ﻭﺍﻟﺪﻧﻴﺎ ﻛﺎﻧﺖ ﻭﺧﺪﺍﻧﻲ ﻣﻊ ﺍﻟﻌﺮﻭﺳﻪ ﺍﻟﺠﺪﻳﺪﻩ ﻭﻛﺎﻥ ﺃﻭﻝ ﻋﻘﺎﺏ ﺭﺑﻨﺎ ﺣﻴﺎﻩ ﻛﻠﻬﺎ ﻣﺸﺎﻛﻞ ﻭﺯﻭﺟﻪ ﻃﺒﺎﻋﻪ ﻣﺶ ﻋﺎﻳﺰﻩ ﻏﻴﺮ ﺍﻟﺪﻫﺐ ﻭﺗﺸﺘﺮﻳﻠﻲ ﻭﺗﺠﻴﺒﻠﻲ ﻭﺑﺲ ﺟﺎﻓﻪ ﺍﻭﻭﻭﻱ ﻋﻤﺮﻱ ﻣﺎ ﺣﺴﻴﺖ ﺍﻟﺪﻓﺎ ﺍﻟﻠﻲ ﺣﺴﻴﺘﻪ ﻣﻊ ﻣﺮﺍﺗﻲ ﺍﻷﻭﻟﻰ ﻣﻌﺎﻫﺎ
ﻭﺗﺎﻧﻲ ﻋﻘﺎﺏ ﺭﺑﻨﺎ ﺭﺯﻗﻨﻲ ﻣﻨﻬﺎ ﺑﻄﻔﻞ ﻣﻌﺎﻕ ﻓﻲ ﺧﻼﻝ ﺍﻟﺴﻨﻪ ﺩﻱ ﺃﺧﻮﺍﺗﻲ ﺍﻟﺜﻼﺛﻪ ﺍﻟﺒﻨﺎﺕ ﺍﺗﻄﻠﻘﻮﺍ ﻋﻠﻰ ﺍﻟﺮﻏﻢ ﺃﻥ ﺣﻴﺎﺗﻬﻢ ﻛﺎﻧﺖ ﻣﻔﻴﺶ ﻓﻴﻬﺎ ﺃﻱ ﻣﺸﻜﻠﻪ ﺍﻟﻜﺒﻴﺮﻩ ﺍﺗﻌﻤﻞ ﻓﻴﻬﺎ ﻧﻔﺲ ﺍﻟﻠﻲ ﺍﺗﻌﻤﻞ ﻓﻲ ﻣﻦ ﻣﺮﺍﺗﻲ ﺍﻷﻭﻟﻰ ﺑﺎﻟﻈﺒﻂ …
ﺍﺑﻮﻳﺎ ﺣﺲ ﺑﺎﻟﺬﻧﺐ ﺑﻌﺪ ﺳﻨﻪ ﻭﻧﺺ ﻧﺎﺣﻴﻪ ﻣﺮﺍﺗﻲ ﺭﻭﺣﺖ ﺍﺷﻮﻓﻬﺎ ﻟﻘﻴﺘﻬﺎ ﺍﺗﺨﻄﺒﺖ ﻟﺮﺍﺟﻞ ﻣﻄﻠﻖ ﻣﺶ ﺑﻴﺨﻠﻒ ﻭﻋﺎﻳﺰﻫﺎ ﻫﻲ ﻭﺍﻟﻮﻻﺩ
ﻭﻭﺍﻟﺪﺗﻬﺎ ﻣﻮﺟﻮﺩﻩ ﻓﺎﻟﺤﻀﺎﻧﻪ ﻛﺪﻩ ﻛﺪﻩ ﻟﻤﺎﻣﺘﻬﺎ ﺑﺎﺑﺎ ﺍﻟﻠﻲ ﻛﺎﻥ ﺑﻴﻘﻮﻝ ﻭﻻ ﺗﻌﺒﺮﻫﺎ ﺍﻟﺮﺍﺟﻞ ﺍﻟﻠﻲ ﻋﻨﺪﻩ 76 ﺳﻨﻪ ﺭﺍﺡ ﻳﺒﻮﺱ ﺭﺟﻠﻴﻬﺎ ﻋﺸﺎﻥ ﺗﺴﺎﻣﺤﻪ ﻭﻫﻲ ﻗﺎﻟﺖ ﻋﻤﺮﻱ ﻣﺎ ﻫﻘﺪﺭ ﺃﺳﺎﻣﺤﻜﻢ ﻣﺶ ﻫﺘﺒﻄﻞ ﺍﻗﻮﻝ ﺭﺑﻲ ﻇﻠﻤﻨﻲ ﻋﺒﺎﺩﻙ ﻓﻤﻦ ﻟﻲ ﺳﻮﺍﻙ ﺍﻟﻜﻠﻤﻪ ﻟﺴﻪ ﺑﺘﺮﻥ ﻓﻲ ﻭﺩﺍﻧﻲ ..
