وبرغم تعبه كان بيخدمني، حسيت في الوقت ده إني لازم أسامحه وأفتكرتله كل حاجة حلوة بس.. أيام جوازنا الأولى وذكرياتنا الحلوة، قررت أسامحه لإن اللي قدمه ليا كتير وحتى لو كنت مجروحة منه بس مش هقدر أخسره برضو!
أمي جاتلي زيارة بعد فترة، وإحنا قاعدين انا وهي مع بعض وبحكيلها إني مش هقدر أطلق لاقيت مالك وبيان بيتكلموا وبيان بتقوله: مش هتقول لماما كلام أبلة نرمين!
لاقيت مالك بيقرصها وبيقولها لا مش دلوقتي!
قومت وشديتهم وقولتلهم مين نرمين دي؟
العيال خافوا ومعرفوش يجمعوا الكلام بس فهمت إنها واحدة تعرف أبوهم، لميت هدومي وخدت ولادي ورجعت مع أمي البيت!
لاقيت جوزي جالي بعد شغله على طول ولسه هيزعقلي رفعت إيدي في وشه وقولتله: مش من حقك لإني من النهاردة مش هبقى على ذمتك، انا سامحت واستحملت معاك الفقر والظروف وكل حاجة واحترمت تضحيتك عشاني وسامحتك، عاوز مني إيه تاني؟
يتبببببببببببببببببع