الكل صفن فيي والمعطم فكرني بمزح حتى مرتي انصدمت والمعلقة وقعت من ايدها
اختي ضحكت و قالتلي : ههههه خلص يللا وانا بدورلك على عروس
قلتلها : انا بحكي جد .. وكنت مركز على مرتي وردت فعلها
(انا فعلياً عمري ما مزحت بهادا الموضوع متل باقي الزلام
اول مرة من خمس سنين بحكي هيك )
انصدموا بزيادة فابوي بحكيلي .. : ولك يا اهبل في حدا بيعملها وبيعيدها
اللي بعيدها بكون مجنون … وبيتطلع عامي وبيضحك
قلتله : يابا .. انا ما بمزح والعروس موجودة وخلص بدنا نتزوج
وانا بخبركم وعشان تروحو تخطبولي اياها
مرتي تركت كل اشي وراحت للغرفة تعيط واختي لحقتها …
وامي صارت تبهدلني
وانا راسي والف سيف اني اتخذت قراري وما في مجال للرجعة خلص
روحنا عالبيت ويومها بتذكر كيف مرتي كانت بالسيارة بتطلع من الشباك
ودموع عنيها ما بوقفوا نزول … وانا كل شوي اتطلع عليها وهي ما حكت ولا كلمة
مرتي كتير آدمية ما بنكر بتذكر بداية زواجنا امي كانت تحاول تعمللها مشاكل متل كل الحماوات
ومرتي كانت دبلوماسية معها وماترد عليها بالكلام بالعكس اتطنش واتساير وضعها لأنها بتحبني
وصلنا الدار وحطينا الولاد عتخوتتهم وهي غيرت وحطت راسها عالمخدة
وبلشت تبكي بدون صوت قعدت ساعة ما حكيت ولا كلمة بس ما قدرت استحمل بكاها
قلتلها : انتي ليش بتعيطي
ردت وهي مكسورة وصوتها بيرجف : بدك تتزوج اتزوج …
استغربت من جوابها … وعليت صوتي عليها : اصلاً انتي اللي وصلتينا لهالحال
قلتلك ارجعي زي ما كنتي وانتي غارقة حالك بالولاد والطبيخ والنفيخ والتنظيف
صار نفسي اشوفك مسشورة صار نفسي تتأنقي
الحق عليكي انتي الحق عليكي … انتي اللي ما بتردي … انتي وسكتت
حملت شرشف من الخزانة ورحت انام بغرفة القعدة وصوت بكاها كان واصل لعندي
ما بعرف ليش عصبت عليها بس حسيت بعيون الكل انه بلومني يمكن استفزني جوابها
انه قالتلي اتزوج… كنت متوقع تحرد عند اهلها .. كنت متوقع تصرخ
تعمل اي اشي ليش هيك هي مثالية شو يعني بدها تخليني اندم بس انا مو ندمان
رحت خطبتها وانا ومرتي صار بينا فتور اكتر من اللي كان
بس ضلت بين ولادها ببيتها .. وكنا نادراً ما نحكي مع بعض الا للضروري …
وخطبتها واتزوجنا وكان اسعد يوم بحياتي مع اني موقن انه كان اتعس يوم بعمر زوجتي ..
اتفقت انا والعروس تتأخر شوي بالخلفة بس عروستي بالرغم من جمالها واناقتها
وصغر سنها ما كانت متل مرتي بتحبني عملت مشاكل مع امي
وخربت بيتنا وبعنا يلي فوقنا ويلي تحتنا وكانت رداحة وانا واقع بين نارين وتضل امي تعايرني .. يتبع