انا اسفه جدا جدا هطول عليكوا بس انا تعبانه دلوقتي انا متجوزه من ٣سنين ومخلفتش ولا عيب مني ولا جوزي بس تأخير من عند ربنا جوزي ده متجوازه عن قصه حب طويله استمرت يجي ١٠ سنين انا عندي ٢٩ وهو ٣٢
عانيت كتير اوي اوي علي مااتجوزته حبيته اكتر من نفسي اهلي كانوا بيحبوه اوي بس جاء قبل الجواز بااسبوع قال مش هكتب قايمه مع اني جايبه كل حاجه بالنصف اهلي استغربوا اوي وحصل مشادات بينه وبين اخويا لان بابا كان اتو فى في الخطوبه وهو كان مصمم
مايكتبش وانا طبعا اتخذلت لاني كنت واثقه انه بيحبني وكده فاازاي مايرضاش عن حاجه زي دي دي كانت بدايه الخذل تعبت وبوقي اتعوج وروحت المستشفي واتعلقلي محاليل لاني كنت حاجزه القاعه والفستان وعزمت الناس وكده فهو لما عرف اني تعبت جالي ومضى علي ورق فاضي بس اهلي بردو شافو منه انه هيطلقني اي وقت بسبب رافضه للقايمه فقولنا مدام مضي
علي ورق يبقي شاري وتم الفرح بس تحسوه كان كا ره اهلي وشايفهم انهم السبب في مضي الورق مع انه هو الطلب كده من بسبب عصبيته عايزه اقولكوا اخويا التاني توفي ٣ يوم فرحي وسافرت الهاني مول بعدها بي ١٥ يوم علشان كانت الفلوس هتروح علينا من اول الهاني مول وهو بيكلمني في طلاق لو قعد منكده شويه او زعلانه او رديت رد معجبهوش يكلمني في الطلاق
تعبت اقسم بالله مفيش خناقه عديت بينا غيرر لما يقولي هطلقك تهد يد رهيب وكنت اجري من قصاده خوفا من الطلاق لغايه ما في مره اتكلمت معاه بكل هدؤ وقولت له زي ماانا هكون ست مطلقه انت هتكون راجل مطلق وشوفي ال يريحك راح اتعصب و طلقني فعلا بعد اول
سنه جواز تعبت وانهرت وهو تعب وندم وروحت انا لدكتور نفسي اتكلمت وخرجت ال جوايا قالت ليه ده شخصيه نرجسيه وبتاع بس هو مش ماشي معاكي وكملت بردو من كتر حبي فيه وخبيت علي اهلي الطلاق وكملت بس اتعافيت بالمرار الطافح وكمان كنت باخد مهدات علشان اعرف انام كان كل ال شاغل تفكيري انه حبيبي يوجعني ليه كده ده انا بحبه اكتر من نفسي
ومن بعدها بقي حصل مشاكل كتير مع اهله بسبب مرات اخوه احنا متجوزين في نفس السنه واخوه اصغر منه بس ساكن معانا
في نفس العماره اخوه انسان اناني كانوا يطلعوا يقعدوا عندنا اكل وشرب ومايهونش عليهم يقولو لنا انزلوا حتي وبيخبوا علينا لو رايحين مشوار لكن انا لو جبت حاجات من السوبر ماركت ولا لبس لازم يعرفوا جوزي من النوعيه ال بيحكي كل حاجه في حياته فاانا مع الوقت تعبت حسيت ان حياتي كتاب مفتوح وانا اقل القليل معرفش عنهم حاجه لغزيه ماحصل مشكله بينا علشان مااتصلتش بي مرات اخوه لما تعبت اخوخ
مرمتنا ربهدلنا انا وجوزي لانه بيعمل لها كرامه وانا جوزي ولا الهوا طول الوقت عايزني اشيلهم فوق دماغي وانا مش بتقدر مع الوقت بعدت خالص وبقي بينا سللم وخلاص جوزي بقي اتبع اسلوب تاني وبقي بيمد ايده كمان كل كلمه بقولها متعجبهوش يتعـ صب ويمد ايده او يشـ تم او يهدد بالطلاق لغايه بقي ما ضر بني يوم السبت ال فات بالشلوط وشدني من شعري
والموضوع ده سبت البيت بسببه مليون مره وبردو لسه زي ماهو قعدته مع اهلي واهلوا وبردو مفيش فايده وكمان مابقاش يصالح خلاص وبقي بجح يعني المره دي بيكلم اهلي بيقول لهم ضر بتها ودي مراتي اعمل فيها ال انا عايز ولو مروحتش النهارده هتتطلق وبالفعل مروحتش ومش عارفه كده اطلقت َولا لأ انا من جوايا في شرخ شمت النتس كلها فيا انا كنت طالعه السما بيه اوي ومش عارفه اعمل اي واهلي شخصيتهم ضعيفه وهو مش بيحترمهم ومش بيعرفوا يجبولي حقي وفي نفس الوقت هو معندهوش كبير ابوه مش بيتدخل ولو اتدخل يخربها ويقولي لو مش مرتاحين تعالي خدي حاجتك راجل ظالم
يعني ويقول انا مش بقدر عليه انا تعبت حاسه ان انا بتعا قب بس مش عارفه انا عملت اي لكل ده شوفت منه قساوه مش شوفتها في حياتي مش بيعرف يحتويني جاحد معايا ومع كل الناس محترم وحنين وفوق ده كله قافل عليه لا شغل ولا لبس براحتي ولا اخرج براحتي عمري جري وداخله علي ٣٠ من غير اهداف مع اني خريجه جامعه ومس عارفه اعمل اي مش قادره اقبل الاهانه ولا قادره اعمل واضـ رب ولا قادره اطلق مش عارفه اعمل اي ساعات كتير
بحس ان ربنا مااكرمنيش بالخلفه علشان مش هنكمل مع اننا كشفنا ومفيش موانع بس في نفس الوقت الموضوع محتاج نفسيه كويسه وانا نفسيتي في الارض خايفه اختار الطلاق وانا بقيت فاقده الشغف في كل حاجه وبقيت هاشه اوي من جوه ومش عندي اي مؤهلات تخليني اقف علي رجلي وخصوصا ان اهلي بيترعبوا من الطلاق