الحلال يكسب

بلاش علاقات محرمه ولا صداقة فيها تجاوز بالالفاظ .. نصيبك هيجيلك مش هيروح لغيرك!!
الحلال يكسب يا بنات
واحده بتحكى قصة بتقول :_

أنا شوفتة وهو خارج من صلاة الجمعة من 6 سنين كنت انا رايحة عند جدتى وكان هو الخطيب بتاع المسجد عينى جات في عينة فجأة وهو بيكلم واحد
قلبى اول ما شافة دق ، لسانى اتلعثم مبقاش عارف ينطق
صاحبتى فضلت تقولى ” إنتى كويسة في اى يابنتى ؟ ” وانا ماشية سرحانة أنا زى ما أكون أذنبت بعدم غض البصر فعاقبنى الله بحبة

فضلت طول اليوم سرحانة وابتسم وبس
عدى فترة طويلة وكل يوم جمعة قبل ما الصلاة تخلص وهما لسه ف الركعة ألاخيرة أطلع اعمل نفسى رايحة عند صاحبتى اللي بيتها قدام المسجد قال يعنى رايحة بالصدفة وابطئ ف خطوتى عشان اشوفة بس مش بلاقية من يومها واختفى خالص .. نسيتة بس قلبى لسه بيدق كل ما بيفتكر نظرته

عدى سنة ونص على اليوم دا وكان بيتقدملى ناس كتير أوى وبرفضهم لإن قلبى كان لسه معاه هوا ،، عدى سنة ونص وبدعى انه يكون من نصيبى عاجلاً غير آجل
جات مسابقة قران وخلاص قررت إنى ادخلها وكدة يعنى اهو بالمرة أراجع على اللي نسيتة
و فعلا قدمت و روحت، و لما دخلت لاقيتة قدامى هو ومجموعة من الشيوخ أول ماشوفتة بدأت اتوتر جامد و نسيت كل اللي حفظاة

قعدت قدامة عشان أسمع لقيتة سألنى وقالى ابدئى من أول آية …
” وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ ”
مبقيتش قادرة انطق من التوتر حاولت أبص فالأرض من توترى ومجاوبتش ع سؤالة وقولت مش فاكرة
جه الشيخ اللي جمبة وسألنى سؤال فا جاوبت وبدأت أجاوب عادى خالص ومغلطش نهائي ..
جه دورة تانى فسألنى