انا جدي اتوفى من حوالي شهر الله يرحمه
احنا من علية كبيرة وهو كان عنده أملاك كتير وطبعا الورث هيتوزع على بابا و أعمامي و عماتي
بابا قال نعمل عزومة عندنا في البيت عشان نقضي اليوم مع بعض ويتفقوا على توزيع الورث وكده وماما في اليوم ده كانت طابخة فراخ على الغدا
المهم بعد ما حطينا الأكل والكل اتجمع ف ماما و هي بتوزع الأكل بكل عفوية و هزار قالت لعمي ” ها يا محمد هتاكل الصدر ولا الورث ”
راح عمي باصصلها و ساب الأكل و قام وقف و اتعصب وقال لماما انا مش هرد عليكي عشان عيب بس لو جوزك كان راجل كان عرف يلمك ومكنتيش قدرتي ترفعي عينك بس عليا وقام سايبنا و مشي
يتبع….