ﻓﻌﻼ ﺑﻌﺪﻫﺎ ﺭﻭﺣﺖ ﺍﺑﻮﻳﺎ ﺟﺎﻟﻪ ﺟﻠﻄﻪ ﻋﻨﺪﻩ ﺷﻠﻞ ﻧﺼﻔﻲ ﻟﺤﺪ ﺍﻧﻬﺎﺭﺩﻩ ﻭﻛﻞ ﻳﻮﻡ ﻳﻄﻠﺐ ﻣﻨﻬﺎ ﺗﺴﺎﻣﺤﻪ ﻋﺸﺎﻥ ﺭﺑﻨﺎ ﺑﺎﺧﺪ ﺭﻭﺣﻪ ﻭﻳﺮﻳﺤﻪ ﻋﺸﺎﻥ ﺷﺎﻳﻒ ﺍﻥ ﺭﺑﻨﺎ ﻣﻄﻮﻝ ﻓﻲ ﻋﻤﺮﻩ ﻋﺸﺎﻥ ﻳﺎﺧﺪ ﺣﻘﻬﺎ … ﺑﻌﺪ ﻣﺮﺽ ﺍﺑﻮﻳﺎ ﺑﺴﻨﻪ ﺟﺎﻟﻲ ﺳﺮﻃﺎﻥ ﺍﻟﺒﺮﻭﺳﺘﺎﺗﺎ ﻭ ﻃﺒﻌﺎ ﺷﻠﺘﻬﺎ ﻃﺒﻌﺎ ﻣﺒﻘﺎﺵ ﻳﻨﻔﻊ ﺍﺧﻠﻒ ﺗﺎﻧﻰ ﻭ ﺭﺑﻨﺎ ﺃﺭﺍﺩ ﺃﻥ ﻳﺴﺘﺮﺩ ﺍﻟﻄﻔﻞ ﺍﻟﻤﻌﺎﻕ …
ﻃﺒﻌﺎ ﺯﻭﺟﺘﻲ ﺍﻟﺘﺎﻧﻴﻪ ﻗﺮﺭﺕ ﺗﻨﻔﺼﻞ ﻋﻨﻲ ﻭﺗﺴﻴﺒﻨﻲ … ﻭﺣﺼﻞ ﻭﺍﻧﻄﻠﻘﺖ ﻭﺍﻟﺪﺗﻲ ﺗﻮﻓﺖ ﻓﻲ ﻧﻔﺲ ﺍﻟﺸﻬﺮ … ﺣﻴﺎﺗﻲ ﺍﺳﻮﺩﺕ ﺣﺎﻭﻟﺖ ﺍﺭﻭﺡ ﺍﺷﻮﻑ ﻭﻻﺩﻱ ﺭﻓﻀﻮﺍ ﻳﺸﻮﻓﻮﻧﻲ ﺍﺻﻼ ﻋﻴﺎﻟﻲ ﻗﺎﻟﻮﻟﻲ ﺍﺣﻨﺎ ﺑﻨﻜﺮﻫﻚ ﻋﺸﺎﻥ ﻣﺎﻣﺎ ﻋﻴﻄﺖ ﻛﺘﻴﺮ ﻣﻨﻚ ﻋﺸﺎﻥ ﺯﻋﻠﺖ ﻣﺎﻣﺎ .. ﻣﺎﻣﺎ ﺩﻱ ﻫﻲ ﺣﺒﻴﺒﺘﻨﺎ ﻭﺑﺲ ..
