انا في بلاء شديد والحمد لله على كل حال
انا عمري ٤٤ وزوجتي ٣٩ وعندي ولدين ١٧ و١٢ سنة .. سافرت اخر ٧ سنين للعمل لوحدي وكنت بنزل شهر الاجازة فقط كل سنة
واستحملنا شوية عشان نعمل حاجة ونخلص اقساط علينا .. وحاليا نزلت نهائي من ٨ شهور ..
من ٣ سنين مراتي حصلها نفور شديد مني
حاولت أعالج الموضوع معرفتش
والموضوع تدرج من عدم الرغبة ووصل للمنع في أحيان كثيرة
وناقشتها في الأسباب كانت بتقول انها مش شايفاني بشارك في تحمل الأعباء ولا في التخطيط للمستقبل بالصورة المطلوبة
وانها شالت فوق طاقتها سنين كتير وتحملت مشاكل كتير بدون مساعدة مني في حلها
حاولت كتير اهديها وقولت معلش ضغوط وتعدي
لكن كان جوايا شك كبير ان في حد تاني في حياتها
وللاسف طلع شكي في محله وتأكدت من الموضوع ده من شهر ونص
للاسف علاقة عاطفية من ٣ سنين تقريبا مع زميل مهنة قديم وتطورت للاسف الشديد التجاوزات ثم لعلاقة جسدية عدة مرات علي فترات وأخرها قبل ما اكتشف علطول بالرغم من وجودي وعدم سفري بكل اسف ..