زوجه تحكي

زوجه تحكي
الخناقة رقم مليون بينى وبين جوزى بعد 4 شهور جواز ، من ساعة ما عرفته وأتجوزنا وأحنا كل يوم خناقات لدرجة فكرت فى الأنفصال .
كُنت ببات أنا فى أوضة وهو فى أوضة ، ونتخاصم بالأيام .

لحد ما عرفت أنه أنا حامل ، الفرحه خلتنى أروح أصالحه أنا ، عرف ساعتها أنى حامل وفضل يبوس فى راسى ويصالحنى ويعتذر كتير عن الأيام اللى كان بيزعلنى فيها.
نزل جابلى بيتزا وشوكلاته وكولا وشيبسى ، وبعدها جه وأكلنا ، وبعدها نمت ، صحيت من النوم تانى يوم الضهر لقيته نزل الشغل أستغربت ! أزاى نزل من غير ما يصحينى ، بعاده أنه هو ونازل الشغل لازم يصحينى أفطره .

وهو راجع من الشغل جابلى غدا معاه ، وكمان جه قبل معاده ، أستغربت وضعه بصراحه ، قولت أكيد فرحان بالحمل وأنه هيبقي أب وأنه هيرجع لطبعه تانى بالكتير يومين تلاته كده ، لكن ربنا خلف الظن وفضل كده طول فترة الحمل .

كان ونعم الزوج ، مشوفتش فى حنيته ولا هشوف ، لدرجة أنى أستغربت حاله معايا أول 4 شهور جواز وقولت لنفسى “ياريتنى كُنت بقيت حامل من زمان” .
عرفت أنه فيا بنت ، وهو بطبعه ميال للولاد أكترر ، فـ قولت أمهدله أنه فيا بنت وأشوف رد فعله ، فـ لقيته بيرد عليا بكلام الرسول عليه أفضل الصلاة والسلام “خيركم من بكر بـ أنثى” .
كان فرحان بيها جداً وأشترالها هدوم كتير ولعب أكترر ، وجاب لها بلالين كتير pink وحطها فـ أوضة الأطفال .
يتبع….