قالت كدة مهرة وهي بتضر*ب علي بالقلم علي وشه وبعدين زقته وسابته وطلعت تجري من المطبخ وهي بتعيط وفجأة خب*طت في زين اللي لحقها قبل ما تقع واستلقاها في حض*نه ،، رفعت مهرة وشها وبصت لزين وهي قريبة منه وهو كان مركز في عيونها اللي بتلمع بالدموع وقلبه و*جعه علي شكلها
زين بهدوء عكس اللي جواه
/ مالك ؟
مهرة حركت راسها كذا مرة بحزن وسابته وبعدت عنه وجريت علي فوق وهو متابعها بعنيه وهو مش عارف مالها واتفاجئ بعلي وهو خارج من المطبخ وباين علي وشه الغضب ووقتها فهم زين اللي حصل تلقائيا فقرب من علي بغضب
زين بحد*ة /الزم حدودك ناحية مهرة يا علي والا هيبقالي تصرف مش هيعجبك
علي باستغراب / وه هي لحجت جالتلك ،،وبعدين انت مالك عاد يا زين ،،اني خطيبها وهبجي چوزها
زين وهو بيمسكه من هدومه بغضب / يبقي تلزم حدودك لحد ما تكون مراتك ولحد ده ما يحصل يبقي متقربش منها انت فاااهم
قال زين اخر كلامه بصوت عالي خلي علي يتوتر ويرد بسرعة
علي / فاهم فاهم ،، هملني بجي خليني اشوف حالي
كانت هنية نازلة من فوق ولما شافت زين ابتسمت بفرحة
هنية بابتسامة/ صباح الخير يا ولدي ،، كيفك دلوك
زين بحنية / الحمد لله يا امي ،،هو بابا فين ؟
هنية / ابوك لساته خارج من شوية ،، جالي هيشوف حتة ارض اكده كان متحدت عليها
حرك زين راسه بايجابية وعلي كان بيبصله بغضب وسابه ومشي وزين متابعه بعنيه
هنية باستغراب/ وه ،، هي فينها موهرة ،،ده انا جولت زمانها حضرت الفطور
مهرة وهي بتنزل السلم / اني كنت بحضره يا عمتي بس طلعت اچيب حاچة وهكمل اهو واحضر السفرة حالا
هنية بابتسامة / تسلمي وتعيشي يا بت الغالي
زين كان متابع موهرة بعنيه وهي كانت ملاحظة ده بس حاولت تبان طبيعية وسابتهم ودخلت المطبخ تكمل الفطار بس زين دخل وراها واتفاجأت بيه ب……..يتبع
يتبببببببببببببببع