” لسه عاوزة تتطلقي بعد كل اللي عمله عشانك؟ “
بصيت لماما وبلعت ريقي بصعوبة وقولت:
” وهو اللي عمله فيا شوية؟ “
ردت بكلمتين اختصروا الموضوع كله:
” ما دام صليتي استخارة في الطلاق وربنا بعتلك إشارات تكملي يبقى خير ليكي لو كل يوم ماشي مع واحدة غيرك “
بس أنا كنت في حيرة، انا وزوجي كنا بنحب بعض من قبل الجواز بفترة كبيرة بس محدش قال للتاني، ودعيت ربنا كتير عشان يجعله نصيبي برغم إني مكنتش عارفة إنه بيحبني، ولما اتجوزني كان أسعد يوم في حياتي لإن ربنا استجاب ليا دعوة سنين أخيراً.
خلفت منه مالك وبيان وحياتنا كانت كلها سعادة، لحد ما بدأ يظهر تصرفات غريبة، بيقفل على نفسه الأوضة كتير وكنت بسمعه بيتكلم مع واحدة ولما يشوفني يقفل التليفون بسرعة!
وكل ما كنت بواجهه كان بيتكلم بهزار ويقفل الموضوع وكأنه معملش حاجة، وبعد ما كان بيفسحني كل أسبوع بقى ياخد الولاد معاه ويسيبني في البيت!
يتبببببببببببببببببع