هو أخوك لما وقع ماقومتهوش ليه ؟؟
قولتلها ماهو فلان قومه
قالت لى هو فلان دا أخوه ؟؟؟
قالت لى تعالى وخدتني في جنب الشباك كده بحيث اشوف العيال بوضوح
وقالت لى بص على هدوم أخوك كده
قولت لها آه ده اتوسخت من الوقعة بس ده تراب عادى هينضف
قالت لى بس بصوت أهدى كتير لما الغريب قوم أخوك مانضفش هدومه
ولا حسس عليه تشوفه اتعور ولا لأ
ولا طبطب عليه وه وراضاه
قومه وسابه ومشي يكمل لعبه
اللى بيقع بيحتاج أخوه يقومه
عشان أخوه يشوف إيه اللى كعبله ويشيله
عشان أخوه ينضفله هدومه مايسبش الناس تشوفه متهان
عشان أخوه يطبطب عليه ويراضيه
اللى بيقع لما بيقف مابيقفش سليم
بيحتاج أخوه يخليه يقف سليم
حافظوا ع الود وخليكم مع اخواتكم الأول قبل الغُرب
وإن الاخ ملوش غير أخوه مهما حصل محدش يشيلك ولا جنبك غير اخوك والاخ ما يتعوضش انما اي حاجه في الدنيا تتعوض ويوم ما تقول أه مش هتلاقي حد يقولك سلامتك غير اخوك
ملكوش إلا بعض ?