تاني يوم ياسمين استأذنت من المديرة واخدت سميرة
وراحت لابن خالتها في العياده بتاعته .. وصلوا واول ما راحوا دخلوا علي طول ..
ياسمين / عبد عامل ايه يا اسطى ..
عبد الرحمن / يا اسطى !! سبع سنين في كليه طب و امتياز كليف ومرمطة عشان في الاخر تقولي لي يا اسطى ..
ياسمين/ متزعلش يا عم مجدي يعقوب .. وبعدين مش عجبك ولا ايه ..
عبدالرحمن غمزلها / وانا اقدر اعترض .. انتي تقولي اللي انتي عيزاه يا قلبي ..
ياسمين ضحكت بكسوف / احم .. شايف بقي القمر دي سيكا وعايزين نطمن عليها ..
عبدالرحمن ابتسم ب بشاشه / خير يا أمي مالك..
سميرة قالتلو علي كل الأعراض اللي عندها ..
وياسمين حكتله علي النوبات اللي بتجيلها ..
طلب منها اشعه حاليل عشان يتطمن عليها ..
عملتهم فعلا وراحتلوا تاني مع ياسمين ..
عبد الرحمن / والله من اللي انا شايفه قدامي انتي ويا سليمه المخ زي الفل مفيهوش اي مشاكل
و مركز الذاكره عندك والتفكير تمام ..
حتي تحاليل الضغط والسكر الحمد لله مظبوطة .. واضح ان السبب نفسي ..
سميرة/ نفسي! وهو ده ممكن يخليني يجيلي النوبات الغريبه دي ..
عبدالرحمن / طبعا .. لان احنا ك بشر جسمنا عبارة عن مسرح بيعكس الصراعات و
و الصات اللي بتحصلنا وبنكبتها .. حضرتك ممكن تكوني كنتي بيحصل حاجات بتضايقك
بس مبتقدريش تتكلمي فجسمك بيستجيب لده عن طريق ان انتي تصحي فجاه من
تلاقي نفسك مش فاكره اي حاجه ..
دي بتبقى رغبه جواكي ان انك تنسي الناس اللي سببولك الاذى لكن مش قادره تنسيهم ..
يعني مثلا حضرتك حصل مرة ونسيتي ياسمين ؟
ياسمين / لا خالص هي دايما بتنسى المكان اللي احنا فيه او احنا في يوم ايه او في شهر كام ..
عبدالرحمن/ لأنها بتحبك وانتي مش بتزعليها او بتاذيها ..
حاولي تبعدي عن أي زعل وهتبقي تمام بإذن الله ..
سميرة ابتسمت / شكرا ي .. ربنا يحميك يارب ..
فات كذا يوم و سميرة فعلا خرجت من الدار و راحت قعدت مع ياسمين ف بيتها …
اما منال كانت ف بيتها ومعاها أخواتها .. هيتجننوا بعد ما عرفوا
ان امهم قررت تبيع كل حاجه ولغت كل التوكيلات اللي كانت عملاها ليهم ..
منال / انا مش فاهمه هي ازاي تعمل كده ..
دي خدت كل المحلات و حتي الشقق .. هنروح فين بس ..
نيفين / انا جوزي أما عرف كان هيتجنن وقالي لو كل حاجة
مرجعتش زي ما كانت هيطلقني وهياخد العيال …
هند / طيب و العمل ده كده بينا هتتخرب ..
انا عيالي عايشين ف مستوي معين مقدرش اعيشهم اقل من اهل ابوهم ..
منال/ لازم نقلب عليها الدنيا و نوصلها ونخليها ترجع عن بس …
هند / انا كلمت مديرة الدار قالت إنها مشيت ومش عارفة راحت فين .. هندور عليها فين بس ..
منال بعصبيه/ هنتصرف .. لازم نلقيها ..
فات شهر و سميرة كانت مبسوطه مع ياسمين
ولاول مرة تحس بالدفا من سنين كتيرة وساعتها بس عرفت ان عيالها عمرهم
ما حبوها هما كانوا بيحبوا فلوسها واملاكها لكن هي لا .. وف يوم كانت ياسمين دخلت صحيتها ..
ياسمين بمرح / يا سمورة .. اصحي بقي يلا عشان نفطر ..
سميرة صحيت/ صباح الخير يا سمسم .. انتي ة ولا ايه ..
ياسمين/ ايوا .. رايحه الدار عشان البت مروة تعبت ف هنزل مكانها..
يلا نفطر سوا بقي قبل ما انزل ..
قاموا و فطروا سوا بين ضحك ومرح ياسمين ودعاء سميرة ليها ..
شوية وخلصوا اكل وياسمين قامت روقت الدنيا وظبطت البيت و غيرت ..
ياسمين خرجت من الاوضه/ انا همشي بقي يا سمورة .. عايزة حاجة يا روحي ؟
سميره ابتسمت لا يا حبيبتي عايزه سلامتك ربنا يستر طريقك يارب ويوفقك ..
ياسمين تها اوي / انا مش عارفه انا هعمل ايه لسيبيني رجعي الدار تاني ..
انا اتعودت اوي على دعواتك الحلوه دي ليا كل يوم بحس ان والله ربنا بيسترها معايا عشان خاطر دعواتك دي ..
ياسمين نزلت وراحت شغلها قضت اليوم عادي بين التنضيف و القعدة مع الناس اللي قلبهم مكسور
ومحاولتها انها تخليهم يبتسموا وينسوا مشاكلهم ب ضحكها وهزارها وشقاها ..
شوية ولقيت ٢ ستات خارجين من اوضه المديرة وهي معاهم و راحوا نحيتها ..
المديرة / ياسمين .. الهوانم عايزين يسالوكي علي حاجة تخص الحجه سميرة ..
رواية ” بنات القسوة ” الجزء الثامن