صدمة عمري كانت لما جوزي دخل الشقة و كانت ايده بايد بنت عمه الي هيه صاحبتي الوحيدة
قولت وانا ببص على ايديهم المتشابكة : هو في ايه
هبة : اصل حبينا نفرحك اول وحدة بخبر جوازنا
وقع الطبق من ايدي
سعيد : ندى حببتي ، انا اتجوزت هبة بنت عمي ، عشان عارف انك بتحبيها اوي و هتكونو زي الاخوات
قولت بز.عيق : انت اتجننت ، اتجوزت عليا يا سعيد
وقتها دموعي خانتني ، الصدمة الي انا فيها ما اتمنهاش لاي بنت
سعيد بز.عيق هو الاخر : وطي صوتك يا ندى ، و بعدين هبة بنت عمي وانا اولى فيها من الغريب ، وانتي خلفتك كلها بنات انا عايز ولد ، ده غير بقا انك ما بقتيش تهتمي في نفسك و تخنتي اوي و تغيرتي
انا من الصدمة ما قدرتش انطق روحت فورا لاوضتي و قفلت على نفسي و بدأت الم شنطة هدومي و اتصلت ببابا و قولتله يجي فورا من غير ما اوضحله اي حاجة
بعد شوية
بابا : في ايه يا سعيد ندى اتصلت بيا بتعي.ط*
سعيد بتوتر : يعمي
هبة : انا هقولك يا اونكل كل الحكاية انه انا وسعيد تجوزنا و الهانم زعلانة علشان كدة
بابا بصدمة : انت بتقول ايه اتجوزت على بنتي يا سعيد وكمان صاحبتها
سعيد : يعمي بنتك ما عادتش تهتم بالبيت و خلفتها بنات و انا عايز ولد
بابا : انت متخل.ف هو لسا في حد بيفكر كدة ، انا هاخد بنتي و بناتها حالا ، و ورقة طلاقها توصلها انت فاهم
قولت : بابا انا جاهزة
بابا : تعالي يا ندى يا بنتي انا هطلقك من الحيوان ده
روحت مع بابا
وانا في العربية سندت دماغي على الشباك و سرحت بافكاري
يتببببببببببببببع