ﻭﻣﺮﺍﺗﻲ ﺍﻷﻭﻟﻰ ﺩﻟﻮﻗﺖ ﻋﺮﻓﺖ ﺃﻥ ﺟﻮﺯﻫﺎ ﺑﻴﻌﺎﻣﻠﻬﺎ ﻋﻠﻰ ﺃﻧﻬﺎ ﻣﻠﻜﻪ ﺑﻴﺤﺒﻬﺎ ﻫﻲ ﻭﻭﻻﺩﻱ ﺑﺠﻨﻮﻥ ﺑﻴﻘﻮﻟﻮﺍ ﻟﺠﻮﺯﻫﺎ ﻳﺎ ﺑﺎﺑﺎ ﻭﺃﻧﻪ ﻋﺎﻳﺸﻠﻬﻢ ﻧﻘﻠﻬﻢ ﺍﺣﺴﻦ ﻣﺪﺍﺭﺱ ﻋﻴﺸﻬﻢ ﺍﺣﺴﻦ ﺣﻴﺎﻩ ﻣﺎ ﺷﺎﻓﻮﻫﺎﺵ ﻣﻌﺎﻳﺎ . ﺩﻟﻮﻗﺖ ﻫﻮ ﺃﺧﺬﻫﺎ ﻫﻲ ﻭﻣﺎﻣﺘﻬﺎ ﻭﻭﻻﺩﻱ ﻭﻋﺎﻳﺸﻴﻦ ﻓﻲ ﺩﺑﻲ ..
ﻭﺃﻧﺎ ﺷﺎﻳﻞ ﺍﺑﻮﻳﺎ ﺍﻟﻠﻲ ﻣﺸﻠﻮﻝ ﻟﻮﺍﺣﺪﻱ ﺃﺧﻮﺍﺗﻲ ﺍﻟﺒﻨﺎﺕ ﺭﻓﻀﻮﺍ ﻳﻌﻤﻠﻮﺍ ﺁﻱ ﺣﺎﺟﻪ ﻋﺸﺎﻥ ﺷﺎﻳﻔﻴﻦ ﺍﻟﻠﻲ ﻫﻤﺎ ﻓﻴﻪ ﺑﺴﺒﺒﻲ ﺍﻧﺎ ﻭﺍﺑﻮﻳﺎ ﻭﻗﺎﻃﻌﻴﻦ ﻋﻼﻗﺘﻬﻢ ﺑﻴﺎ ﺍﻧﺎ ﻭﺍﺑﻮﻳﺎ ﺧﺎﻟﺺ .. ﺍﻧﺎ ﺧﺪﻧﻲ ﺍﻟﺸﻴﻄﺎﻥ ﺍﻭﻝ ﻣﺮﻩ ﻭ ﻏﺪﺭﺕ ﺑﻤﺮﺍﺗﻲ … ﺧﺪﻧﻲ ﺗﺎﻧﻲ ﻓﻲ ﺍﻧﻲ ﺍﺗﻜﺒﺮﺕ ﻋﻠﻰ ﺍﻧﻲ ﺃﺣﺎﻓﻆ ﻋﻠﻴﻬﺎ .. ﻣﺎ ﺗﻌﺒﺘﺶ ﻧﻔﺴﻲ ﻋﺸﺎﻥ ﺗﺴﺎﻣﺤﻨﻲ ﺭﻣﻴﺖ ﺍﻟﻜﻨﺰ ﺍﻟﻠﻲ ﻛﺎﻥ ﻓﻲ ﺃﻳﺪﻱ ..
