ادمن
رساله عضوه
انا مخنوقة جدآ وحزينه ، من ٧شهور سلفتي توفي.ت كانت مريضة بعد تعب دام سنة تركت ٣ اطفال صغار وقبل وفاتها بشهر كنت عندها جالسة بجانبها انا وحماتي
وزوجها لقيتها بتبكي وبتوصينا على اولادها كلنا بكينا
انا مش قادرة انساها ابدآ هي وحشاني جدآ نفسي اخدها ف حضني الاشتياق للميت صعب اوي
عزائي الوحيد اولادها .كل اما اشوفهم افتكرها وقلبي يحزن
ومن يوم ما توفيت وانا بهتم بيهم انا وحماتي . ماهي موصياني . طول فترة مرضها كنت معاها بخدمها وعمري ما مليت منها ابدآ . قبل ما تتوفى بإسبوعين كنت معاها قاعده جمبها ع السرير لقيتها مسكت إيدي وقالتلي انا ما كنتش اتوقع انك تعملي معايا كده انا حبيتك اكتر .انتي
عملتي معايا الا اختي ما عملتهوش . وفضلنا نتكلم وجت سيرة الغسل (غسل المي.ت) كانت واحده جارتنا توفيت وبعد وفاتها عرفت من بنتها انها كانت قايلالهم اني انا الا اغسلها لكن انا ما كنتش موجودة ..فا سلفتي عرفت ولقتها بتقولي ايه ده انتي بتعرفي تغسلي . قولتلها اه . قالتلي وهي بتضحك يعني هتظبتيني
ساعتها انا بكيت . قالتلي ما تخليش حد يدخل عليه وظبطيني بئا . وانا يعلم ربي نفذت وصيتها وسترتها وانا الا خيطلها الخمار بتاع الكف.ن ولبستهولها . كان صعب عليه اوووي فوق ما تتصوروا لكن كل ما اضعف افتكر انها وصتني
انا بحكيلكم عشان اخرج الإحساس الا جوايا . الاحساس الا هيموتني يمكن اهدا شوية .
حلمت بيها كتير . كانت بتيجي وهي بتضحك ف وشي وتاخدني ف حضنها .
عايزة اقولكم انها وقت وفاتها نطقت الشهادة ورفعت السبابه
وماتت على ايدي ف حضني
كانت انسانة جميلة وطيبة وخلوقة واخت لم تلدها امي
كانت بتضايق مني اما اقولها يا سلفتي
كانت تقولي ماتقوليش يا سلفتي
كانت تقولي انا اختك . ذكريات كتير ومواقف لو فضلت احكي مش هتخلص ولا هقدر اوفيها حقها . حقها هوفيه ف اولادها ان شاء الله. ربنا يقدرني ويعينني عليهم
ادعولها بالرحمه
اللهَّم إني أسالك توفيقاً في طريقي وراحه في نفسي وتيسيراً لأمري، ربي أعوذ بك من شتات الأمر ومسّ الضُّر و ضيق الصدر.
اللهم إني استغفرك من كل ذنب يعقّب الحسرة و يُورث الندامة و يرد الدعاء و يحبس الرزق، ربي إن كان هناك ذنب يحول بيني وبين تيسير أموري اغفره لي
اللهم أكتب لي تغيرا للأفضل في نفسي وحالي وحقق لي ما اتمنى ولا تجعلني وجعًا
ولا عبئاً لاحد.
اللهُم لا تحّرمني خيَرك بقلةِ شُكري ولا تخِذلنيّ بقلةِ صَبري ولا تُحاسِبني بقلةِ إسَتغفاري، فانتْ الكريمُ الذيّ وسِعت رحَمتك كُل شيء