مشكلتي اتجوزت زوج كويس الحمدلله حملت علي طول في بنت فضلت اعيط لما عرفت وجوزي كان يقولي
حرام عليكي كان نفسي اجيب ولد لاني قبل جوازي كنت بربي اولاد اخواتي كلهم صبيان فاتعودت علي تربيه الصبيان
وحبيتهم ولدت بنتي ولأنها بنتي وضنايا عشقتها بعدها بفتره بسيطه حملت في ولد وكانت الفرحه الكبيره
بالنسبالي رغم ان زوجي راجل خلوق ويرضي بإرادة ربنا سبحانه وتعالي ولدت الولد وربنا عطاني ملاك علي
هيئه طفل في من جمال لا يوصف ادب هدوء ذكاء كنت اتفرج علي جماله وانا بسرح عكس البنت تماما لدرجه
اني كنت بخبيه من عيون الناس عمره سنتين ونصف وكأنهم عشرين سنه توفي ابني في تعب بسيط ماكنتش
اتخيل لحظه انه ممكن يموت مني مات ابني وأهملت صحتي ونفسي ومظهري وبيتي وبنتي وجوزي وقلبي مابردش لحظه واحده أصبحت دلوقتي ابص في ولاد الناس واقول اشمعني ابني يموت استغفر الله وعدت اكتر من سنه وكأن موته النهارده مشكلتي هي مش عارفه
يتبببببببببببببببببببع