ده دلوقتي يعني عارفه لو كانت لعبه بين اختي وبينك ما تعرفيش انا هعمل فيكي ايه

سهير _ اختك ايدي وانا هعرفها تاني دي شكلها هي اللي كانت ممشيه بنتها كده يا اختي بنتي راحت اشتغلت عند حسين اكيد عارفاه 

المهم بقى بتقولي اول ما طلعت اوضه النوم لقيت مين سعاد مرات ابنك وفي الوقت ده دخل سعيد وقال 

وفي الوقت ده دخل سعيد وقال 

سعيد _ اي الكلام الاهبل اللي انتي بتقولي ده سعاد لايمكن تعمل كده

الام _ اسكت يا واد انت كلمي ياختي متعرفيش هي هناك بتعمل اي 

سهير _ والله قولي انتي لما واحده تكون مع راجل عازب في بيت واحد مقفول عليهم بيعملوا ايه

الام _ فرصتك وجاتلك يا واد انت انت لسه ما طلقتهاش روح وهاتها من شعرها

سعيد _ انا رايح ولو لقيتها هناك فعلا متعرفيش 

هعمل فيها اي وراح سعيد ودخلت سماح 

عندي 

سعاد_ مالك يا سماح شكلك عامل كده ليه في ايه مالك 

سماح _ جوزك سعيد تحت ما تعرفيش ناوي على الشر ازاي انا خايفه عليكي قوي، وفي الوقت ده انا قومت من عالسرير 

سعاد _ يا خبر ابيض طيب هو فين حسين ده انتي ما تعرفيش ممكن يعمل في ايه لو شافني هنا

سماح _ انت لازم تنزلي ليه دلوقتي بدل ما هو يطلع ده ناوي على الشر 

سعاد _ ارجوك يا سماح انا مرعوبه خليكي جنبي والنبي،. بعدها طلع سعيد 

سعيد _ بتعملي اي هنا امشي قدامي والله 

يومك مش هيعدي انهارده 

سعاد _ انت عايز مني اي مش خلاص سمعت 

كلام امك وعملت اللي انت عايزو 

سعيد _ هو انتي ليكي عين تتكلمي امشي 

قدامي وبعدها اخدها  ومشي وجه حسين 

من برا 

سماح _ اللحق يا استاذ حسين اللي اسمه سعيد 

جه واخد سعاد