ﺍﻧﺎ ﺍﺗﺤﺮﻣﺖ ﻣﻨﻪ ﺑﺲ ﺭﺑﻨﺎ ﺃﺩﺍﻩ ﻟﺤﺪ ﺗﺎﻧﻲ ﻛﻞ ﻳﻮﻡ ﺑﻴﻌﻤﻠﻪ ﻭﻳﺤﺎﻓﻆ ﻋﻠﻴﻪ …
ﻧﺼﻴﺤﻪ ﻟﻜﻞ ﺭﺍﺟﻞ ﺍﻭﻋﻲ ﺗﻈﻠﻢ ﺯﻭﺟﻪ ﺑﺘﺤﺎﻓﻆ ﻋﻠﻴﻚ ﻓﻲ ﻧﻌﻢ ﻟﻮ ﺿﺎﻋﺖ ﻣﺶ ﺑﺘﻴﺠﻲ ﺗﺎﻧﻲ ﻏﻴﺮ ﺩﻋﻮﻩ ﺍﻟﻤﻈﻠﻮﻡ ..ﻓﻌﻼ ﺳﺒﺤﺎﻥ ﺍﻟﻠﻪ ﺍﻟﻈﻠﻢ ﻇﻠﻤﺎﺕ
ﺩﻟﻮﻗﺘﻲ ﻋﻤﻠﺖ ﺍﻛﻮﻧﺖ ﻋﻠﻰ ﺍﻟﻔﻴﺲ ﺑﺎﺳﻢ ﻭﺍﺣﺪﻩ ﻗﺮﻳﺒﺘﻬﺎ ﻭﺿﺎﻓﺘﻨﻲ ﻋﺸﺎﻥ ﺑﺲ ﺍﺩﺧﻞ ﺍﺷﻮﻑ ﻟﻬﺎ ﻫﻲ ﻭﺍﻟﻮﻻﺩ ﺻﻮﺭﻩ ﺑﺲ ﺑﻴﺘﻘﻄﻊ ﻗﻠﺒﻲ ﻟﻤﺎ ﺑﺸﻮﻓﻪ ﻭﺍﺧﺪ ﻭﻻﺩﻱ ﻓﻲ ﺣﻀﻨﻪ ﺃﻭ حاﻃﻂ ﺍﻳﺪﻩ ﻋﻠﻰ ﻛﺘﻔﻬﺎ ﺃﻭ ﺻﻮﺭﺗﻪ ﻭﻫﻮ ﺑﻴﺒوﺱ ﺭﺃﺳﻬﺎ ﻛﺎﻥ ﻫﻴﺠﻴﻠﻲ ﺟﻠﻄﻪ ﻭﺍﺭﻗﺪ ﺟﻤﺐ ﺍﺑﻮﻳﺎ …
ﺍﻧﺎ ﺍﺳﻒ ﻳﺎ ))) ﺩ ((( ﺳﺎﻣﺤﻴﻨﻰ ﺍﻧﺎ ﺍﻟﻠﻲ ﻛﻨﺖ ﻭﺣﺶ ﻭﺭﺑﻨﺎ ﺧﺪ ﺣﻘﻚ ﻣﻨﻲ ﺍﻧﺎ ﻭﺃﻫﻠﻲ ﺳﺎﻣﺤﻴﻨﻰ ﻭﺣﻴﺎﻩ ﻭﻻﺩﻧﺎ ﻟﻮ ﺍﻟﺰﻣﻦ ﻳﺮﺟﻊ ﻛﻨﺖ ﺑﻮﺳﺖ ﺭﺟﻠﻴﻜﻲ ﻭﺫﺑﺤﺖ ﻧﻔﺴﻲ ﺗﺤﺘﻬﻢ ﻟﺤﺪ ﻣﺎ ﺗﺴﺎﻣﺤﻴﻨﻲ.
منقووووووووووول